الموضوع: 1400 ولا 1600 ضرووووورى

المشاركة الأصلية كتبت بواسطة أبو_مصطفى

العربية ال1400 عربية تحفة، واستهلاكها للبنزين كويس لأنها 1400 سي سي، وقوة الموتور جاية من التربو اللى بياخد الخارج من العادم ويدخله تاني على الموتور..العربية عومها 140 حصان، جبارة

انا بستخدم بنزين 92، وده مكتوب على غطاء فتحة البنزين، هو طبعاً الأفضل للعربية بنزين 95، بس 92 شغال زي الفل، ومعتمد فى التوكيل، بس الأداء طبعاً بيفرق حاجة بسيطة، وده طبعاً مش عيب فى العربية

ال1600 ظهرت فيها مشاكل مذكورة فى المنتدى، وموضوع ان استيرادها وقف ده مش مظبوط، انا شفت الأفراج الجمركي بتاع العربية بتاعتي وكان فيه عربيات 2015 بموتور 1400 سي سي

وادي صورة الأفراج الجمركي

المشاركة الأصلية كتبت بواسطة AHMEDJUDDY

%100 كلام صحيح .. اسال عن dsg الاول مشاكله اتحلت ولا ايه

طيب لو عايز اعرف اسأل مين؟!!
انا اتصلت بskoda service وخدت رقم مهندسين صيانة وبيقولولى هات 1600cc وبيقولوا ان الموجود من ال 1400cc موديل 2014 بس ومش موجود فى التوكيل بس مع الموزعين
واحد منهم يقولى مفيهاش مشاكل والتانى يقولى فيها !!!!

واضح ان في مشاكل أو على الأقل شكاوى من فتيس الاوكتافيا سواء ال 1.4 أو 1.6 و ان التوكيل تعامل مع الموضوع ده بطريقه سيئه . ده غير أن كل اللي في المنتدى اتفقوا على أنها أقل من الفانتازيا في الاتزان و المطبات لأن تعليقها تورشن بيم مش مالتي لينك . و ان العزل فيها أضعف . و اكيد سمعتها في السوق مش هتكون ممتازه .
بالتالي اقترح على حضرتك استرا كوزمو ( هاي لاين) لأنها أرخص و كمالياتها اكتر (يعني مثلا تكييف touch duel zoon مش بكره زي ال a7) و مفيهاش مشاكل في الموتور أو الفتيس . و على فكره توكيل منصور اوبل مش رائع بس مش بشع زي ما بعض الناس بتقول . و ربنا يوفقك .

و لو بتفكر جديا في الموتور tsi و فتيس dsg ممكن تفكر في الجيتا بدل ال a7 لأنها بنفس السعر تقريبا ( ده في مصر بس) و ضمان الفتيس من توكيل فولكس فاجن مدى الحياة مش سنتين بس زي الاوكتافيا . و إذا كان ميزة الاوكتافيا أنها تتبع فولكس فاجن جروب يبقى الأفضل اني اشتري العلامه الأصلية

المشاركة الأصلية كتبت بواسطة makarhn

مع تجربتى كمان فى خلال ال1000 كيلو دول العربية طبعا مش كاملة كاى عربية فى العالم بس عيبوبها مبلوعة اوى بالنسبة لحجم الامكانيات والاداء الى بتدهولك يعنى انا مثلا فى صوت تخبيط خفيف فى العفشة الخلفية سمعتو مرتين يمكن ال dsg حصلو رعشة مرة وحيدة فى زحمة طويلة اوى رعشة مايحسش بيها كائن طبيعى ابدا غير مجنون زىى بس عادى يعنى حجات مقبولة لحد كبير

انا عملت 18 الف في 10 شهور حتى الان...
بص بقه بالنسبه للصوت اللي بيطلع من الخلف ده عيب معروف وفولكس بتدات تحل فيه....
لو عايز تعرف عنه معلومات خش
Www.golfmk7.com
هتخش قسم ال tyres /suspension
هتلاقي موضوووع كبير باسم
Rear suspension noise..
وفولكس نزلت TPI number للمشكله
والحمدلله التوكيل هنا على فكره updated جدا من الشركه الام اول باول.....
على فكره انا حاجز و رايح العبور بكرة باذن الله اشوف وصلو ل فين ..

