.::لكل ملاك امبريزا 2008 مانوال - Manual T. - عامل معاكو ايه الفتيس ؟؟؟

**ahmad7610** · 25-10-2008 03:36 PM

المشاركة الأصلية كتبت بواسطة wheals

يا جماعه انا ممكن تعتبرونى دخيل عليكو لانى مش معايا سوبارو و لا عمرى اشتريتها بس اتفرجت عليها و بصراحه عربيه ممتازه الى معجبنيش فيها بس هو ضعف صاجها بس مش مشكله الغالبيه كده بس انا عايز اعرف العربيه ثابته و لا لأ او بمعنى اصح ثابـته زى الالمانى لان انا معايا استرا 2006 و عايز اغيرها و اكون سوبراوى

-ياباشا احنا كلنا أخوات هنا .. وانت تأمر والكل يجاوبك ..
فعلا ملاحظة جيدة .. صاج 2008 و 2009 بقى زى بقيت العربيات .. لكن 2005 و 2007 كان الصاج الى حد ما أقوى من الباقى
-
لكن عذرهم فى 2008 و 2009 ان العربية فعلا تقيلة .. فلو الصاج كمان بقى مقوى حتبقى العربية تقيلة قوى .. وعموما كل الجديد كده فى الفئة دى ..
-
الثبات طبعا فى الهاتشباك والسيدان جيدجدا مقارنة باى عربية تانية فى الفئة دى.... الأقرب لها هى هوندا سيفيك 2008 لكن لسه مش عارف نظام VSA فى 2009 أكيد حيفرق مع السيفيك ..
-
لو حابب تغير من الاسترا للسوبارو هاتش باك .. فمش عارف الاسترا مش وحشة ولن تجد اى زيادة فى الامبريزا عن الاسترا .. والثبات أعتقد ان الاسترا جيدةجدا برضه وشوارعنا أصلا متستحملش انك تجيب سرعات عالية تستاهل ثبات السوبارو ..
-
عموما أعلى موديل فى الامبريزا اسمه RK وفيه 8 ايرباج .. ومفيهوش فتحة سقف ..
-
-
-

**KHALED AYMAN** · 25-10-2008 08:07 PM

انا متشكر على الترحيب الجميل منكو والف شكر على المعلومات بس انا حابب اغير الاسترا لانها فيها مشاكل معايا و بصراحه قرفتنى فكرت فى الاسترا الجديده بس قولت اجرب يابانى لانى طول عمرى بركب المانى فحبيت اغير بس واضح ان اليابانى له تفكير و الالمانى تفكير تانى و فى النهايه كلها عربيات كويسه و بتختلف حسب احتياجات كل واحد

**ouba2** · 25-10-2008 09:48 PM

هات الامبريزا ومش هاتندم

**ahmad7610** · 25-10-2008 11:06 PM

المشاركة الأصلية كتبت بواسطة wheals

انا متشكر على الترحيب الجميل منكو والف شكر على المعلومات بس انا حابب اغير الاسترا لانها فيها مشاكل معايا و بصراحه قرفتنى فكرت فى الاسترا الجديده بس قولت اجرب يابانى لانى طول عمرى بركب المانى فحبيت اغير بس واضح ان اليابانى له تفكير و الالمانى تفكير تانى و فى النهايه كلها عربيات كويسه و بتختلف حسب احتياجات كل واحد

-
أنا اسف.. أنا كنت فاكر ان معاك الاسترا الهاتش باك الجديدة ... لكن واضح ان اللى مع حضرتك هى الاسترا السيدان الشكل القديم ..انا كان معلوماتى المتواضعة ان الاسترا السيدان كان اخرها 2005 . عموما لأ طبعا فى فرق بين امبريزا 2009 الهاتش أو السيدان عن الاسترا
اللى مع حضرتك ... والاسترا مش ألمانى 100% يعنى مش زى الفكترا ... لكن لو محتار بين الاسترا 2008 و الامبريزا 2009
يبقى رأيى تاخد الامبريزا الهاتش او السيدان .. وكمان الاسترا الشكل ده بيعيش اخر شهور ليه والجديد حينزل بره خلاص .. عكس الامبريزا
مستمرة بالشكل ده لسنة كمان على الأقل ..( امبريزا بتغير الشكل فى شهر 9 كل عامين او تلانة )

**KHALED AYMAN** · 26-10-2008 01:16 AM

شكرا يا جماعه على النصيحه و المعلومات بس على فكره الاسترا الى معايا نزل منها اخر حاجه فى 2007 limited edition و كانت بمثبت سرعه و هى فعلا مش المانى دى برازيلى تقفيل مصرى.

**ouba2** · 26-10-2008 01:19 AM

ما قولتوش اية رايكم في عربيتي وموتورها ولا الصور لسة مش واضحة

**ouba2** · 27-10-2008 12:58 PM

اية هي عربيتي ماتستحقش حتي تقولو رايكم فيها ؟؟؟؟؟؟؟

**ouba2** · 28-10-2008 04:59 PM

يااااااة للدرجادي العربية وحشة؟؟؟؟؟؟؟؟

**ahmad7610** · 28-10-2008 08:32 PM

ياباشا المحرك ده رغم ان موديله قديم لكن بسم الله ما شاء الله شكله حلو وتحس فيه بالقوة ..
-
فعلا يستاهل ... بس هو دفع أمامى صح ؟

**ouba2** · 28-10-2008 08:45 PM

ايوة هو دفع امامي بس نفس الموديل في منة دفع رباعي في المواتير الاعلي من بتاعي (1800 *1600) سي سي وانا موتوري 1300 والعربية ما شاء الله ثباتها زي الفل بس المشكلة الابدية عدم توافر قطع الغيار ليها لانها قديمة لو تعرف ساعدني يا استاز احمد

الموضوع: .::لكل ملاك امبريزا 2008 مانوال - Manual T. - عامل معاكو ايه الفتيس ؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ملاك كشقاى ممكن تقولولى حصل معاكو حاجة زى كده

لو ممكن اصور اليوزر مانوال - User Manual

اسف جدا يا رجالة الدايو الحقوني في مشكلتي باعتباري كنت من ملاك الدايو معاكو

عاوز اعرف استهلاك امبريزا 2006 اتوماتك في البنزين عامل ازاي

عايز حد يشرحلى عيب "الرعشة" اللى فى امبريزا 2008 هاتش .... من ملاك العربية

الكلمات الدلالية لهذا الموضوع

المفضلات

المفضلات

ضوابط المشاركة