لو قدامك عربية تويوتا كورولا وعربية رينو ميحان 2008 والأثنين بنفس السعر ونفس الكماليات والرينو عليها عرض أن الصيانة مجانية طوال فترة الضمان تشتري أيه
___________________________
تم النقـــل إلى القسم الختص
الإدارة - 3
عرض للطباعة
لو قدامك عربية تويوتا كورولا وعربية رينو ميحان 2008 والأثنين بنفس السعر ونفس الكماليات والرينو عليها عرض أن الصيانة مجانية طوال فترة الضمان تشتري أيه
___________________________
تم النقـــل إلى القسم الختص
الإدارة - 3
ياريت الي يصوت ميكونش فارق معاه سعر أعادة البيع
تويوتا كورولا طبعا بدون كلام
ممكن نكتب الأسباب و لا نكتفى بالاستطلاع ؟؟؟
انت عارف نتيجة مقارنة كورولا و ما تمثله و ميجان وما تمثله......
ياريت تكتبو الأسباب الي خليتك تختار نوع معين الصيانة مجانية يعني طوال فترة الضمان هتركب العربية متدفعش فلوس الا في البنزين بس
بصراحه مع حبى الشديد جدا للميجان و تقديرها
الا انى هختار الكرولا عشان ان شكلها مش هيتغير الا بعد 4 او 5 سنين انما الميجان دى اخر سنه ليها
نعومة الميجان على حساب رياضية فى الأداء للكورولا .
تميز فى التصميم الخارجى و الداخلى بينما الكورولا تحس انها صممت لتكون الشقيقة الصغرى للأخت الناجحة "كامرى". (أمثلة ال Hand Break فى الميجان و زرار تحريك المراية و أماكن التخزين)
حجم العربية مثالى جدا بالنسبة لى شخصيا حتى بالمقارنة مع المنافسات الأوروبيات و الفرنسيات كمان ( ال 307 أصغر بشكل كبير و ال C4 أكبر لدرجة أنك تحس بالضخامة).
خيارات الألوان أوسع و أجمل.
الميجان أشكالها متنوعة و تناسب كافة الاحتياجات (سيدان، هاتشباك، استيت، كابريوليه)و كلها متاحة فى السوق المحلى
تويوتا إيجيبت على العين و الرأس بس مش زى EIM
ريحتها حلوة (طبعا لأن المكونات الداخلية جيدة جدا) ...حبتها فى 30 ثانية..عمرى ما حبيت عربية يابانى بالشكل ده و لو بعد تفكير لمدة أطول....
عرض الصيانة المجانية ده فى حد ذاته عنصر جاذب
السلام عليكم ورحمه الله الكورولا افضل من حيث الارتفاع عن الارض نعومه العفشه وايضا صوت الماتور وسعه تكيف قوي وياريت حضرتكتقري الينك ده فيه كل الاعضاء المحترمين رشحوا الكورولا ولميختلف احد اما موضوع الصيانه المجاني ده زي مقال العضو الحترم طريقه جذب عميل واسلوب بيع مش اكتر والله يعمل الي فيه الخيرhttp://www.nilemotors.net/Nile/showthread.php?t=42887
متهيألي ان الوضع في الشارع المصري والعالمي
هيوضح نتيجة الأستفتاء بدون اي مجهود
لأنها حاجه واضحه زي الشمس
وده لا يقلل من الميجان او العرض المقدم لها
ولكن اعذرني اعلم انك تتكلم على الموديل الأعلى مبيعا في العالم في عالم السيارات كلها
انا عاوز اوضح شئ
أولا ان ميزة الكورولا عن اي عربيه تانيه واللي مخليها كده انها بتجمع من كل شئ بمقدار لا يجعلك تشعر بالقصور فيه
يعني لو عملنا متطلبات كل واحدفي العربية بتاعته ايه وبنسبة كام
هتجد ان الكورولا من اول العربيات اللي هتناسبك في اكثر هذه المتطلبات وبنسب انت ترضاها لنفسك بحيث انك تشعر انها سوف تعطيك الكثير امام باقي السيارات الأخرى
