لكل مهنه مخاطرها لا خلاف على ذلك, حتى الوظائف المكتبية
بس ده ميديش حق لأى مواطن كائناً من كان إنه يبقى درجه أولى و إنت درجه ... 10
أيوه أنت درجه 10, أو على الأقل درجة 9
درجه أولى : ليه وظيفه سيادية و يتمتع بسلطه و نفوذ و إمتيازات مادية و عينية لا يمكن إن يتمتع بها غيرهم
مثال: الجيش - الشرطة - القضاء
درجة ثانية: ليه مركز سيادى مؤقت (مش دائم) و ما يمنحه له من نفوذ و إمتيازات مادية و عينية
مثال: الوزراء - أعضاء مجلس الشعب .... (و إن كان مواطنو الدرجه الأولى و الثانية بيبدلو مع بعض مع حبايبهم)
درجة ثالثة: يملك ثراء فاحش و لا يريد أن يكون له سلطه (بمزاجه, لأن فى مصر غالباً المال و السلطه مع بعض)
مثال: الفنانين و الإعلاميين - رجال الأعمال و المستثمرين - ....
درجة رابعة: ثرى و لدية مكانه وظيفية مرموقة تسد أغلب إحتياجاته الترفيهية
مثال: موظفو البترول و البنوك و الطيارين (بتوع المطار مش طيارين التوصيل للمنازل) و أصحاب المشاريع الكبرى و المتوسطه
و تفضل تنزل
تنزل
تنزل
تنزل
لحد الجماعة بتوع معاش الضمان الإجتماعى و المعدمين (من ليس لهم عائل و لا مصدر رزق) و لا ليهم صوت واصل و لا حد شايفهم و لا موجودين على خريطة مصر أصلاً
================================
عاوز تستريح بعد معرفت إنت أيه, بص للمواطن رقم 11 و 12 و إوعى تبص للمواطن إللى قبلك فى الدرجه
هتتعب أوى و هتموت و مش هتوصل له, ببساطه لأنه طريقه مش طريقك
المفضلات