احمدوا ربنا سعر لتر البنزين 95 14 جنيه ! جنيه ينطح جنيه !*$&#

أكيد مافيش حد بيدفع زيادة ولو مليم وبيكون مبسوط !

زيادة اسعار البنزين تعتبر زيادات بعيدة عن الواقع الحقيقي وممكن اي حد بيسافر برا مصر يعرف كويس الكﻻم ده

وبسبب ظروف عملي المتعلقة بالتصدير واﻻستيراد واغلب اﻻوقات بقضي فترات طويلة برا مصر توصل لشهوووور

دائما بعمل مقارنة بينا وبين البلدان الثانية وبحمد ربنا الف مرة اننا في ارخص بلد مع ان الشعب اغلبه غلبان بس الحمد لله عايشين

انا مثﻻ حاليا في تركيا وبدفع للتر البنزين 95 ﻻن مافيش 92 اصﻻ مايعادل 2 دوﻻر اي 14 جنيه مصر في اللتر !

وفي قبرص كنت بدفع لتر بنزين مايعادل دوﻻر و 70 سنت اي 12 جنيه باسعار دوﻻر البنك !

طبعا كنت بأجر العربية موديل السنة بمبلغ تافه مقارنة مع مصاريف البنزين !

المهم حاليا حشتري عربية بتركيا وربنا يكون في عوني على سعر البنزين ! ا

على فكرة الكهرباء والغاز اسعارهم اضعاف اسعار مصر يعني انبوبة البوتغاز 15 كيلو وطبعا مش ملعوب في وزنها زي عندنا سعرها 70 ليرة تركي يعني تعدي 35 دوﻻر

فاتورة الكهراء عليها ضريبة ونور الشارع ونظافة يعني بس من غير كهرباء تدفع 30 دوﻻر غصبا عنك والفاتورة لو نور بس من غيير تكييف توصل 100 دوﻻر

انا اخر 3 فواتير كل وحدة 100 دوﻻر ! وحاليا الصيف ممكن توصل 500 دوﻻر بسبب التكيفات !!!!

صحيح هما عندهم بنية تحتية وخدمات وبلدهم في تطور بس مافيش حاجة اسمها دعم وكل حاجة بسعرها الطبيعي وبلدهم ماشية وعندهم فقراء

بس شعب شغال مايعرفش حاجة اسمها قعدة على القهوة !

ربنا يكون في عون الناس كلها واﻻسعار دي حتزيد ﻻنها لسه بعيدة اوي عن السعر الحقيقي

المهم الناس تلاقى تعيش عشان يقدرو يتعامله مع انخفاض الدعم

مفيش أحسن من بلدك ... مش عارف الناس زعلانة ليه عشان البنزين غلي

متوسط دخل الفرد كام في الدول دي مقارنه بمصر
لما يكون في موظف بساخد 900 جنية من الحكومة ومتزوج وعندة عيل او اثنين يعمل اية
وبعدين هم مين محذودي الدخل اللي الحكومة اهتمت بيهم

باشا نظام ال2 دولار عندهم ماتجيش 2 جنية ماتحسبهاش بسعر العملة بتاعتك وتاني حاجة شوف عندهم الحد الادني والحد الاقص بتاعهم كام علي سبيل المثال في المانيا

ﺍﻟﺠﻤﻴﻞ ﺗﻼ.ﻗﻲ ﺍﺣﺪ ﺍﻟﻤﺘﺨﻠﻔﻴﻦ ﺑﻴﻘﻮﻟﻚ ﻟﺘﺮ ﺍﻟﺒﻨﺰﻳﻦ ﻓﻲ ﺍﻟﻤﺎﻧﻴﺎ 1.5 ﻳﻮﺭﻭ
ﻭﺍﻥ ﺍﺳﻌﺎﺭ ﻣﺼﺮ ﺍﻟﺠﺪﻳﺪﺓ ﻻ. ﺯﺍﻟﺖ ﺭﺧﻴﺼﺔ
ﺑﺲ ﺍﻟﻤﺘﺨﻠﻒ ﺩﻩ ﻣﺎ ﻗﺎﻟﺶ ﺍﻱ ﺣﺮﻑ ﻋﻦ ﺭﻭﺍﺗﺐ ﺍﻟﻤﺎﻧﻴﺎ
ﺍﻟﻤﺎﻧﻴﺎ ﻣﻦ ﻛﺎﻡ ﻳﻮﻡ ﺍﻗﺮﺕ ﺍﻟﺤﺪ ﺍﻻ.ﺩﻧﻲ ﻟﻼ.ﺟﻮﺭ ﻭﻫﻮ 8.5 ﻳﻮﺭﻭ ﻓﻲ ﺍﻟﺴﺎﻋﺔ
ﻳﻌﻨﻲ ﻟﻮ ﺍﺷﺘﻐﻠﺖ 8 ﺳﺎﻋﺎﺕ ﺍﺩﻱ 68 ﻳﻮﺭﻭ
ﻳﻌﻨﻲ ﺑﺎﻟﻤﺼﺮﻱ ﺗﻘﺮﻳﺒﺎ 660 ﺟﻨﻴﻪ ﻓﻲ ﺍﻟﻴﻮﻡ ﻟﻮ ﺍﺷﺘﻐﻠﺖ 8 ﺳﺎﻋﺎﺕ
ﻣﻔﻴﺶ ﻣﺎﻧﻊ ﺍﻧﻚ ﺗﻄﺒﻖ ﺍﻟﺘﺠﺮﺑﺔ ﺍﻻ.ﻟﻤﺎﻧﻴﺔ ﻳﺎ ﻣﻌﻠﻢ
ﻫﺎﺕ ﺳﻌﺮ ﺍﻟﺒﻨﺰﻳﻦ ﻓﻲ ﺍﻟﻤﺎﻧﻴﺎ + ﺍﻟﺤﺪ ﺍﻻ.ﺩﻧﻲ ﻟﻼ.ﺟﻮﺭ ﻓﻲ ﺍﻟﻤﺎﻧﻴﺎ
ﻭﻣﻔﻴﺶ ﺣﺪ ﻫﻴﻌﺘﺮﺽ

تاني شيئ وعلي لسانك اسعار العربيات برة رخيصة يعني ممكن تركب بي ام دبليو برة بما يوزي 50 الف جنية مصري لكن هنا بتجبها دافع اكتر من تمنها جمرك 6 مرات انتا البلد الوحيدة لما بتروح ترخص بتدفع ضريبة سعه لترية وبتدفع ضريبة كاسيت اه والله شفت بقا

هو بس علشات جميل في عينك فا بتحللو وكمان انتا شكلك مقتدر شركة استيراد وتصدير وبتسافر وتروح وتيجي وبتفكر في 2 دولار يعني بتحسبها لي نفسك امال الي مابيشتغلش ولا لقي شغلة ولا الغلابة يعملو ايه هو قرار لايمس بي الاغنياء

يعنى لما تقارن سعر البنزين فى مصر مع بلد تانية ... قارن متوسط الدخل برضه فى مصر مع البلد دى
يعنى مثلا فى السويد 9 دولار للجالون بس متوسط الدخل اليومي 200 دولار
اما فى المحروسة مصر 2 دولار للجالون ، متوسط دخل الفرد اليومي 5 دولار
وحسبى الله ونعم الوكيل فى اللى كان السبب واللى بيطبلوله

معاك ان البنزين مش بسعره العالمى بس ازاى يعنى هيخليه بسعره العالمى والناس مش لاقيه تاكل اصلا

برا في نسبة وتناسب ( نسبة الدخول مقابل الاسعار )
في مصر كل حاجة عشان خاطر مااسر :) احببتي يامصر

قبض اقل واحد فى البلد 5000
ودفعه نص مرتبه كهربا وبنزين مش هيقلك لا
بس يعرف يصرف على بيته وعياله
غير كدا متطلبش منه حاجة فوق طاقته
دا الى ماشى فى السعودية مثلا
اقل راتب للعامل البنغالي 3000 ريال
بيكونو مراعين فيه كهربا وبنزين وعيشا والى عايشنها
هنا فى مصر اغلى عليك ومزودلكش مرتبك
ولا اعاملك على انك بنى ادم اصلا

قلتلنا إحمدوا ربنا
قبل أي حاجة
الحمد لله حمداً كثيراً

الموضوع يكمل لو قلتلنا متوسط الدخل في كل دولة قلتلنا على سعر البنزين فيها

الموضوع في النهاية نسبة وتناسب بين الدخل والمصروف
إضرب لنا مثال
المدرس في تركيا دخله الشهري كام ؟

عشان نعرف نحسبها صح

ـ

ومازال التهليل والتطبيل والتبرير اللا منطقي ،،،
انا سافرت وشوفت العيشة ومقارنة الدخل مع المصروفات ده غير الخدمات من صحة وتعليم وطرق وامن وعدل
وبرضه فيه ناس بتدافع ،،،سؤالى للباشا اللي مسافر تركيا وبيمون بنزين ب 2 دولار انت مرتبك كام في الشغلانة دى ؟؟ وهل بتدفع تمن البنزين من راتبك ؟؟ ام ان العمل بيحاسبك عليه؟؟ وهل لو الشغلانة دى بتخسر والبنزين غالى عليك او على صاحب العمل كان كمل الشغل ده ؟ قصدى انه بالرغم من السعر ده الا انه بيكسب برضه !!
بتطلو مقارنات لان الناس هنا ميتة وهم احياء ده غير الذل والمهانة في بلدنا ،،رحمونا ربنا ينتقم ممن يبرر جوع الشعب او ظلمه او يعين الظالم ،،ارحمونا ،،ارحمونا

يا عم أنا عاوز البنزين الـ 80 يبقى بعشرين جنية اللتر, معنديش أى مانع
بس إدينى دخل شهرى 42 ألف جنية زى الحد الأقصى
(رغم إن الدول اللى بتقول عليها مفيهاش حاجه اسمها أدنى و اقصى لأن معظم الشعب تجاوز الأقصى بتاعنا)

المشكله مش فى الغلاء
المشكله فى السوق السوداء و الدخل السنوى/ الشهرى للفرد
يعنى برضو الدعم (من دقنه و ادهنلو) مش من جيب أهاليهم

نسيتوا اهم حاجة
قيمة الانسان نفسه دافع الضريبة اعلى بكتيييييير
عندنا انت مواطن ، إذن انت حشرة ، تدفع التكلفة والرشوة بالسعر العالمي
أما المرتب ، والتعليم والصحة والطرق ، وكل الخدمات الاخرى خسارة في أهلك

