الموضوع: مواصفات زوجة 2009

المشاركة الأصلية كتبت بواسطة Abdelrahman

السلام عليكم جميعا1-ابعد عن خريجين طب وصيدله وهندسه
2-ابعد عن الي ساكنه في مدينة نصر او مصر الجديده او المهندسين (المناطق الراقيه بصفه عامه)....هههههههه......
3-خد واحده يكون عمرها يا إما صغير قوي (يعني 20 او 21)او كبيره شويه صغيره (25 او 26)

:k20:

بجد مش عارفة اقولك ايه يعني ال 3 مواصفات فيا ..
اروح اموت نفسي انا بقى ولا اعمل ايه طيب

المشاركة الأصلية كتبت بواسطة sab3aawy

حرااااااااااااااااااااااا اااااااااااااااااااام عليكم قطعتوا نفسى

بقالى ساعة بقرا فى الموضوع ده لحد ما طلعلى كاللو فى عينى واستجماتزم فى ركبتى،

بس انا ليا وجهة نظر محتلفة شوية عن كل اللى اتكتب فى الموضوع، يمكن تكون اقرب ما تكون لوجهة نظر اخونا ميزا

سواء الجوزا كان جواز صالونات او جواز بلكونات(يعنى يكون وقف تحت بلكونتها 3 سنوات قبل ما يقدر يخش بيتها) ففى الحالتين سن الزوجة ومؤهلها والمنطقة التى تسكن بها قد تكون عوامل مؤثرة لكنها فى الاول وفى الآخر عوامل ثانوية جدا

العوامل المؤثرة هو تقبل الزوجين لبعضهما وارتباطهما الروحانى وتحملهما لمسئولياتهما فى اطار من الحب

لأنى خطبت مرات عديدة، وبالتأكيد باعتبارى اتجوزت مرة واحدة فان كل خطوباتى السابقة عليها كان مآلها الفشل، مرات بسبب ان العروسة انهت الأمر ومرات اخرى لأنى انهيت الأمر ، الدرسين اللى اتعلمتهم من كل التجارب دى: الدرس الأول ان فيه ناس عاقلة وناس مش عاقلة، يعنى انا فى فترة من حياتى كنت مش عاقل وده كان سبب ان الطرف التانى انهى خطوبات انا كان نفسى تكمل، وفى حالات اخرى كان العكس انى هربت بجلدى لما لقيت الطرف التانى مش عاقل

اما الدرس التانى فهو ان لما يكون الطرفين عاقلين، وفترة الخطوبة تخلق بينكم رباط وجدانى فكل واحد بيبقى عنده استعداد انه يبلع للتانى الزلط، وكل واحد بيشيل نصيبه من المسئولية بحب واعتناء علشان الطرف التانى بقى حاجة كبيرة جدا فى نظره

هم دول الحاجتين اللى بيخلقوا زواج ناجح: النضوج والوئام، ولو دول اتحققوا مبتفرقش كتير بأه طب من هندسة ومبتفرقش كتير مصر الجديدة من العمرانية

بصراحة بأه انا زهقت و مليت

زهقت و مليت من كتر ما باخد إقتباسات من كلام سبعاوي و أقول انه هو ده الكلام :k49:

المشاركة الأصلية كتبت بواسطة aif

بسم الله ما شاء الله .... انا شايف البنات عددهم بيزيد ......
وفي الآخر يقولو احنا في مجتمع ذكوري .....

مرحبا بك يا ميس فارما ......
اعتقد كدة انك صيدلانية ....
اصل انا لماح أوي وافهمها وهيا طايرة :D

اهلا بيك .. وبرافو عليك .. :D
بس على فكرة انا مش جديدة اوي يعني .. بقالي شهر تقريبا ..

Miss-Pharma

ههههههههه معلش ما كنش قصدي.........جت فيكي غلط
اولا اهلا وسهلا بيكي
ثانيا آسف مره تانيه جت فيكي .........هههههههه
ثالثا أنا اختي اتجوزت وهي عندها 24 وشويه واحنا ساكنين في ارض الجولف
يعني الي انا رفضه تقريبا كان في اختي....

مش عارف وحهة نظرك ايه في الموضوع بصفه عامه ..بما انك في نفس الظروف؟؟

:k17: