-
بدون الخوض في تفاصيل فنية ممكن يكون ملهاش لازمة للبعض....
أنا عندى سؤال ليكم.......الثبات بتقيسوه أزاى ؟
هل أنك تبقى ماشى على 140 مثلاً والعربية مبتتحركش يمين وشمال من العربيات اللى بتعدى من جنبها ولا بتعمل أيه فى مطبات الهوا وخلافه وما تسببه من تنطيط للعربية ؟
سؤال كمان......معلش هتقل عليكم :)
كام واحد ساق عربية يابانى أياً كانت و ساق عربية أوروبى أياُ كانت ؟ وهل حس بأختلاف بين سواقة دى وسواقة دى ؟....طب كان أيه هو الأختلاف؟
كل ما يمثله ليا أحساسى بالعربية هو أحساسى بتمكنى من العربية حتى فى أحلك اظروف.....يعنى لو على طريق سفر مثلاُ وسرعة عالية هبقى حاسس أنى أنا اللى سايق العربية ولا العربية ممكن تعمل حاجة مش متوقعة لة خدت مطب هوا مثلاُ على السرعة دى ؟
و يا ريت محدش يقولى أحلك أيه وبتاع :) و سرعات عالية أيه هو أحنا أصلاً بنمشى ما هى الطرق كلها واقفة والكلام ده......لأنى واحد من الناس باخد الطريق الدائرى يومياُ للشغل + سفر كتير وبالنسبالى دى أهم حاجة فى العربية.....أحساسى بالسيطرة عليها فى أى وقت وعلى أى سرعة
و على هذا الأساس جربت قبل ما أشترى وأشتريت اللى يدينى أحساس بالسيطرة على العربية و أنا ماشى بأقل مجهود
-
الثبات من رايي
ان العربية تحسسك بالأمان في اعلى سرعات
يعني تحس انك مالك العربيه
هو ده الثبات
اما غير كده بيبقى حاجات تانيه
والمشكلة ان الكرولا مفيهاش كده اصلا
الكرولا مشكلتها انها لو اتزحلقت بدون Ebd هتعوم منك
مش هتساعدك انك تظبطها او تتحكم فيها
لأنها عالية وكاوتشاتها عالية كمان
مقاس الكاوتش 70 الرتفاع يعني
والعرض 185 بس
وانا بقول ان العربيه لو اتغيرها الكاوتش بس من غير الجنط بتتظبط
مع العلم ان اللانسر 98 لما سوقتها كانت اضيعه بجد بدون جنوط
بجد العربيه حسيت فيها بخوف فظيع
-
كريم إنت عربيتك جايب لها كاوتتش أعلى و جنوط سبور علشان تخلى الثبات أحسن
يعنى عربيتك مش زى أى كرولا عادية موديل 2005
ربنا يبارك لك فيها و يديك خيرها و يكفيك شرها
و فى الأخر لو موديل 2008 و موديل 2008
رأى الميجان ليه :
1- لإنى مجرب الميجان و شايف إعتماديتها ممتازة
2- لإن الكرولا الجديدة مش زى القديمة بعد مانزلت بالحساسات و الاوبشنز الكتير إللى كان موجود فى الميجان و خاصة الكارت و الفتيس MMT حتحتاج صيانة دائمة فى التوكيل و دا شئ عادى لأى حاجة فيها العديد من الإلكترونيات و الأوبشنز العالية
و من من مراجعة أسعار صيانة الميجان و الكرولا حنلاقى إن الكرولا أغلى من الميجان غير معظم ملاكها من كلام التوكيل بيشتكوى من عدم تقبل الفتيس MMT
دا رأى الشخصى
-
على فكره يا احمد
الكورولا الجديده مش بتحتاج التوكيل الجيد في حاجه
وزيها زي القديمة بتتركب وتمشي بها عادي ولا صيانةولا بتاع برضه
-
عرفت منين يا أبو عبدالله الكلام دا ؟
-
من ناس اعرفهم معاهم العربيه وماشيي ومبيرحوش صيانات ولا بتاع
على فكره عاوز اقولك ان العروف في المحافظات عندنا غير القاهرة
ان مفيش حد بيفكر يروح توكيل اصلا من اساسه
وده يمكن اللي موثق الناس في تويوتا ومتسوبيشي
لأن الناس مش في دماغه صيانة ولا بتاع
-
العربيات دى الأوبشن بتاعها إيه و عاملت كام كيلو؟
على فكرة معظم إللى فى المحافظات بيبقى خليجى مش جنوب أفريقى
-
الموديلات الجديده 2008
والفول اوبشن ولا واحد اشتكى من حاجه
اما عامله كام مش عارف بس الكلام ده بقاله فتره
يعني مش لسه جداد
احمد مش عاوز اقولك ان المنصورة هنا غرقانه كورولات 2008 وجنوب افريقي ولانسر شارك 2008
-
أبو عبدالله الكرولا فى مصر لسه فى عامها الأول
يعنى الطبيعى إم العربيات دى ماعدتش الـ 20 الف بالكتير
لسه يا أبوعبدالله قولى لما يعملوا بيها 50 الف الأخبار إيه و بعد مرور سنة كمان
و بالنسبة للإنتشار ربنا يزيد و يبارك و تزيد أكتر بس دا مالوش علاقة بإللى إحنا بنقوله
-
[
واعذرني انت تتكلم على مستواك الشخصي انك تقدر تصرف على الميجان مثلا
ولكن ليس كل الناس بيشتري عربيه لكي يصرف عليها ويذهب بها كل الصايانات بتاعتها لكي يحس بالأمان او لكي لا يفقد سيارته
انا نفسي بس الناس تفكر زي الناس اللي في الشارع العادية مش الناس اللي عاوزه تصرف على العربيات[/quote]
+1
Content Relevant URLs by
vBSEO 3.6.0 PL2