الناس مش واخدة بالها من حاجة
برة ال8 ساعات شغل يعنى شغل
8 ساعات شغل صافى
لكن عندنا فى مصر
المدرس مبيشرحش فى الحصة عشان يدى دروس خصوصية
ربع الموظفين على الاقل بيزوغ
الانتخة اسلوب بعض الموظفين والعمال فى مصر
والامثلة كتيييييييييييييييييييير ولا حصر لها
برة بياخدوا من الموظف او العامل 48 ساعة شغل فى الاسبوع
عندنا لو خدوا من الموظف او العامل صافى 15 ساعة شغل بضمير فى الاسبوع يبقى كرم من عند ربنا
وترجع الناس تقولك ربط الاسعار بالاجور
مش لما يبقوا يشتغلوا بضمير الاول

طبعا المقارنه ظالمه بكل الاشكال وفي كل الاحوال بدأ من مرتب الفرد في هذه الدول اللي انت مقولتوش واللي بالطبع لا يخفي علي احد اساسا , والحاجه التانيه اللي حضرتك اغفلتها أو حسبتها غلط ان لتر البنزين ب2 دولار يعني 14 جنيه وشويه بالمصري طبعا الحسبه خطأ اساسا ليه ؟؟؟؟ لأن بالنسبه للعامل أو المواطن الاوربي الدولار بالنسبه له زي الجنيه بتاع حضرتك بياكل بيه ويشرب بيه مش بيحوله مصري فيقول ياااه ده كتير جدا , يعني عايز اقولك الجنيه هو اللي مالوش قيمه

شكرا للجميع على الردود سواء المؤيد او المعارض للموضوع

انا تكلمت على اﻻسعار الطبيعية وماقلتش انها حرام في الشعب !

المدرس في تركيا بيشتغل من 8 الصبح لعند 4 بعد الظهر ومافيش دروس خصوصي

الحد اﻻدنى في تركيا حوالي 400 دوﻻر بالشهر يعني 2800 جنيه

انا مابطبلش لحد ومانتخبتش السيسي بس هو عمل الصح بس مش كل الصح

احنا مشكلتنا مافيش حد بيشتغل بضمير وساعات العمل ضايعة ومافيش انتاج

الصح اللي ﻻزم يتعمل ويكمل بقى هو ضبط االمنظومة الحكومية ومحاربة الفساد والرشوة وكل السلبيات

تخفيض ضرائب العربيات ﻻنها مبالغ فيها ومع رفع الدعم خﻻص مالهاش لزمة وبرا الضريبة على وزن العربية مش السعة اللترية

انا مع رفع الدعم بس مع محاربة الفساد وزيادة اﻻجور مع ضبط وربط في العمل وزيادة اﻻنتاج

واﻻخ بيقول انت مرتاح ! هو جريمة لما الواحد يكد ويتعب ويحتهد ويكون ناجح !

عايز تدعم محدودي الدخل اعمل منظومة واديلوا فلوس في حسابه ويوصله الدعم وهو حر يشتري زيت وﻻ حتى يرميهم في البحر

على العموم انا قلت وجهة نظري وبس

الحمد لله كل واحد راضي بحاله حتى الفقير بس من الحران تفرسونا وانتم اصلا عايشين حياة غير عامة الشعب ومنكم اللى عايش برة مصر اصلا ويقولك انا مانتخبتش السيسي ياسيدى ولو انتخبته ده حقك بس برضه حرام اللى بيتعمل في الشعب اللى انا منه وعايش في همه،،.
اما موضوع 8 ساعات فدي سياسة بلد واخلاق ناس برضه الحكومات مسؤلة عنها ،،يعنى لما اكون بشتغل بضمير وبراعى ربنا وتعبان وواحد معايا في في نفس العمل لا يحضر ولو جه فكتر خيره قاعد مستريح ونشوف بقى مين اللى بياخد مكافات وثناء ؟؟ومحبوب من الادارة ؟؟ مين بقي انه هو المستريح !! لا وكمان ولانى انا اللى بشتغل فكل المشاكل والشكاوى عليا انا ؟؟ حاجة تجيب الشلل!! ولو في مبدأ الثواب والعقاب فقط لانصلح الفساد وانتهى !!.
اما اللى قاعدين على القهاوى فلاسباب اخلاقية واجتماعية منها حالة الخراب والانحلال الاخلاقي والمجتمعى اللى خلفته الحكومات المتعاقبة ،، واللى يقولى ايه دخل الحكومة في كده اقوله لو في قوانين تطبق بالعدل تحكم انشاء القهوة او الكافيهات او ترخصها وتراقب عليها _مش يفوتو ياخدو اتاوات منها مقابل اشغال الطريق وسرقة الكهرباء_ ولو فيه قوانين تمنع المخدرات ،،،،،اقول ايه بس هوا فيه حاجة عدلة في البلد كمية فساد فظيعة،،،ربنا يصلح حالنا ويسترها معانا وكلى امل ان تستفيق الناس من غفلتها

اقتباس:

---

المشاركة الأصلية كتبت بواسطة kimokaim

واﻻخ بيقول انت مرتاح ! هو جريمة لما الواحد يكد ويتعب ويحتهد ويكون ناجح !

---

هو مش أنا الأخ المذكور بس احب ارد على النقطة دي

مش كل الشعب المصري كسلان، وفي مصر الثراء في أغلب الحالات مش بيجي بمدى الاجتهاد في الشغل للأسف....

