الموضوع: لزمته ايه الترفيه

ال10% بتاعت زيادة معاشات الحكومه لا تنطبق عليهم لأن العسكريين المتقاعدين مش المعاشات .علشان كده كل سنه بيطلع ليهم قرار زيادة منفصل بنفس النسبه اللي بيأخدها بتوع المعاشات المدنيه.يعني هي 10% بس مش 10+10 ذي الناس ماهي متخيله.
وعلي فكره القرار ده بيتكرر كل سنه من اكتر من خمسين سنه :)
أنا مش عاوز اخش في جدال عقيم بس ده للتوضيح.

هى فكره واحده و هدف واحد لكل المواضيع
و بفرض حسن النيه يا ريت كل واحد يخليه فحاله و يرضى باللى ربنا رزقه به و يقول الحمد لله و بلاش يبص لغيره فرزقه او يتكلم على غيره
لو فيه ضمير و رغبه اكيده فتحرى الصدق كان كل واحد قبل ما يكتب كلمه او رد (وهو عارف كويس ان ربنا هيحسابه على اللى بيقوله) كان شاف الفرق بين جيش مصر و باقى الجيوش كان شاف الناس بتثق فالجيش ازاى كان شاف المشاريع اللى الجيش بيعملها كان شاف حاجات كتير كان فكر انه نايم فالبيت وسط اهله و اسرته و واحد تانى صاحى علشان يحميه و لما بيموت محدش بيعرف عنه حاجه كان شاف حاجات كتير
انا واثق انى كلامى مش هيفرق كتير مع بعض الناس بس انا متأكد ان فيه ناس افاضل محترمين عارفين قيمه الجيش المصرى

المشاركة الأصلية كتبت بواسطة shiko85

عموما لو حد يعرف وظيفه تانيه اللى بيشتغل فيها معروف انه ممكن يموت فأى وقت و بيطلع عمليات و هو متأكد انه ممكن مش هيرجع تانى و بيغيب عن بيته و اهله بالشهور و واقف ليل نهار فعز البرد او فالحر الشديد يقولنا عليها

فني تركيب إعلانات
الإعلانات اللي علي المحور و الدائري و فوق الأبراج عارفها .... ينطبق عليه ذات الوصف و ذات الخطورة
مبيض محارة تخصص واجهات :)
السقاله بتوصل 20 دور و طول النهار متشعلق التشعليقة الهباب دي
عامل الصرف الصحي
ده لوحده كارثه و في الدول المتخلفه بيتحول من إنسان لمجموعة أمراض تسير علي الأرض (لكن ربك بيسترها مع الغلابه)

لو عايز تخليهم يغيبو عن أهلهم هم كمان ممكن : الدنيا تزنق معاه و ينزل يشتغل في محافظة تانيه