هوا ليه مفيش عربيات convertable فى مصر ؟

**JapRuleZ** · 07-07-2014 06:29 PM

حاجه غريبه فكرت فيها لمل شوفت امبارح فولكس ايوس 2014 من غير سقف ما شاء الله كانت عربيه جميله و تحفه فنيه و سألت نفسى ليه رغم ان فى عندنا عربيات غاليه كتير اشكال و الوان انما معندناش عربيات cabriolet و لا زيرو ولا حتى جمرك الا فى العربيات العاليه بس زى البورشا مع ان الجو بتاعنا جميل مش مطر مثلا و الايوس دى مش غاليه زى ال باسات و مفروض فئه الجولف و بردو البيجو 308 تقريبا بس مبشفهاش

**MohammedAladel** · 07-07-2014 07:49 PM

مش عملية..... والسقف المتحرك فى حد ذاته مشكلة ويخوف وغالى جدأ

وفى النهاية السيارة السيدان تظل الأفخم

**ENG.MaRk** · 07-07-2014 07:59 PM

peugeot 207 , 307 & 308
VW EOS
BMW z3 & Z4
Ford Mustang
and a lot more
و كان في حتة جاجوار طالعة من عيني و كام حتة فيراري و بورش و هم كتير علي فكرة بس غالبا حضرتك مش بتشوفهم لأن العربيات ديه أصلا سعرها غالي في بلدها ما بالك بقي سعرها في مصر !!!

**ENG.MaRk** · 07-07-2014 08:00 PM

لو عايز تشوفهم ممكن تروح عند أي مكتب لإيجار سيارات الزفة و الأفراح

**J A G U A R** · 07-07-2014 10:12 PM

المشاركة الأصلية كتبت بواسطة eng.mark

لو عايز تشوفهم ممكن تروح عند أي مكتب لإيجار سيارات الزفة و الأفراح

+1111

بس يكون على مستوى

**احمد فهمى** · 07-07-2014 10:29 PM

الموضوع له علاقه بسلوكيات الشعوب يعنى مثلا فى مصر لو سايق كابورليه اعتبر كل اللى فى العربيه اتسرق حتى الكراسى لو سبتها لحظه وضيف على ده سلوكيات شعبك المتحضر واحد يظبتك بكيس ميه من البلكونه ده لو مش طوبه ودخنة العربيات ده غير نظرة الناس لك لﻷسف احنا بننسى اننا دوله من العالم التالت

**2CODE** · 08-07-2014 01:55 AM

المشاركة الأصلية كتبت بواسطة احمد فهمى

الموضوع له علاقه بسلوكيات الشعوب يعنى مثلا فى مصر لو سايق كابورليه اعتبر كل اللى فى العربيه اتسرق حتى الكراسى لو سبتها لحظه وضيف على ده سلوكيات شعبك المتحضر واحد يظبتك بكيس ميه من البلكونه ده لو مش طوبه ودخنة العربيات ده غير نظرة الناس لك لﻷسف احنا بننسى اننا دوله من العالم التالت

الكلام اللي فوق ده صح جداً جداً جداً

ولا نوع من انواع الرفاهية ولا بتاع !!!!!!!!! الفكره كلها في سلوكيات الشعب نفسه هتلاقي قشر بطيخ بيقع عليك ويبهدلك وطوب ورمل وتراب وغير اللي ممكن يرمي عليك حاجة لو معاك اي حد راكب !!!!!

العربيات الـConvertable مش غالية خصوصاً الـ2 راكب يعني الـz4 مثلاً مش غالية !!!!!! بس هو النوع نفسه غير مستحب هنا في مصر ومينفعش مع الناس هنا