زهقت من عربيتى سيفيك 2008

**mando_07** · 06-07-2014 07:31 PM

المشاركة الأصلية كتبت بواسطة CosmicOne

زى ما اتقال هنا من الأخوه تسقيط النقله ده Engine break و ده حاجه صح جداً و كويسه جدأً و عربيتى كانت بتعملو طول ما قعدت معايا لحد ما بعتها عامله قرب ال160 الف كيلو

و حالياً الاكتافيا فيها نفس الخاصيه و بتسقط كده بردوا و انا نازل اى منزل :)

مش عارف بس حاسسها بتعملها بطريقة مزعجة شوية و الفتيس زى ميكون بيهنج ثانيتين كده و يرجع تانى
و مبروك الوكتافيا يا باشا

**sanhory** · 07-07-2014 02:19 AM

المشاركة الأصلية كتبت بواسطة mando_07

معلش انا مش واخد بالى اشمعنى السخن و افصله ازاى

تكييف العربية السخن بيعتمد على دورة تبريد المحرك لتشغيل الهواء الساخن داخل السيارة
يعني حتلاقي خرطوم من الموتور داخل للطابلوه و خرطوم طالع دول بيمرروا المياه الساخنة داخل السربانتينة الداخلية للسيارة ممكن يكون التسريب في الجزئية دي و طبعا ممكن ما تشوفش التسريب

روح لحاد فاهم يفصل دورة السخن من التكييف و جرب
بالمناسبة حتلاقي تحسن في اداء التكييف

**mando_07** · 07-07-2014 05:37 PM

ألف شكر يا باشا و أعتقد اللى انت كلامك صح خصوصا انى بشحن التكييف كل سنة بلاقى الفريون ناقص مش عارف ليه الراجل قالى احتمال يكون فيه تسريب بسيط من جوه التابلوه, بس اعذرنى انا برضه معرفش يفصلها ازاى و بعدينمش الكلام ده لو انا أصلا بشغل السخن؟ و كده مش هيكون في سخن لو حبيت استخدمه في البرد او لما يكون في شبورة في العربية و مين يعمل الموضوع ده بتاع التكييف
بشكرك تانى يا باشا و معلش صدعتك معايا

**sanhory** · 07-07-2014 06:16 PM

فعلا مش حيكون في سخن لو فصلتها لكنىانا بقولك افصلها من باب التجربة و شوف حتنقص الميه ولا لا ، لو مفرقتش و نقصت برضه ابقى رجعها تاني لو فرقت يبقى انت عرفت فين المشكلة
حكاية بقى انك مبتشغلش السخن فا ليه تعمل كدا . ممكن يكون الصمام اللي بيقفل الدورة فيه مشكلة و مش حابك كويس ،
ميكانيكي كويس يفصلك دورة السخن في 5 دقايق و انت واقف بس قوله انا عايز وقت ما احب ارجعها ارجعها
و بعدين مافيش شكر ولا حاجة احنا هنا بنخدم بعض . يارب يكون بفايدة

**mando_07** · 07-07-2014 06:25 PM

تمام هجرب و اقولك يا باشا

**sayed20501** · 18-07-2014 02:37 PM

متابع للإستفادة
كل الود

**mahmoudsmh** · 18-07-2014 03:25 PM

المشاركة الأصلية كتبت بواسطة cosmicone

زى ما اتقال هنا من الأخوه تسقيط النقله ده engine break و ده حاجه صح جداً و كويسه جدأً و عربيتى كانت بتعملو طول ما قعدت معايا لحد ما بعتها عامله قرب ال160 الف كيلو

و حالياً الاكتافيا فيها نفس الخاصيه و بتسقط كده بردوا و انا نازل اى منزل :)

ياريت تقولي ايه اخبار الاوكتافيا معاك وهيا احسن ولا السيفيك لاني محتار ما بينهم في الزيرو الي محيرني ان الاوكتافيا ١١٠ حصان اقل من السيفيك والكماليا اقل من السيفيك بكتير زي الايكونومي موت والاستارت استوب انجن وفي نفس الوقت الاوكتافيا شكل احلى بكتير جدا وخايف من الفتيس برضه ايه رايك وشكرا جزيلا