ماكينه الزجاج باظت ممكن مساعده

**buffon851** · 10-07-2014 02:02 PM

بعد اذنكو يا شباب عندى مكنه الازاز باظت والتروس اتاكلت انا العربيه فيكترا 95 وقالولى لازم تجيب مكنه والمكن اسعاره هابله بصراحه اللى يقولى 250 او 300 للمكنه فانا عايز اعرف هو هل ده سعر مكن الاوبل وهل فى حاجه بديله ارخص ممكن اركبها وشكرا لحضراتكم

**Tiar** · 10-07-2014 04:03 PM

المشاركة الأصلية كتبت بواسطة buffon851

بعد اذنكو يا شباب عندى مكنه الازاز باظت والتروس اتاكلت انا العربيه فيكترا 95 وقالولى لازم تجيب مكنه والمكن اسعاره هابله بصراحه اللى يقولى 250 او 300 للمكنه فانا عايز اعرف هو هل ده سعر مكن الاوبل وهل فى حاجه بديله ارخص ممكن اركبها وشكرا لحضراتكم

انا كنت جايبها من حوالى سنتان بـ 150 جنيه من عند احمد حسن اللي في البراجيل
أسأل عند هاني العايدي في الحرفيين ارخص من احمد حسن

طيار

**ahmedkasem** · 10-07-2014 06:00 PM

للاسف هو ده سعر المكن حاليا
وطبعا السعر مبالغ فيه جدا عشان هو بتاع فيكترا 95 اللي المسمار فيها بمبلغ وقدره
انا غيرت المكنتين عندي ب 250 جنيه بالمصنعية والفك والتركيب عندنا في اسكندرية
بس ركبت مكنتين تانيين مش بتوع اوبل
هما تقريبا كانوا بتوع تويوتا كرولا وهو عدلهم عشان يركبوا عندي
وبتاع الابواب هو اللي ركبهم من عنده وكانت التكلفة كلها مكنتين امامي +فك وتركيب ومصنعية = 250 جنيه
على العموم روح لواحد بتاع ابواب وهو هيقولك على البدايل المتاحة وممكن تلاقي عنده مكنتين زي ما لقيت
بس ماتدفعش مليم واحد غير لما يركبهم وتجربهم عشان ممكن يديلك حاجة خليع من عنده