الموضوع: مفاجأه قويه ....اوبترا شكل قديم 2015...الان اوبترا الافضل بلا منازع في فئه 125 الف

المشاركة الأصلية كتبت بواسطة Hosam_Optrawy

مساء الفل على الرجاله أبو يحيى والمهندس احمد

اللى اعرفه ان الأوبترا الجديده Baojun 630 مبنيه على ال Buick Excelle اللى هي دى

别克凯越报价-别克官方网站

الإكسيل هي النسخه الصينى من الأوبترا الكوى الموجوده في السوق بتاعنا من زمان , ونازله الصن بقالها كذا سنه

وبخلاف الشكل فهى تعتبر كوبى من الأوبترا الكوري في كل شيء بإستثناء الموتور لانها بتنزل في الصين 1500 وفى مصر 1600

فلما عملوا ال 630 خدوا نفس الشاسيه وطولوه شويه وغيروا نظام التعليق الخلفى ل Torsion-Beam بدل ال Dual-Link للتوفير

والله أعلم :)

اما ال Buick Excelle GT دى حماده تانى خالص

دى الأوبل أسترا

الله ينور

هو ده اللي أنا بقول عليه من بدري..


الباوجن 630 أو الأوبترا الجديدة هي عربية المفروض تكون من فئة اقتصادية أرخص من منافسينها... ومبنية على قاعدة عجلات جابت تمنها كذا مرة قبل كده.. يعني مش مكلفاهم حاجة من ناحية التطوير


الموضوع بالنسبالي فعلا عامل زي الشاهين المطورة من الـ131.. أو اللادا 2107 المطورة أساسا من الفيات 124

أنا بتكلم هنا على استخدام قاعدة عجلات لسيارة انتهت من الإنتاج في المصنع الأم واستخدامها لإنتاج سيارة أخرى شبيهة.

وكتير من العربيات الصيني مطورة بنفس الطريقة

طيب حضرتك تعرف إن الاسبيرانزا تيجو مطورة أساسا من تويوتا RAV4 ؟؟ .. بس الموديلات القديمة منها..

مع إن فيه ناس بتقول إن الشيري عاملة copy من التويوتا RAV4.. بس أنا أشك إن الموضوع مجرد سرقة موديل ويستمر معاها في الجيل التاني من التيجو بدون اعتراض من تويوتا.. أكيد فيه تعاون مشترك بشكل أو بآخر.


إنما لو جينا لحتة استخدام قواعد عجلات مشتركة في أكتر من سيارة... فحدث ولا حرج.. بالعكس.. ده أصبح هو الاتجاه السائد حاليا في الشركات المنضوية تحت لواء المجموعات لتوفير نفقات التطوير.

ونذكر هنا على سبيل المثال:

- فولزفاجن جولف - فولزفاجن جيتا - أودي A3 - سيات توليدو - شكودا أوكتافيا
- هيونداي إلنترا - كيا سيراتو - هيونداي i30
- تويوتا كامري - لكزس ES 300 - لكزس RX - تويوتا أفالون - تويوتا فينزا
- أوبل أسترا - شيفروليه كروز - بويك إكسل XT - شيفروليه فولت - أوبل كاسكادا - كاديلاك ELR
- دودج تشارجر - كرايسلر 300M - لانشيا ثيما



...