الموضوع: معي 93 الف اشتري ايه

طبعا الصني عربية كويسة جدا..
بس لو محستش انك متضايق منها في حاجة.. اختيار كويس طبعا..
و موتور قوي ممتاز..

في ناس بتضايق من بعض الحاجات في التقفيل المصري فيها..
انا مش عارف ايه بالظبط.. بس التنجيد بتاعا لكراسي مثلا.. بعض خامات الصالون..
ممكن جدا الحاجات دي متفرقش معاك,, او متاخدش بالك منها اصلا..

انت قبل اى حاجة لازم تحط اعتباار للاساسياات التى يجب ان تتوافر فى سيارة حديثة وامنة ..بداية طبعا لابد من وجود...

فرامل abs و ebd .....اكيااس هوائية (air bags)..وحضرتك دا متوفر فى الياريس
صناعة دقيقة وتقفيل محترم وتكنولوجى جديد ....عشاان كله يبقى فى السليم ودا منطبق على الياريس
الباور بتاع الياريس كهربائى وبجد تحفة ودا شىء اى حد بيلاحظه...
سحب وتساارع ممتااز رغم صغر حجم الموتور وبتجيبم العربية من 0 الى 100 فى 11.3 ثانية ودا بالنسبة للمانوال ال 1300..والاوتو فى 12.6 ثانية...دا غير ان الموتور ناعم جدا ومعمر...
عندك مقااس الكاوتش 15 ولو تفتكر هتلاقى ان الكورولا 2007 بتنزل بمقااس 14 بس على فكرة العربية ممكن تشيل معاالك لحد 18 عشاان الفجوة واسعة جدا...
طبعا سعر اعادة بيع جامد واعطال نادرة دا غير توافر قطع الغيااار والتوكييل المحترم جدا واسم تويوتا الى هيا افضل مصنع للسيارات غالبا فى العالم ودايما هى شركة رائدة بالذات فى الفئة دى من العربياات ....صحيح المساحة الداخلية ممتازة جدا وهى فى نفس وسع الانسر البوما كده رغم ان شكلها صغير حبتين...

قد يكون العيب الوحيد بس هو موضوع الثبااات .....لكن الحقيقة بعد تجربتى للسيارة على سرعاات تتراوح مابين ال 140 وال 180 ولقيت العربية كويسة ...والحقيقة اغلب الفئة دى ثباتها محدود ماعدا الامبريزا والسيفيك الى هيكونوا اثبت نسبيا......الرؤية الخلفية صعبة حبتين وكذلك ابعااد العربية...ايضا العزل الداخلى متوسط ...والاكصدام الامامى ضعيف .....

الصنى كانت زى الفل ومعليهاش كلام لحد ما بقت تتقفل فى مصر..وانت عارف طبعا يعنى ايه تقفيل مصرى....الجين 2 سياارة كماليتها كتير لكن فى النهاية هى سيارة ماليزى ومش اى زبون هيثق فيها....الاوبتروا عن تجربة طويل لا انصحك بها ابدا عشااان مبتستحملش وعاوزة استعمال طبيب....الالنترا زى الفل وشكلها تحفة بس طبعا هيونداى عربية نفسها قصير ولاتخلوا من العيوب والمفاجأت بس هى شكلها جاااامد.....السيريون على فكرة تحفة جدا لو معندكش مشكلة مع الشكل الصغير بتاعها...........بس من الاخر لو عاوز عربية متقلقش منها وتشتريها وانت مغمض وثمنها فيها وتعملش معااك القلة يبقى يااااريس يا مااااااان...

أنا شايفك حيران قوي
و الناس شرحت بما فيه الكفاية
و لو أني مش متفق في بعض الكلام اللي اتقال عن الجين 2
و عن ثبات الياريس

بس أنا شايف إن الياريس حلوة قوي خصوصا
أن سعر اعادة بيعها حلو
عربية أعطالها قليلة و من أسم محترم
محرك ممتاز و كفائتة عالية
توكيل محترم في خدمات ما بعد البيع

يعيبها حاجتين
سعرها عالي شوية ......... شكلها بالنسبة لي مش بيعجبني ... و ثباتها ضعيف و ده راجع لحاجتين ( ارتفاع العربية قوي عن الأرض و الوزن الخفيف )
طبعا موضوع الثبات بتشعر به لما تركب حاجة أثبت منها
و الأستاذ سعداوي ( مع الأحترام الكامل لرأيه )
العربية ثباتها أقل من الآتي و عن تجربة
جين 2 ........ نوبيرا ......... ابيزا ( عربية أصغر منها ) ...... واجا ...... النترا ........ لانسر السبورت ....... صني ( رائعة رائعة بكل المقاييس و مش عارف الناس مطلعة فيها القطط الفاطسة ليه ) ...... و عربيات كتيرة تانية