في ناس في مصر بتشتغل من 7 الصبح لحد 11 بليل لف على الرجلين ودخلها لا يعادل 1% من دخل واحد لابس بدلة وقاعد على مكتب بيشرب سيجار و بيضرب تليفونات ساعتين وبقية اليوم نسوان وجولف وشيشة ومارينا، لمجرد انه عنده علاقات صح مع الناس الغلط

انا في مصر كنت مجتهد جدا في شغلي ووصلت لمدير اقليمي لشركة من اكبر الشركات المالتي ناشونال اللي ليها اسم معروف للكل، بحمد الله لا بواسطة ولا بحاجة غير عرقي وتعبي.. وكان معايا سيراتو بالقسط عملت 13 الف كيلو واضطريت ابيعها بعد الثورة وخسرت فيها 20 الف جنيه

أنا عايش في الخليج دلوقتي، و ركبت الحمدلله لاند كروزر بعد 3 شهور شغل
اللاند كروزر معرفش حتى اتصور جنبها في مصر حتى بعد ما اشتغلت 15 سنة، مع اني اقسم بالله كنت ببذل في شغلي مجهود اكتر من هنا ب 5 اضعاف على الاقل وبسهر لحد 4 الفجر اخلص تقارير شهرية ما ينفعش تتاجل، على الاقل 8 ايام كل شهر

ربنا يباركلك في رزقك ويفتح عليك، بس لما تقيم موضوع علاقة الرزق بالإجتهاد في المحروسة ما تحكمش بس على حالك، بص لتجارب كتير و طلع منها صورة عامة

وللأسف، الصورة العامة في مصر إن معظم المجتهدين والشقيانين مش بيلاقوا غير القليل... ما ينفعش نحكم عليهم ان شيل الدعم حلال فيهم بما انهم كحيانين وبالتالي اكيد ما بيشتغلوش وما بيتعبوش

بص انا مش اقراء الموضوع بس حرد على حضرتك بمختصر الكلام***

اعطنيى مميزات المواطن الأوربى وحاسبنى طبقا لاسعار اوربا****

اكتر حاجة ملفتة للنظر انك تلاقى الشاب من دول لما بيسافر برة مصر بيوافق على انة يبدأمن تحت الصفر ب 40 درجة

يسافر تهريب ويضرب علية نار من حرس السواحل.....ماشى
ينزل فى المياة الدولية ويعوم 15 ميل بحرى عشان يوصل....... ماشى
يغسل اطباق....... ماشى
يمسح مطاعم......... ماشى
يشتغل مرمطون........ ماشى (ودة مش عيب على فكرة)
وممكن يسمع اهانة ويبلعها....... ماشى
وتلاقية شغال هناك بمنتهى الضمير والحماس بدل ال8 ساعات 10ساعات

وييجى فى بلدة بقة
وتلاقية فارد رجلية على القهوة والشيشة فى بقة زى البزازة ويقولك الدولة موفرلتيش اى فرصة عمل

يعنى عندك استعداد تبدا من تحت الصفر ب 100 درجة برة بلدك
ومعنكش استعداد تبدأ من فوق الصفر جوة بلدك

ويرجعوا يشتكوا من المرتبات ويقول لك مساواة الاجور بالاسعار

ما معني ان يكون سعر لتر البنزين ربع جنية ومتوسط دخل الفرد في المجتمع 75 جنية شهريا
وايه معني ان يكون لتر البنزين 15 جنيه ومتوسط دخل الفرد 20000 الف جنيه
دي نسبة وتناسب

اقتباس:

---

المشاركة الأصلية كتبت بواسطة zarif

الناس مش واخدة بالها من حاجة
برة ال8 ساعات شغل يعنى شغل
8 ساعات شغل صافى
لكن عندنا فى مصر
المدرس مبيشرحش فى الحصة عشان يدى دروس خصوصية
ربع الموظفين على الاقل بيزوغ
الانتخة اسلوب بعض الموظفين والعمال فى مصر
والامثلة كتيييييييييييييييييييير ولا حصر لها
برة بياخدوا من الموظف او العامل 48 ساعة شغل فى الاسبوع
عندنا لو خدوا من الموظف او العامل صافى 15 ساعة شغل بضمير فى الاسبوع يبقى كرم من عند ربنا
وترجع الناس تقولك ربط الاسعار بالاجور
مش لما يبقوا يشتغلوا بضمير الاول

---

ما احنا بنشتغل برة 8 ساعات صح بالدقيقة
وبناخد رواتبنا بالمليم
ايه المشكلة
المشكلة ان انت بدل ماتعين في الوظيفة واحد وتعطيله 2000 جنيه
لا تعين 5 وتعطي 400 جنيه
يقوم ال5 مايلقوش حاجة يعملوها ويبدا اللي حضرتلك بتقول عليه
معظم المدارس فيها الادرايين وغير المدرسين اكثر من الطلبة
مدرس بيعلم 40 طالب - طب يسيطر عليهم ازاي
قدرة المعلم 20 طالب واقل
لا دول 40 محشورين في 9 متر مربع
طب هيشرح لمين وازاي؟
فيحصل اللي بتقول عليه

اقتباس:

---

المشاركة الأصلية كتبت بواسطة zarif

اكتر حاجة ملفتة للنظر انك تلاقى الشاب من دول لما بيسافر برة مصر بيوافق على انة يبدأمن تحت الصفر ب 40 درجة

يسافر تهريب ويضرب علية نار من حرس السواحل.....ماشى
ينزل فى المياة الدولية ويعوم 15 ميل بحرى عشان يوصل....... ماشى
يغسل اطباق....... ماشى
يمسح مطاعم......... ماشى
يشتغل مرمطون........ ماشى (ودة مش عيب على فكرة)
وممكن يسمع اهانة ويبلعها....... ماشى
وتلاقية شغال هناك بمنتهى الضمير والحماس بدل ال8 ساعات 10ساعات

