يوميات مبتدئ فى السواقة تعبان اوى

**masrawy99** · 16-10-2008 04:39 PM

فى الحقيقة اول مرة يكون عندى سيارة لسه جايبها من اسبوع سيارة دوجان موديل 96 عربية ماشاء الله حلوة فابريقة جوه وبره مفيش فيها خدش كفاءة الماتور 80% كانت مرفوعة سنين طويلة كاملة مفيهاش اى شئ غير ررولمان البلى اللى انا غيرته بتاع الدينامو وهغير السيور فقط
قبل ما اجيب العربية رحت اتعلمت فى مدرسة لتعليم السواقة وبصراحة هى فكرة فاشلة لانك بعدها مش هتعرف تسوق برده
لان العربيات دى بتبقى مجهزة وفيها فرامل امام المدرب ولو فيه حاجة انتا عملتها غلط بيدوس فرامل وخلاص ولا ينبهك لوظيفة المرايات ولا فرامل اليد ولا اشارات السائقين اللى امامك
ده كله ليه ؟
لان الحصة اما نصف ساعة او ساعة لو ساعىة هتبقى ست حصص ولا نص هتبقى اتناشر حصة لكن النص ساعة دى يدوب لو ركبت العربية ودورتها يقولك خلاص والساعة بردة مع انها ساعة الا ان المدرب بيبقى مجبر على اماكن معينة لا يبعد فيها عن شغله حتى يركن السيارة فى الموعد تماما.
فعلى كل حال انتا بتخرج من المدرسة تعرف تدور العربية وتعطى الغيارات حتى التالت لانك فى وسط القاهرة والزحمة هتروح رابع فين فكافية عليك التالت وتبوس ايدك شعر ودقن.
المهم بعد مخلصت الحصص حسيت انى لسه مش تمام طبعا قلت اخد كمان حصتين.
خد حصتين كمان وحسبت كل اللى سوقته وجدته حوالى خمس ساعات متواصلة وباقى الوقت وقوف وانتظار وتطلع بعد الموعد بخمس دقائق وترجع قبل الموعد بخمس دقائق.
ده طبعا بلاضافة الى ان كل يوم واحد يدربك يقولك دى اول حصة ويعيد معاك اللى قاله لك زميله اللى هو الغيارات وازاى تحرك العربية وتوقفها وتمورها.
قلت كده مش هينفع كل شوية فلوس بتدفع ومفيش تقدم ملموس اوى .يعنى لو جبت عربية معرفش اعتمد على نفسى واسوقها.
فقررت لما اجيب العربية ابدء اطلع عليها واتعلم واحدة واحدة مع احد الاصدقاء.
وهنا دى بقي الماساة الحقيقة.
الحلقة القادمة ان شاء الله هتكلم على اول طلعة ليا بالعربية وهنشوف الخيال العلمى فى سواقة المبتدئين

**Nour_Peugeot** · 16-10-2008 04:47 PM

مستنينك يا باشا لما نشوف اخرت مدارس تعليم السواقة

انا اتعلمت معا والدي و بعد كده دخلت مدرسة سواقة

بص ركز انت بس و متقلقش و خليك واثق في نفسك و هي كلها شهر و تبقي متمكن

**a_tolba** · 16-10-2008 04:47 PM

الف مبروك يا باشا العربية وربنا يباركلك فيها
وان شاء الله هاتبقى زى الفل

**Goodle** · 16-10-2008 05:59 PM

متابع باهتمام

**Noha.M** · 16-10-2008 07:14 PM

ربنا يوفقك يا رب فى السواقة و سيبك من المدارس دى خسارة الفلوس فيها

انا كنت بطلع و انا صغيرة اتفرج على اختى و هي بتتعلم السواقة و من كتر حبي فى السواقة

كنت بفضل مركزة فى النقل و الغيارات و رجلها على الدبرياج و اى حد بيسوق كنت لازم ابقي

مركزة جداااااااااا معاه فى السواقة لدرجة انه لما انا بدأت اتعلم فعلا كنت عارفة النظرى كله و لقيت

نفسي بطلع بالعربية من غير مشاكل و هم 4 حصص كل جمعة مع السواق كان بيجيلي الصبح

الساعة 9 و اخد لفة فى المعادى و بعدين بدات الطش العربية لوحدي و كنت بعمل غلطات مصايب