ممكن تضيف عليها هوندا سيتي و بتنطبق عليها نفس مواصفات الياريس ما عدا سعر اعادة البيع و سوقها مش ماشي زي سوق الياريس في اعادة البيع و ليها زبون مخصوص


في النهاية انت هاتسوق كتير في وسط البلد ..... و عايز حاجة متخسرش فيها ........ و مش بتاع جري و أخرك 100 و أدام مش بتاع جري تبقى راجل محترم و مش بتعمل غرز ........ يبقى الياريس هاتبقى أستاذة معاك و معاها السيتي و الأثنين موفرين في البنزين و أن كان السيتي كسبانة جوايز كتير في موضوع توفير البنزين بس قطع غيارها تقريبا أغلى شوية من الياريس

------------------------------------------------------------------------------

نيجي بقى للجين 2 ...... عربية ماليزي ....... و محدش أشتكى أبدا أبدا أن العربية فيها مشاكل أساسية و بعض الناس ظهر معهام عيوب تقفيل بسيطة ....... إنما ركوبة زي الألماني الثابت على الأرض و بدون مبالغة ...... أنا جربت الفيكترا ...... و الله العظيم الثبات متساوي جدا ...... يعني من الأخر عربية ممتازة جدا و سعرها فيها و يعيبها عيوب التقفيل البسيطة اللي بتتصلح في التوكيل و مش أي حد بيتقبل العيوب دي لذلك عايزة ناس عايزة تركب عربية شديدة و تستحمل بعض العيوب البسيطة في التقفيل ( كزرار معلق ...... نور الصالون مش راكب كويس و حاجات كلها بتتعمل في التوكيل مجانا و بيتم التغيير فورا لو حاجة فيها مشكلة صناعة )
و هذا توضيح بسيط عن السيارة ........ و أنا شايف اللي بتشترك معاها في المواصفات دي ........ الواجا و الصني
عربيات ممتازة و ثمنها معقول ....... و ممكن تظهر عيوب تقفيل بسيطة
و العيوب بتظهر في أي عربية ...... بس بقى أحنا بنقبل عيوب أي ماركة ؟؟؟؟؟؟؟؟ ........ هي دي القضية النفسية

حاجة كمان ....... توكيل الجين 2 ( عز العرب ) عادي أو متوسط ليس أكثر من ذلك و توكيل النيسان صني الناس كلها بتقول أنه توكيل ممتاز

كلام الاخوة وافي جدا..
موضوع الامان فعلا هما مفيش غير الياريس و الجين تو اللي بالسعر ده و فيهم اير باج و ايه بي اس..
ودي حاجة مهمة جدا..
و الكلام عن الياريس انا باقوله عشان انا جربتها و سوقتها و صديقي معاه واحدة و اعرف اخبارها منه.. الثبات نسبي طبعا.. و اللي خلاني اقول ثباتها مش قوي اني راكب كورسا اوبل الماني اي نعم موديل 97 بس بصراحة.. الفرق باين.. مش كبير بس باين..وخاصة علي سرعات و هواء عرضي.. علي الطريق..
و انا باتجنب الكلام علي الجين تو.. لسبب اني مركبتهاش.. و بالتالي ماقدرش احكم.. و ماعرفش حد قريب مني معاه العربية دي.. و ماعرفش اخبار كتير..
و بالتالي اسيب الكلام عنها للناس اللي معاهم العربية و متابعينها,..,
السييتي برضه جامدة جدا.. ولو عندك استعداد تستني لأول شهر 11 ممكن تشوف السيتي الجديدة هتنزل بكام.. خاصة ان شمكلها تحفةى.. و احلي من الحالية بتكير و اشد من الساريس بمراجل..
بس مش تقفيل ياباني.. تايلندي علي ما اذكر..

ط انا عاوز اعرف انهي ثباتة احسن لجين2 ولا الصني ضروري جدالان والدتي محتارة بين الاثنين بس عاجباها الصني طبعا لان الجين2 شكلا لا يليق بسيارة استارة جامعية فيا تري ثبات الصني حلو ولحدسرعة كام لانهاعلي طرق سريعة معظم الوقت