وييجى فى بلدة بقة
وتلاقية فارد رجلية على القهوة والشيشة فى بقة زى البزازة ويقولك الدولة موفرلتيش اى فرصة عمل

يعنى عندك استعداد تبدا من تحت الصفر ب 100 درجة برة بلدك
ومعنكش استعداد تبدأ من فوق الصفر جوة بلدك

ويرجعوا يشتكوا من المرتبات ويقول لك مساواة الاجور بالاسعار

---

ههههههههههههههههههههههههه ه والله انت بتضحكني ياعم
الناس بتوع البزازة دول ناس غلابة
هيروح يتذل والله عشان فرصة شغل في العاشر مثلا يشتغل 12 ساعة ويروح علي حسابه
وينطحن مواصلات وشغل وفي الاخر 250 جنيه يدفع منه 90 مواصلات
ولما زادت الاجره هيدفع 180 جنيه اجرة
يعني هينطحن 12 ساعه ب 70 جنيه
يعني ترضاها لولادك
شاب طويل عريض جثه
يصرف علي نفسه 70 جنيه
لا انا من رايي يمسك البزازة احسن
اهو بتاع البزازة ده بيروح يموت نفسه ويشتغل بره مصر
وبيرجع يتجوز ويبني بيته او يشتري شقته من سنتين تلاته شغل
يبقي يستاهل يموت نفسه ولا لا
ياعم هو كده كده ميت يبقي يخاطر احسن له
والله انا كنت اعرف ناس مرتباتها 90 جنيه
ومتجوزين وبيصرفو علي اهاليم 3 جنيه في اليوم
يعني مش مكمل ربع تمن البنزين اللي حضرتك هلكته وانت بتوجب مع واحد صاحبك في خطوبته
ياعم ارحمو الشعب المطحون

اقتباس:

---

المدرس في تركيا بيشتغل من 8 الصبح لعند 4 بعد الظهر ومافيش دروس خصوصي

---

ليه ؟

:shine[1]:

اقتباس:

---

المشاركة الأصلية كتبت بواسطة ZARIF

اكتر حاجة ملفتة للنظر انك تلاقى الشاب من دول لما بيسافر برة مصر بيوافق على انة يبدأمن تحت الصفر ب 40 درجة

يسافر تهريب ويضرب علية نار من حرس السواحل.....ماشى
ينزل فى المياة الدولية ويعوم 15 ميل بحرى عشان يوصل....... ماشى
يغسل اطباق....... ماشى
يمسح مطاعم......... ماشى
يشتغل مرمطون........ ماشى (ودة مش عيب على فكرة)
وممكن يسمع اهانة ويبلعها....... ماشى
وتلاقية شغال هناك بمنتهى الضمير والحماس بدل ال8 ساعات 10ساعات

وييجى فى بلدة بقة
وتلاقية فارد رجلية على القهوة والشيشة فى بقة زى البزازة ويقولك الدولة موفرلتيش اى فرصة عمل

يعنى عندك استعداد تبدا من تحت الصفر ب 100 درجة برة بلدك
ومعنكش استعداد تبدأ من فوق الصفر جوة بلدك

ويرجعوا يشتكوا من المرتبات ويقول لك مساواة الاجور بالاسعار

---

واضح انك مش عايش في وسط الشعب او انك عايش بره مصر اصلا
هى الناس لو لقيت شغل محترم هنا هيروح يشتغل بره ويهرب في البحر وينضرب عليه رصاص؟؟!! نفس المنطق العقيم يلوم الضحية ولا يلوم الجانى ،،، فعلا ارحموا الشعب المطحون
ياريت بقى تقولنا سيادتك من انه فئة من الشعب ؟؟فئة المادد رجليه وماسك البزازة ؟ ام فئة المجتهدين المظلومين؟ام فئة المجتهدين اللى واخدين حقهم في البلد وبدأو من فوق الصفر !!

اقتباس:

---

وبرضه فيه ناس بتدافع ،،،سؤالى للباشا اللي مسافر تركيا وبيمون بنزين ب 2 دولار انت مرتبك كام في الشغلانة دى ؟؟ وهل بتدفع تمن البنزين من راتبك ؟؟ ام ان العمل بيحاسبك عليه؟؟ وهل لو الشغلانة دى بتخسر والبنزين غالى عليك او على صاحب العمل كان كمل الشغل ده ؟ قصدى انه بالرغم من السعر ده الا انه بيكسب برضه !!

---

مقلتلناش مرتبك كام هناك ؟

حسبي الله ونعم الوكيل...قال صلي الله عليه وسلم"لن يؤمن احدكم حتي يحب لاخيه مايحب لنفسه" ناس بتفكر لنفسها وبتقارن باللي زيها مش بباقي اغلب الشعب المطحون ... اللي عنده امل ال51 مليار اللي اتوفروا يعملوا حاجة يبقي واهم ودي سنة ربنا في الارض

اقتباس:

---

المشاركة الأصلية كتبت بواسطة zarif

الناس مش واخدة بالها من حاجة
برة ال8 ساعات شغل يعنى شغل
8 ساعات شغل صافى
لكن عندنا فى مصر
المدرس مبيشرحش فى الحصة عشان يدى دروس خصوصية
ربع الموظفين على الاقل بيزوغ
الانتخة اسلوب بعض الموظفين والعمال فى مصر
برة بياخدوا من الموظف او العامل 48 ساعة شغل فى الاسبوع
عندنا لو خدوا من الموظف او العامل صافى 15 ساعة شغل بضمير فى الاسبوع يبقى كرم من عند ربنا
وترجع الناس تقولك ربط الاسعار بالاجور
مش لما يبقوا يشتغلوا بضمير الاول

---

التعميم ده غير صحيح

في ناس نايمة في الشغل وبتعطل مصالح الناس فعلاً

لكن أغلب الناس وبالذات في القطاع الخاص
بتشتغل عشر ساعات في الثمن ساعات (إضافي بدون مقابل)
وبدل الوظيفة إتنين وتلاته

وبالتالي التعميم ظلم !!

