من غير ما أشوف الردود أكيد التويوتا
عرض للطباعة
من غير ما أشوف الردود أكيد التويوتا
والله بدون أى مبالغه عربيه ميجان معديه من جنبى بينى وبينها حوالى متر وأنا واقف على رجلى فى منطقه هادئه جدا وصاحبها كان ماشى بسرعه من 30 الى 40 تقريبا
والعربيه مالهاش أى صوت نهائى إلا صوت الكاوتش
لدرجة إن واحد كان واقف معايا قاللى هو مبطل الموتور ولا إيه ؟
فصوت موتور الميجان أفضل وأنعم بكتير من صوت التويوتا
بالنسبه للعمر الإفتراضى للموتور الإتنين واحد
وبالنسبه للشكل فالميجان أجمل عربيه نزلت فى الألفيه الثالثه حتى الآن من وجهة نظرى بس دى طبعا أزواق
بالنسبه للثبات الميجان ثابته ولا شك زيها زى كل العربيات الأوروبى
لكن الكورولا وإن كانت سمعتها زى الزفت فى مسألة الثبات إلا أن موديل 2008 يتميز بالثبات الممتاز
بالنسبه للأمان الدرجات واحده الإتنين 5 نجوم لكن موديل 2007 4 نجوم بس
والإتنين فيهم 6 اير باج
بس الميجان أرخص بكتير
فأنا طبعا حختار الميجان بالعرض المغرى ده أو من غير العرض
تسلم إيدك على الكلمتين دول بجد.....
أنا لما ناويت أشترى عربية زيرو مافكرتش أصلا أروح لتوكيل يابانى
(أنا كنت دخلت طبعا كذا واحد قبل كده و شوفت الدنيا من جوة بحكم المهنة لكن مش لغرض الشراء)
المشكلة إنك تشرح للبشر مسألة الصناعة الأوروبية و جودة الخامات وإن اليابانيين مش فى فكرهم إن الحاجة تعمر.
يبدو إن مش كل الناس بتفرق معاها أو مستعدة تدفع ثمن الكلام ده، أنا حقيقى مش عارف ليه الناس مش شايفة الفرق ده بين اليابانى و الأوروبى، مع إن بص على أى حتة فى أى عربية يابانى و قارنها بمثيلتها الأوروبى. الفرق واضح جدا بالعين المجردة و من أول نظرة. أنا عارف إن الكلمتين دول هيفتحو علينا أبواب جهنم من أنصار اليابانى اللى شايفينو جيد ومناسب و بيرضى طموحات و رغبات كل الناس و فى العربية كل اللى نفسك فيه!!!!!. ربنا يستر و أوعدنى يا "شاركى" إنك تدعمنى لو حصل اللى خايف منه :)
اسمحولي اني اطالب بنقل الموضوع الى العام
علشان ميبقاش في اي تحييز
وكل الناس تشارك فيه
مش كده ولا ايه
وياريت حد من الأشراف ينقله للعام افضل
وشكرا لكم
معلشي مع احترامي لرأي حضرتك
انا عاوز اعرف ايه اللي شوفته في الياباني من الفئات العالية
للأسف كل اللي احنا بنشوفه هنا من الياباني اقلهم جوده
يعني العربيات ذات الفئات العالية غالبا بنشوفها هنا الألماني فقط
غير كده متلقيش ياباني
انا عاوز تعمل بحث على النت مقارنات بين الياباني والألماني في الفئات العالية وانت تعرف بالظبط انا بتكلم في ايه
يا راجل ده اللكزس مبهدله بي ام ومرسيدس في كل المقارنات اللي موجوده على كل صفحات النت والمؤسسات المتخصصه
ياريت بس نوثق كلامنا علشان كل واحد له راي ولو عاوز تعرف ايه الصح
نشوف الناس اللي بتعمل حاصائيات صح ولها اساليب للمقارنة رايها ايه
لأن بصراحه كلام حضرتك بالنسبة لي غريب جدا جدا
وممكن اعذرك لأنك بتقارن مثلا ياريس بميجان او مثل ذلك
أرجو من الأدارة نقله الي العام
موديل سنة كام علشان اعرف دي سعرها كان كام ودي كان كام
و مش السعر داخل في الموضوع برضه
يعني مثلا هتقولي الميجان والكورولا 2006 او لانسر 2006
شوف دي سعرها كان كام والميجان كانت بكام
وشوف دلوقتي دي بكام ودي بكام في اعادة البيع
دي بتخسر ودي بتكسب لأنك بتبعها دلوقتي بالسعر اللي اشتريت به
فرق كبير بصراحه