الموضوع: أستلمت البيكانتو ......بس قلقانة

انا لسه مكلمة خدمة العملاء وحولونى على المبيعات

وقالو لى من حقك تخدى الضمان

فكلمت المعرض وبردو قالى لما ترخصى وشديت معاهم شوية بس هديت فى الاخر
أصل موضوع المفتاح دة قلقنى جدا وخيفة يكون عمل نسخة ويجى يخدها من تحت البيت .... هل ممكن يحصل كده ؟

والمفروض اخلص من الموال دة ورخص يوم الاحد

خايفة يأخر الورق علشان غلست عليه فى التليفون

أيه رأيكم .......أنا غلط أنى شديت عليه ؟

بس الحمد لله اخدت المفتاح والولاعة

كلمت اختى قالتى انها لسه مستلماهم

والله يبارك فيكم كلكم

نسيت أقلوكم سمتها بوكا

ولونها أسود

بوكا هههههههههههه

ليه الاسم دة يعني فكرتيني ببوجي و طمطم (بوجي)=(بوكي)=(بوكا)

فعلا ممكن يكون عمل نسخة بس انا مش عايز اخوفك اوي و مش عايز اطمنك زيادة عن اللزوم ممكن يعمل الحركة دي خصوصا ان الناس مبقاش غندها امانة خلاص

الف مبروك على العربية
و ان شاء الله تريحك اوى ، و حلو اوى اسم بوكا على فكرة ، انا بتاعتى اسمها بقلظة

و الحمد لله انك اخدتى المفتاح التانى و الولاعة ، مش فاهمة ليه مش ادوهملك من الاول ؟؟ غريبة شوية

عموما يا ستى الف مبروك تانى و ربنا يديكى خيرها و يكفيكى شرها يارب