المشاركة الأصلية كتبت بواسطة corolladestroyer

انا عملت 18 الف في 10 شهور حتى الان...
بص بقه بالنسبه للصوت اللي بيطلع من الخلف ده عيب معروف وفولكس بتدات تحل فيه....
لو عايز تعرف عنه معلومات خش
Www.golfmk7.com
هتخش قسم ال tyres /suspension
هتلاقي موضوووع كبير باسم
Rear suspension noise..
وفولكس نزلت TPI number للمشكله
والحمدلله التوكيل هنا على فكره updated جدا من الشركه الام اول باول.....
على فكره انا حاجز و رايح العبور بكرة باذن الله اشوف وصلو ل فين ..

انا عايش على الموقع دة اصلا وفعلا شوفت الموضوع قبل كدة وحلها تغيير المساعدين الى ورا او تقريبا الشمال ورا بس على العموم شوف ياباشا واطلب تغير المساعد لو مشكلة الصوت لسة موجودة وادينا update عملت اية

المشاركة الأصلية كتبت بواسطة sherif lotfy

و لو بتفكر جديا في الموتور tsi و فتيس dsg ممكن تفكر في الجيتا بدل ال a7 لأنها بنفس السعر تقريبا ( ده في مصر بس) و ضمان الفتيس من توكيل فولكس فاجن مدى الحياة مش سنتين بس زي الاوكتافيا . و إذا كان ميزة الاوكتافيا أنها تتبع فولكس فاجن جروب يبقى الأفضل اني اشتري العلامه الأصلية

بس قطع غيار الفولكس اغلى بكتير !! وثانيا الجيتا واطية جدا !!
وهل سكودا بتدى ضمان سنتين بس ؟!!!!

المشاركة الأصلية كتبت بواسطة Highlander

سبب نزول الاوكتافيا بالموتور ال 1600 هو الرغبة فى استخدام الفتيس الستيبترونيك , لان الموتور ال 1400 بينزل معاه الفتيس ال dsg و ده فتيس سمعتة زى الزفت و أثرت على مبيعات فولكس فاجن جروب مش فى مصر بس , لكن فى العالم كلة , فى الصين مثلا" اللى ربع مبيعات فولكس فاجن العالمية بتتباع هناك , الفتيس ده سمعته سيئة جدا" لدرجة ان فولكس فى الصين مدت الضمان عليه و خلته 10 سنوات و فى فرنسا أيضا" ظهرت له العديد من المشاكل , أما فى مصر فحدث و لاحرج , توكيل فولكس فى طريقه للافلاس بسبب عدم قدرتة على بيع السيارات المزودة بهذا الفتيس لان فولكس مصممه ماتستخدمش غيره و ده اللى توكيل سكودا حاول يتفاداه بأنه ينزل العربية بالفتيس القديم ( و بالتالى بالموتور القديم) , أنصحك تقرأ الكلام المكتوب عن هذا الفتيس فى قسم فولكس فاجن فى المنتدى , او تتلقى نظرة على اللينكات الموجودة تحت دى قبل ما تاخد قراراك , و ربنا يوفقك للصواب و يقدم لك ما فيه الخير , تحياتى

https://www.facebook.com/pages/DSG-G...71892302907958

Volkswagen recall cars worldwide over faulty gearbox and light fuses | Mail Online

VW Officials Apologize for Faulty DSG Gearbox in China

مع احترامي لحضرتك العربيه mpi 1600 بس الجيل الجديد 16 صباب علي 2 كامه , و في دوفعه نزلت dsg 6 سرعات مش 7 , كان بينزل في اودي و مكنش فيه مشاكل