الموضوع: 1400 ولا 1600 ضرووووورى

الانذار بيقولى تغير زيت فى خلال 4000 ك او 20 يوم !

هتلاقي بسبب العشرين يوم مش عدد الكليهوات....تقريبا كده يبقى فات على عربيتك سنه

المشاركة الأصلية كتبت بواسطة esp

هتلاقي بسبب العشرين يوم مش عدد الكليهوات....تقريبا كده يبقى فات على عربيتك سنه

لأ يا باشا العربية انتاج 20 -2-2014
كمان العربية بتقولى اعمل فحص فى خلال 24000 كيلو او سنة ودة جوة السريفس فى الشاشة بتاعتها مش انذار دة معناة انها اكيد معدتش السنة ولا الكيلومتر !

أناعشان أوصل تقديري كاملا عن المتور ال ١.٤ وجبروته الصفحة كلها مش حتكفيني لكن حنقل مشاركة قديمة ليا إتكلمت فيها عن المتور
بس ثق تماما إنه عند قيادتك للمتور ده حتس إن فخامة العربيات عامة مقتصرة في متورها بس وحتحس ساعتها إن كل العربيات ال ١.٦ واحد تماما يعني الفيرنا ١.٦ زيها زي الأوكتافيا ١.٦
وبالنسبة للفتيس فعايزك ماتقلقش نهائيا ،لو ظهر في أي مشكلة في الفتيس dsg بتاع عربيتك التوكيل عمره أبدا ماحيتخلى عنك بأمر من فولكس الأم

7- المتور ال tsi 140hp ساااااااافل بكل ماتحمله الكلمة من معنى ومش حيفهم قصدي غير إللي داق طعمه هو والفتيس الوهمي ال dsg
المتور عصبي جدا جدا وده مش بس بيرجع لل 140 حصان لأ عشان كمان العزم المتفجر إللي في المتور إللي هو ضعف أي عربية 1.6 وهو 250nm وبيفتح على rpm 1.500 وهي دي قمة المتعة في ال tsi بتلاقي العربية بتجري جامد وبتشد من غير حرق عالغيار يعني عشان توصل ال rpm فوق ال 3 يبقى إنت كده بتعمل جريمة والفتيس ال dsg من سرعة نفلته مبتحس بيها فعلا إختراع
بجد أنت طول الوقت بتحاول تحسس على دواسة البنزين عشان تمشي بسرعة الشارع وبرضه غصب عنك بتلاقي نفسك بتسبق باقي العربيات , بتحس إنك في عالم منفصل عن أي عربية 1.6 لدرجة إنك صعب أوي تعرف إذا كانت العربية ال 1.6 إللي قصادك بتشد معاك ولا لأ
أنا مرة كنت طالع بعد مطب فريحت شوية عالبنزين من غير ماأقصد راحت العربية لازقه ضهري في الكرسي وجارية إتنرفزت ساعتها عالعربية وزعقت زي المجنون وقلتلها أهدي بقى هو في إيه أنا حركز في السواقة ولا في التحسيس على دواسة البنزين
طبعا قوة المتور كوم وال dsg كوم وصوت ونة التربو عند الحرق حاجة تانية خالص
وبالمناسبة العربية بتاخد بنزين 92 من غير أي كركرة نهائي بعكس الباسات ال fsi وصاحبي عمل أكتر من 5 آلاف كم بالفتيس ال dsg ولسه ماظهرش عنده أي مشاكل

المشاركة الأصلية كتبت بواسطة makarhn

أسف للخروج عن سياق الموضوع بس كنت عاوز اسئل العضو corolladestroyer سؤال بعد اذنة
بما اننا اشقاء ياباشا فى نفس العربية انا اشتريت جولف 7 من حوالى شهريين حاليا عامل 1000 كيلو وشوية كسور كدة بس العربية بتدينى انذار انى اغير زيت !!!
انا بصيت على الكتالوج قال اني يا اما على 5000 او بعد سنة اغير الزيت المروض اعمل اية دلوقتى
وتشكر ياباشا مقدما

لا انا الصراحه العربيه متدنيش اي انذار في الاول كده هو المفروض فعلا بتغير الزيت على ال 5 الاف وبعد كده كل 10 الاف ودول انا عملتهم الاتنين العربيه عند 14 الف بتبدي تزن فاضل الف فاضل 800 فاضل 600 لحد ما تعمل service now...
اعتقد انت تاخد بعضك وتروح التوكيل هيظبطوك هناك و يعملولك ريست او المطلوب....
ايه اخبار العربيه معاك بقه؟؟

المشاركة الأصلية كتبت بواسطة corolladestroyer

لا انا الصراحه العربيه متدنيش اي انذار في الاول كده هو المفروض فعلا بتغير الزيت على ال 5 الاف وبعد كده كل 10 الاف ودول انا عملتهم الاتنين العربيه عند 14 الف بتبدي تزن فاضل الف فاضل 800 فاضل 600 لحد ما تعمل service now...
اعتقد انت تاخد بعضك وتروح التوكيل هيظبطوك هناك و يعملولك ريست او المطلوب....
ايه اخبار العربيه معاك بقه؟؟

بصراحة الكلمة الوحيدة الى ممكن تتوصف بيها العربية دى هى فراشة
ماشاء الله انا نازل من عربية 8 سلندر 5700 cc عليها حاسس انها بنفس قوة السحب مافيش فرق
بس مش عارف اية القصة الى طلعتلى فيها بتاعة تغيير الزيت انا اتصلت بمركز صيانة شبرا قالى سيبها شهرين وتعالى غير زيت واتصلت بالمعرض الى جبها منو قالى عادى سيبها لحد سنة او خلص ال5000 وغيرو لو على ريست السرفس انا ممكن اعملو عادى من غير توكيل بس انا بصراحة خاييف اسيبها من غير ما انزل الزيت وفى نفس الوقت مستحرم انى اروح اغيرو وانا لسة ما اتحركتش بيها ولا وقت ولا كيلومتر !
طب ياباشا انت خلصت ال 5000 فى كام شهر ؟

مع تجربتى كمان فى خلال ال1000 كيلو دول العربية طبعا مش كاملة كاى عربية فى العالم بس عيبوبها مبلوعة اوى بالنسبة لحجم الامكانيات والاداء الى بتدهولك يعنى انا مثلا فى صوت تخبيط خفيف فى العفشة الخلفية سمعتو مرتين يمكن ال dsg حصلو رعشة مرة وحيدة فى زحمة طويلة اوى رعشة مايحسش بيها كائن طبيعى ابدا غير مجنون زىى بس عادى يعنى حجات مقبولة لحد كبير