طهقت و عاوز اهاجر

**khaled_sabry** · 09-07-2014 02:57 AM

السلام عليكم
زى ما العنوان مكتوب - انا زى كتير اوى فى البلد دى طهقت و عاوز اهاجر
فكره الهجره بتراودنى بقالها مده لكن دلوقتى حسمت امرى خاصه مع توافر مبلغ كويس معايا يساعدنى فى القصه دى
ولولا ظروف عائليه معينه كنت ابتديت اجرائات الهجره من دلوقتى لكن مطر انى ااجل البدايه لسنه او اتنين على اقصى تقدير
و اهه استغل الفتره دى فى تحسين الانجليزي عندى علشان امتحان الإيلتس

المهم - انا .net developer خبره 10 سنوات متزوج و عندى 4 اطفال (2 منهم توأم عندهم شهرين)

من خلال بحثى على النت لاقيت ان اشهر بلدين فاتحين ابوابهم للهجره هما كندا و استراليا
انا كنت مركز اوى مع كندا لإنى لاقيت دخل المبرمجين فيها عالى بالاضافه الى سهوله الحصول على عمل فيها فى التخصص ده
لكن لاقيت ورقها كتير وليها اجراءات كتير - و كمان عرفت ان فيه تدضيق على برنامج العماله المهره federal Skilled worker زى مثلا ان لازم يبقى معاك عقد عمل قبل ماتسافر !!! و ده شبهه مستحيل

و بناء عليه بدأت افكر فى استراليا - لكن لاحظت ان قليل اللى بيتكلم عنها و مش عارف معلومات تفصيليه عنها زى كندا
فاهم النقاط اللى تهمنى
1- هل فرص العمل للمبرمجين فى استراليا متوفره ؟؟ و هل مستوى دخل المبرمج مرتفع
2- هل فيه تفرقه عنصريه للمسلمين هناك ؟؟
3- تكاليف رسوم الهجره قد ايه تقريبا لى و لاسرتى

مع العلم ان وظيفتى فى قائمه Skilled worker ايضا لاستراليا
ياريت اللى يقول معلومه يكون متأكد منها

**أحمد كمال** · 09-07-2014 08:19 AM

اسرتك كام فرد و مراتك اللنجليزي بتاعها اخباره ايه

ابتدي الاجراءات النهارده قبل بكرة لان ممكن كمان سنتين ماتلاقيش اساسا

غير ان الاجراءات هتاخد من سنة لسنتين اساسا

**أحمد كمال** · 09-07-2014 10:08 AM

المشاركة الأصلية كتبت بواسطة khaled_sabry

ما انا قولتها قبل كده

اسرتى انا و مراتى و 4 اطفال
اعمار اولادى 6 سنوات - 4 سنوات - و التوأم عندهم شهرين
للاسف الانجليزي بتاع مراتى ضعيف -
انا الانجليزي بتاعى كويس و لكن ليس للدرجه المؤهله (يعنى فى تقديرى اجيب 4 - 5 ) فى ielt
علشان ابقى صريح المشكله فى الفلوس - انا المفروض يطلعلى مبلغ مالى كويس بعد سنه او سنتين على اقصى تقدير و ال proof of fund دلوقتى بقى من الاوراق الاوليه الاساسيه اللى بتتقدم فى ملف الهجره لكندا ولو ما اتقدمشى الملف مش حيتقبل من الاول خالص

ده طبعا بالنسبه لكندا استرليا ماعرفشى

انت + مراتك + 4 اطفال يعني الفيزا هتكلفك حوالي 8800 دولار استرالي + 2% مصاريف كريدت كارد (بتخصمها الحكومة الاسترالية) + 2% البنك بتاعك يعني هتخش في 9150 دولار

ده مصاريف الفيزا بس ....... غير التقييم المهني و الايلتس بتاعك و الايلتس بتاع مراتك و الكشف الطبي ل 6 افراد و ترجمة المستندات اللي بالعربي للانجليزي الخ الخ الخ الخ

مش محتاح Proof of Fund لاستراليا

لو مراتك ما جابتش 4.5 في الايلتس (في المجموع الكلي) هتلبس في 5000 دولار اضافية

انت محتاج تجيب 7 في الايلتس (في كل اقسام الامتحان و ليس المجموع الكلي) ......... نصيحة خش دلوقتي و شوف هتجيب كام .......الايلتس ناس كتير عاملة له رهبة عالفاضي ........ خش مرة جرب و خيش مش مهم بس شوف انت واقف فين و بعيد عن هدفك قد ايه و الاهم انت بعيد في انهي مهارة من الاربع مهارات بتوع الامتحان عشان تعرف انت محتاج تظبط ايه و فين