وهو ده اللي منجحها عالميا
حتى وان اتى موديل فيه مشكلة زي مثلا الكورولا العيون
المفروض انه يأثر على الموديل اللي بعديها لأن الناس مكنتش معجبه بالعيون علشان الوسع الداخلي ضيق
ولكن سرعان ما نزل موديل 2001 وتهافتت الناس عليه
ليه
لأن مثلا بند زي سعر اعادة البيع
الأعتمادية العالية لهذ العربيات
انت ممكن تعمل فيها اللي ميتعملشي في اي عربيه تانيه ولا الهوا
حفر شد خمس كل حاجه وافحتها وعمرها ما هتقولك بم
وده اقسم بالله عن تجربة
سوبق وقولت ان لي صديق كان معاه كورولا عيون لفت باك
والله ثم والله كان يكاد يكون يوميا في الصيف لازم يشد الهاندبريك ويكسر الدركسيون على ااخر ويقعد يلف العربيه حوالين نفسها
وكل ماشيه اغلبه شد وجري
وتخميش وكل اللي انت ممكن تتخيله كان بيجربه في العربيه دي
والعربيه على اخر مره رايتها كانت 150 الف هو اللي عاملهم كلهم ولا الهو
ولا اتغير فيها مسمار
زيت وفلتر زيت وعلى هذا
في النهاية
ان العربيه معادلة من بنود كثيرة
انت ممكن تختار عربيه لأن المعادلة بتاعتها متناسبة معاك وانت شايفها مناسبة لك
ولكن اللي مش عاوز او مش عارف يعرف انهي الكويس له ومش عارف متطلباته
او مش مركز او مش شاغل دماغه
بياخد الكورولا لأنها موفره حاجات كتير وبنشب معقولة لا تجعلك تشعر بالتقصير او بالقصور في اغلب البنود
وصدقني العرض بتاع رينو ده لو رينو بقت سمعتها ومكانتها زي تويوتا في مصر صدقني مش هتشوفه
لأن ببساطة ده اسلوب تسويق لن الماركه عاوز تاخد مكان في السوق بتاعنا
زي الخليج كده
الرينو ليس لها مكان في السوق
وهما عاوزينك تعرف رينو وتبقى حاجه متواجده عالطول
فبيعمل كده علشان يعلي مبيعاته ويخلي الناس متخفشي
واول ما مكانته تبقى زي تويوتا صدقني مش هتشوف العرض ده
لأن اكيد العرض مش على حساب التوكيل وانما على حساب الشركة الأم
يعني مع احترامي صاحب التوكيل مش فاتحه بالمجان يعني
وانما دي سياسة من الشركة الأم وليس الوكيل
وشكرا لكم
طبعا مع إحترامى لكلام حضرتك لكن ...
أنا معايا ميجان و معايا تويوتا ياريس و سوقت تويوتا كرولا الشكل القديم (2001-2007) كثيرا
الميجان أنعم كثيرا فى العفشة من الياريس و الكرولا و دا عن تجربتى للإتنين
و بالنسبة لإعتمادية الكرولا دى محش يقدر ينكرها لإن مع إحترامى عربية فيها تكييف و باور و سنتر و زجاج كهرباء إيه إللى ممكن يعطل فيها ؟؟؟
لكن هل الكرولا الجديدة بعد مانزلت بالحساسات و الاوبشنز الكتير إللى كان موجود فى الميجان و خاصة الكارت و الفتيس MMT حتبقى برضه إعتمادية و لا حتحتاج إنه لازم يتم عمل الصيانة فى التوكيل زى الميجان .
سؤال هل الكرولا الجديدة فيها كمبيوتر أعطال و رحلات أم كمبيوتر رحلات فقط ؟
بالنسبة لرأى طبعا ميجان
لإن أنا من ملاكها و شايف إنها إعتمادية و مبسوط منها
من الأخر إللى يركب أوربى و يستمر بيه لفترة صعب قوى يركب يابانى بعد كده
فرق الركوبة كبير بين الأوربى و اليابانى دا من الأخر