بس هي دي اللى علمتنى اكتر من قاعدة حد جنبي ماسكلى فرامل اليد

بجد ربنا يوفقك ان شاء الله و ابقي قولنا اخر الاخبار و متابعيييينك :)

**Ayman_52** · 16-10-2008 07:42 PM

الف مبروك عالعربيه...وربنا يباركلك فيها يارب ويكفيك شرها

سجلنى...متــابع

**MedaSam** · 16-10-2008 09:51 PM

أنا والدي علمني ..... أنت فكرتني بمواقف و مصائب الواحد كان بيعملها برضه أول لما اتعلم .... كان عندي مشكله عجيبه كل ما أنقل السرعه العربيه تحود مني يمين و أنا مش واخد بالي ..... لحد دلوقتي مش عارف ليه

بس متقلقش ....... توكل على الله و جمد انت قلبك و هتبقى تمام

**MIS** · 17-10-2008 07:17 PM

نصيحة .. ماتطلعش لوحدك لو لسة مش متمكن خد اي حد بيعرف يسوق حتي لو كان صاحبك

**Ahmed REDA** · 17-10-2008 10:34 PM

المشاركة الأصلية كتبت بواسطة Noha.M

ربنا يوفقك يا رب فى السواقة و سيبك من المدارس دى خسارة الفلوس فيها

انا كنت بطلع و انا صغيرة اتفرج على اختى و هي بتتعلم السواقة و من كتر حبي فى السواقة

كنت بفضل مركزة فى النقل و الغيارات و رجلها على الدبرياج و اى حد بيسوق كنت لازم ابقي

مركزة جداااااااااا معاه فى السواقة لدرجة انه لما انا بدأت اتعلم فعلا كنت عارفة النظرى كله و لقيت

نفسي بطلع بالعربية من غير مشاكل و هم 4 حصص كل جمعة مع السواق كان بيجيلي الصبح

الساعة 9 و اخد لفة فى المعادى و بعدين بدات الطش العربية لوحدي و كنت بعمل غلطات مصايب

بس هي دي اللى علمتنى اكتر من قاعدة حد جنبي ماسكلى فرامل اليد

بجد ربنا يوفقك ان شاء الله و ابقي قولنا اخر الاخبار و متابعيييينك :)

+100000
نفس الطريقة اللي اتعلمت بيها السواقة تقريبا اخويا علمني نظري و انا عندي 11 سنة كان بيحطلي الجزم اكنها الدواسات و يقولي اعمل اية بالضبط و ادوس امتي و ارفع امتي و انقل امتي و انا الموضوع عجبني قويييييييي لدرجو اني تنا كنت بحط الجزم لوحدي و اقعد اقلد صوت الموتور و ارفع رجلي من علي البنزين و ادوس دبرياج لما صوت الموتور يعلي :D:D:D
بعدين اخويا اخدني علي عربيتنا 132 1600 في حتة فاضية و قالي اطلع ,الحمد الله طلعت و العربية مبطلتش مني ولا مرة و انا في السن دة!!!!
صحاب اخويا بقي قالولوا لو علمتو دلوقتي حياخذ العربية منك قام وقف تعليم:k41:

كنت عارف كل حاجة في دماغي و علي طول ابص علي اي حد سايق ازاي بيتصرف في المواقف المختلفة عشان اخد بالي منها و مغلتش نفس الغلطات لمل ييجي اليوم الموعود, لحد اختي ما اشترت 127 و دة من حاجة بسيطة سنة مثلا ولا حاجة بقيت اخدها منها باليل و الف بيها شوية من غير رخصة واحدة واحدة بقي الموضوع كويس جدا نتيجة لكم الحبرات اللي كنت مخزنها في الجمجمة من زمان
اختي باعت العربية عشان تجيب واحدة تانية جديدة لقيت نفسي من غير عربية بعد متعودت عليها:k20:

رحت جايب العروسة بتاعتي بروتون جين 2

اهم حاجة تكون واثق من نفسك و عارف قدرات عربيتك كويس و ابعادها و إن شاء الله تتمكن من السواقة قريبة