ـ

الحمد لله حمدا كثيرا طبعا

بس المشكلة ان القرار اتطبق على الكل يعنى البنزين غلى على اللى معاه بولونيز زى اللى معاه بى ام او مرسيدس موديل السنة والمتضرر معروف هو مين طبعا ... اللى معاه البولونيز

يعنى مثلا الفراشة فى شركة اللى مراتى بتشتغل فيها مرتبها 1200 جنيه فالشهر بتصرف منهم حوالى 200 او 300 جنيه مواصلات بعد زيادة البنزين زادوا 2.5 جنيه فاليوم يعنى فى 25 يوم شغل يبقى تقريبا 65 جنيه شهرى غير بقا زيادة فالكهربا فى نفس الشهر يبى اللى اتضرر هو محدود الدخل

انا شايف ان نظام الدعم على حسب الفئة اللى كان هيتعمل فى عهد مرسى هو الأقرب للعدالة الاجتماعية بالاضافة انه خصص 5 لتر بالسعر المدعوم والباقى حر يعنى مسك العصاية من النص

انا عن نفسى لو هيتطبق عليا زيادة ومش هتطبق على ال 128 او البولونيز مش هزعل فعلا والله

ربنا يصلح حال البلاد ان شاء الله

بغض النظر عن رفضى الشديد لمنظومة الدعم كلها وشيفوا شئ وهمى
بس احنا بنقارن نفسنا بدول لو عرفت ان احنا جبنا سيرتهم هيرفعوا علينا قضايا

اقتباس:

---

المشاركة الأصلية كتبت بواسطة maghnom

هو مش أنا الأخ المذكور بس احب ارد على النقطة دي

مش كل الشعب المصري كسلان، وفي مصر الثراء في أغلب الحالات مش بيجي بمدى الاجتهاد في الشغل للأسف....

في ناس في مصر بتشتغل من 7 الصبح لحد 11 بليل لف على الرجلين ودخلها لا يعادل 1% من دخل واحد لابس بدلة وقاعد على مكتب بيشرب سيجار و بيضرب تليفونات ساعتين وبقية اليوم نسوان وجولف وشيشة ومارينا، لمجرد انه عنده علاقات صح مع الناس الغلط

انا في مصر كنت مجتهد جدا في شغلي ووصلت لمدير اقليمي لشركة من اكبر الشركات المالتي ناشونال اللي ليها اسم معروف للكل، بحمد الله لا بواسطة ولا بحاجة غير عرقي وتعبي.. وكان معايا سيراتو بالقسط عملت 13 الف كيلو واضطريت ابيعها بعد الثورة وخسرت فيها 20 الف جنيه

أنا عايش في الخليج دلوقتي، و ركبت الحمدلله لاند كروزر بعد 3 شهور شغل
اللاند كروزر معرفش حتى اتصور جنبها في مصر حتى بعد ما اشتغلت 15 سنة، مع اني اقسم بالله كنت ببذل في شغلي مجهود اكتر من هنا ب 5 اضعاف على الاقل وبسهر لحد 4 الفجر اخلص تقارير شهرية ما ينفعش تتاجل، على الاقل 8 ايام كل شهر

ربنا يباركلك في رزقك ويفتح عليك، بس لما تقيم موضوع علاقة الرزق بالإجتهاد في المحروسة ما تحكمش بس على حالك، بص لتجارب كتير و طلع منها صورة عامة

وللأسف، الصورة العامة في مصر إن معظم المجتهدين والشقيانين مش بيلاقوا غير القليل... ما ينفعش نحكم عليهم ان شيل الدعم حلال فيهم بما انهم كحيانين وبالتالي اكيد ما بيشتغلوش وما بيتعبوش

---

يسلم كلامك وباين من رادك انك انسان واعي وفاهم ومجتهد وعلشان كده ربنا بيحبك وبعدك عن البلد دي
المشكلة هنا في البلد دي محدش بيبص علي الاقل منه يشوف هيعيش ازاي يعني لما كيلو الحمه توصل 90 جنية بسبب البنزين والاخ يقولك عادي تترفع او انا مستريح ومجتهد مافيش حد في البلد دي وصل لمنصب بمجهودة فعلآ البلد دي لو نهر النيل صلصة مش هتكفي الكوسة الي فيها المشكلة بيقولك برة الناس بتشتغل 8 سعات بجد ضحكني محسسني ان 8 سعات محدش بيشتغلها هنا في مصر انا بشتغل 12 ساعه وفي ناس بتشتغل 24 ساعه بتلف علي رجليها بدل ما تقعد علي القهوة ودي الشباب المجتهد الي عندنا مش مقضينها لف بي الطيارة

اقتباس:

---

المشاركة الأصلية كتبت بواسطة zarif

اكتر حاجة ملفتة للنظر انك تلاقى الشاب من دول لما بيسافر برة مصر بيوافق على انة يبدأمن تحت الصفر ب 40 درجة