خلي بالك كندا على اخر السنة دي هتبقى صعبة جدا ..... يعني لو استنيت سنتين غالبا بخ ...... غير ان ال proof of funds لازم تثبت ان الفلوس معاك بقالها فترة

**أحمد كمال** · 09-07-2014 10:32 AM

المشاركة الأصلية كتبت بواسطة khaled_sabry

هو التقديم على استراليا بيبقى فيه انترفيو (زى الهجره لكيبيك فى كندا) ؟؟
و بشكل عام هل فرص العمل هناك افضل من كندا و لا لاء - لإنى قرأت اراء متناقضه فى الجزئيه دى بالذات

ياريت تقولى ايه الصعوبات اللى حتزودها كندا على اخر السنه دى ؟؟
لإن كتير بيتكلمو عن الصعوبات دى بس ماحدش حددها بالظبط

و نصيحه اخيره - تقريبا كده ابقى مجهز فلوس قد ايه قبل ما افكر فى المشوار ده ؟؟

مفيش انترفيو

فرص العمل دي ارزاق ....... الاتنين الشغل فيهم صعب بس تعمل حسابك انك اول ما تروح ممكن تشتغل اي شغلانة عشان تلاقي اكل عيش .... لحد ما تلاقي شغلانة في مجالك

كندا بقالها سنين بتحط عدد ابلكيشنز قليل جدا كل سنة ....... السنة دي رفعوا العدد جدا بس لسنة واحدة و غالبا هيضيقوا جدا على اخر السنة

فلوس دي انت و احتياجاتك لان اللي يكفي فلان مش لازم يكفي علان و العكس

**أحمد كمال** · 09-07-2014 10:34 AM

حاجة كمان ...... استراليا مفيهاش حرارة سالب 30 و سالب 40 و سالب 50 في الشتا .......

**Ahmed_Rahem** · 09-07-2014 12:00 PM

شروط استراليا اتغير، انت الاول بتشوف تقدر تجمع 65 درجة (حسب سنوات الخبرة والشهادة واللغة) وبعدين تقدم eoi وربنا يسهلك فى الباقى.
شوف بردة نيوزلاند بلد كويسة وزى استراليا. وهى بردة بتجمع نقط لو 140 او اكتر طلبك اتقبل وفاضلك بتكمل المستندات، لو من 100 الى 140 بتخش قرعة كل اسبوعين لمدة 6 شهور، لو اقل من 100 للأسف مرفوض، وبكدة ليك اكتر من فرصة لقبول الملف بتاعك.

وربنا يصلح الحال

**أحمد كمال** · 09-07-2014 12:13 PM

المشاركة الأصلية كتبت بواسطة ahmed_rahem

شروط استراليا اتغير، انت الاول بتشوف تقدر تجمع 65 درجة (حسب سنوات الخبرة والشهادة واللغة) وبعدين تقدم eoi وربنا يسهلك فى الباقى.
شوف بردة نيوزلاند بلد كويسة وزى استراليا. وهى بردة بتجمع نقط لو 140 او اكتر طلبك اتقبل وفاضلك بتكمل المستندات، لو من 100 الى 140 بتخش قرعة كل اسبوعين لمدة 6 شهور، لو اقل من 100 للأسف مرفوض، وبكدة ليك اكتر من فرصة لقبول الملف بتاعك.

وربنا يصلح الحال

1- 60 مش 65 ...... و موضوع ال eoi مش بالتساهيل ده حسب فاضل كام دعوة لمهنتك و متوسط السكورز كام انت سكورك كام الخ الخ الخ

2- نيوزيلاندا مش بالقرعة ....... نيوزيلاندا عندهم عدد دعوات محدود كل اسبوعين .....

الاول بياخد اللي فوق 140 كلهم .....

بعدين بيملا باللي فوق 100 و تحت 140 بشرط يكون شغال بالفعل في نيوزيلاندا او عنده عرض عمل .... مش قرعة و لا حاجة ......

الموضوع: طهقت و عاوز اهاجر

LinkBack

أدوات الموضوع

عرض

-

-

-

-

-

-

المواضيع المتشابهه

بفكر اهاجر

الحقونى .. انا خلاص طهقت و زهقت .. !!

انا عايز اهاجر

انا طهقت سيتى 2009 بتتزحلق وتطير

انا طهقت من سرقة العلامات

الكلمات الدلالية لهذا الموضوع

المفضلات

المفضلات

ضوابط المشاركة