يسافر تهريب ويضرب علية نار من حرس السواحل.....ماشى
ينزل فى المياة الدولية ويعوم 15 ميل بحرى عشان يوصل....... ماشى
يغسل اطباق....... ماشى
يمسح مطاعم......... ماشى
يشتغل مرمطون........ ماشى (ودة مش عيب على فكرة)
وممكن يسمع اهانة ويبلعها....... ماشى
وتلاقية شغال هناك بمنتهى الضمير والحماس بدل ال8 ساعات 10ساعات

وييجى فى بلدة بقة
وتلاقية فارد رجلية على القهوة والشيشة فى بقة زى البزازة ويقولك الدولة موفرلتيش اى فرصة عمل

يعنى عندك استعداد تبدا من تحت الصفر ب 100 درجة برة بلدك
ومعنكش استعداد تبدأ من فوق الصفر جوة بلدك

ويرجعوا يشتكوا من المرتبات ويقول لك مساواة الاجور بالاسعار

---

انتا مقتنع بي الي انتا كتبة اصلآ انا البنت بنتي عندها 2ونص ومبرقة وانا بقرأ الكلام اكيد حسة بالحالة بتاعتي وانا بقرأ الكلام ده
انتا هنا مافيش صفر اصلآ علشان تبتدي منه ولو ابتديت اخرك هتشتغل في محل او كشك وهتاخد 300 بلبل ولو حبيت تشتغل في وظيفة عالية لزم وسطة ومحسوبية وايه وايه ولو لقيتها اصلآ لكن بره بيبتدي من الصفر وبيوصل ل 100 لكن هنا ممكن تبتدي من الصفر في بيع المخدرات وتوصل ل 100 غير كده مافيش ونبي مكنتش بتبرر ليه كده من فترة ها ؟؟؟؟ لي الاسف الكل عامل انه وطني ولي الاسف كلها مصلحتي مع مين او انا بحب مين لكن كا مصلحة للبلد معتقدش كدب

قولا واحدا عشان الكلام الكتير بيفطر قبل ماتقارن سعر السلع قارن دخل الفرد اللي هيشتري بيه السلع ده.

بس كدة

بالنسبة للناس اللى علقت على كلامى
اولا مفيش حاجة اسمها مرتب 300 او 275 زى ما الناس كاتبة
الكلام دة مش موجود ولا حتى فى الافلام العربى
الكلام دة ولا ينفع حتى يبقى خيال علمى
انت لو رحت تشتغل فى محل كشرى اصلا مش هتاخد اقل من 30 ج فى اليوم لو انت مبتعرفش تعمل اى حاجة خالص
بلاش دى
نختار اقل مهنة مستوى اجتماعيا وهيا لو رحت تشتغل فى المعمار حتى لو هتطلع طوب يومية العامل 50 ج
والكلام اللى انا بقولة دة واقع ويحدث بالفعل
هييجى واحد يقولى يعنى انا متعلم عشان اشتغل شغلانات زى كدة
هقولة الشغل اصلا مش عيب طالما حلال
غير انك بتطلع برة تشتغل شغلانات احط من كدة وبتقبل بيها وفوق كدة بتبقى سايب كرامتك فى بلدك
واللى سافر برة مصر فاهم انا بتكلم فى اية فى موضوع الكرامة

دى حاجة
الحاجة التانية انك تلاقى الشاب من دول بيدفع بال 25الف وال30 الف لبتوع التهريب
يعنى انت معاك
او قدرت تجمع 25 الف ومش عارف تعمل بيهم اى فكرة ناجحة فى بلدك
دة على فكرة مش عيب فى البلد
دا عيب فيك انت
ومحدش يقولى يعملوا اية ال25 الف
لان فية مشاريع بتبدا من الف جنية بس وقدام عينى

لكن انا برجع العيب لثقافتنا من ايام الانفتاح اللى عملها السادات
بقى عندنا ثقافة ان اللى بيطلع برة مصر لاى دولة بيرجع باشا
ودى معلومة نصها حقيقى ونصها غير حقيقى
لان لو المصرى اتحمل اللى بيتحملة برة مصر
واشتغل جوة مصر زى ما بيشتغل برة مصر
وقرص على نفسة زى ما بيعمل برة مصر
اكيد ربنا هيكرمة
والاهم من دة كلة انة بكرامتة
لان 80% من اللى بيسافر برة مصر بيسيب كرامتة فى المطار لما يرجع
او على الاقل بيسيب جزء من كرامتة
والناس اللى سافرت فاهمة الكلام دة كويس

حسبى الله ونعم الوكيل

حراااااااااااام عليكم ...فين عقليه الناسسسسسسسسسسسسسس؟؟

انتو بتقارنو اسعار البنزين...وسايبين دخل الفرد

شوفوووووووو احنا دخلنا كام

ودخل الناس دي كام

بعد كده تعالا كلمني على البنزين

والله الواحد دمه بيتحرق من المواضيع دي

واضح ان فيه ناس مش عايشيه معانا فى مصر ... أو عايشين ومش عارفين ومش حاسين بغيرهم
أقسم بالله اعرف مدرس متخرج من سنة 1999 وعنده 37 سنة وعنده بنتين والتالته فى السكة
ومرتبه 310 جنيه من الحكومة بعد حدوث طفرة فى مرتبه ... كان بيقبض السنة اللى فاتت 200 جنيه واللى قبلها 150 جنيه
وده مدرس مش واحد شغال فى محل كشرى ولا بيبيع عصير قصب

اقتباس:

---

المشاركة الأصلية كتبت بواسطة zarif

بالنسبة للناس اللى علقت على كلامى
اولا مفيش حاجة اسمها مرتب 300 او 275 زى ما الناس كاتبة
الكلام دة مش موجود ولا حتى فى الافلام العربى
الكلام دة ولا ينفع حتى يبقى خيال علمى
انت لو رحت تشتغل فى محل كشرى اصلا مش هتاخد اقل من 30 ج فى اليوم لو انت مبتعرفش تعمل اى حاجة خالص
بلاش دى
نختار اقل مهنة مستوى اجتماعيا وهيا لو رحت تشتغل فى المعمار حتى لو هتطلع طوب يومية العامل 50 ج
والكلام اللى انا بقولة دة واقع ويحدث بالفعل
هييجى واحد يقولى يعنى انا متعلم عشان اشتغل شغلانات زى كدة
هقولة الشغل اصلا مش عيب طالما حلال
غير انك بتطلع برة تشتغل شغلانات احط من كدة وبتقبل بيها وفوق كدة بتبقى سايب كرامتك فى بلدك
واللى سافر برة مصر فاهم انا بتكلم فى اية فى موضوع الكرامة

دى حاجة
الحاجة التانية انك تلاقى الشاب من دول بيدفع بال 25الف وال30 الف لبتوع التهريب
يعنى انت معاك
او قدرت تجمع 25 الف ومش عارف تعمل بيهم اى فكرة ناجحة فى بلدك
دة على فكرة مش عيب فى البلد
دا عيب فيك انت
ومحدش يقولى يعملوا اية ال25 الف
لان فية مشاريع بتبدا من الف جنية بس وقدام عينى

لكن انا برجع العيب لثقافتنا من ايام الانفتاح اللى عملها السادات
بقى عندنا ثقافة ان اللى بيطلع برة مصر لاى دولة بيرجع باشا
ودى معلومة نصها حقيقى ونصها غير حقيقى
لان لو المصرى اتحمل اللى بيتحملة برة مصر
واشتغل جوة مصر زى ما بيشتغل برة مصر
وقرص على نفسة زى ما بيعمل برة مصر
اكيد ربنا هيكرمة
والاهم من دة كلة انة بكرامتة
لان 80% من اللى بيسافر برة مصر بيسيب كرامتة فى المطار لما يرجع
او على الاقل بيسيب جزء من كرامتة
والناس اللى سافرت فاهمة الكلام دة كويس

---

استاذي الفاضل طبعا انا مش هرد واجادل في كلامك لأن ما بني على باطل فهو باطل
حضرتك بقتول ان مفيش حد مرتبه 300 او 250 جنيه والكلام ده مش موجود ولا حتى في الأفلام العربيه

طيب اقسملك بالله ان انا من حوالي شهرين تقريبا او تلاته وانا واقف امام ماكينة الصراف الآلي لأحد البنوك اتت سيارة لاحد شركات المضارب الحكومية ونزل منها عامل بسيط جدا جدا واحنا طبعا كنا اول الشهر والناس اغلبها بيقبض والراجل كنا بنساعده علشان يقبض والمفاجأة مرتبه كان 350 جنيه مصري فقط لا غير

فرجاء لا تجزم بأشياء لأنك لا تتصورها وفقط الواقع شئ وما تريده انت شئ اخر
وشكرا

اقتباس:

---

المشاركة الأصلية كتبت بواسطة elawany13

واضح ان فيه ناس مش عايشيه معانا فى مصر ... أو عايشين ومش عارفين ومش حاسين بغيرهم
أقسم بالله اعرف مدرس متخرج من سنة 1999 وعنده 37 سنة وعنده بنتين والتالته فى السكة
ومرتبه 310 جنيه من الحكومة بعد حدوث طفرة فى مرتبه ... كان بيقبض السنة اللى فاتت 200 جنيه واللى قبلها 150 جنيه
وده مدرس مش واحد شغال فى محل كشرى ولا بيبيع عصير قصب

---

واللة يا اخ علوانى انا اختى الكبيرة فى التربية والتعليم
وكانت ايام مبارك بتقبض زى اللى حضرتك بتتكلم فية
دلوقتى مرتبها يقترب من 900ج

اقتباس:

---

المشاركة الأصلية كتبت بواسطة أبو عبدالله

استاذي الفاضل طبعا انا مش هرد واجادل في كلامك لأن ما بني على باطل فهو باطل
حضرتك بقتول ان مفيش حد مرتبه 300 او 250 جنيه والكلام ده مش موجود ولا حتى في الأفلام العربيه

طيب اقسملك بالله ان انا من حوالي شهرين تقريبا او تلاته وانا واقف امام ماكينة الصراف الآلي لأحد البنوك اتت سيارة لاحد شركات المضارب الحكومية ونزل منها عامل بسيط جدا جدا واحنا طبعا كنا اول الشهر والناس اغلبها بيقبض والراجل كنا بنساعده علشان يقبض والمفاجأة مرتبه كان 350 جنيه مصري فقط لا غير

فرجاء لا تجزم بأشياء لأنك لا تتصورها وفقط الواقع شئ وما تريده انت شئ اخر
وشكرا

---

استاذى الفاضل
انا برد على الناس اللى بتقولك لو رحت اشتغلت فى شركة فى العاشر هتاخد مرتب كذا وتصرف منة مواصلات كذا
واللى يقولك 300ج واللى يقول 400ج