قعدت افكر مع نفسي كده بخصوص العربيات الزيرو والماركات
لقيت مصايب والعياذ بالله
والاسعار اللي لا تتناسب مع امكانيات العربيه اصلا...(قديمه محنا عارفين)...طيب التوكيلات اللي بتسرق العميل ومبتحترمش نفسها ف خدمات ما بعد البيع ده غير النصب والحاجه ام 10 تبقي ب 1000

لقيت ان الواحد خساره يدفع قرش ف عربيه زيرو...طبعا ده غير العربيات البايظه والمصديه واللي فيها عيب فرامل واللي فيها حدفه شمال او يمين واللي نازله بضعف تمنها.... !!!
واللي واللي....
مع احترامي للملاك انا هذكر حجات من وجة نظري تثبت صحه كلامي...وان فعلا الواحد اتعقد ولازم يفكر 1000 مرة انه يجيب زيروو

النيسان صني....طبعا مفيش حد شكر فيها...لو لقيت صرصار ف الشارع وسألته عليها هيقلك اوعي اوعي اوعي ....وما اكثر مشاكلها في المنتدي من ضعف صاج وثبات وفرامل بالاضافه الي الوكيل

طيب نسيب الصني وننقل علي البيجو 301....ايه ايه...انت بتقول بيجوو...اعوذ بالله...صفقات مش ناجحه بالمره...عربيه تقيله مع التكييف وقطع غيار بنت هرمة وبيقلك الفرامل بتعتها بتهرب وابقي قابلني لو عرفت تحل مشكله بره الوكيل

سيبك من الصني يعم....الفيرنا معروفه....فيرنا ايه بس...دي تقفيل تحت الكوبري وسعرها 95 الف جنيه...هتدفع 95 الف ف عربيه لا يتجاوز سعرها الحقيقي 65 الف جنيه....بلاش قرف

لقيتهاااااا....سيتروين سي اليزيه الجميله....عربيه مش منتشره نهائي...عملت بالو في الاول ودلوقتي ولا ليها اي لازمة...وما ادراك ما السيتروين بقي في الصيانات...سيبك من اسعار قطع الغيار اللي بيضحك بيها الوكيل علي الناس دي ...بالاضافه ان 80% من اللي جابها بيزم في السحب بتعها....

طيب لو قلنا افيو.....100 الف جنيه....اللهم اني صايم

لو قلنا رينو سيمبول....العربيه دي فيها مشكلها ف عليه الدركسيون والتوكيل معترف بكده....والملاك عارفين كدة

تيدا...167 الف جنيه...طب حد جابها...لا...بتشوفها ف الشارع لا...مرتاح نفسيا ليها...لا...طيب

رينو فلونس....بيقلك الزيت بينقص ومشكلتو ملهاش حل...وانت وحظك بقي...ياما تطلع كويسه يااما تغير الموتور ف الوكيل وابقي قابلني لو عبروك

لو قلنا اميجراند....بيقلك مصديه ولازم تكشف عليها الاول....يعني انا اكشف علي العربيه وانا شاريها زيرو...طب ازاااااي...لا يعم شكرا

لايتهااااااا....سيفيك...السي يك وما ادراك ما السيفيك....اكيد الهوندا رائعه...طب العربيه مش منتشره ليه...مبشوفهاش في الشارع ليه....فيها ايه دي الناس مش بتجيبها عشانو...دي واصله 190...ليه ان شاء الله....لا يام مش عايز


النترا.....بيقلك الالنترا نازله 900 كاتيجوري....مش مهم..انا هاختار حاجه معقوله...يعم معقولة ايه بس...في حد يجيب حاجه من غبور اساسا...انت مبتشوفش فضايح غبور..وناس كتير بتعيب ف ثباتها ...تدفع 150 الف ف حاجه مش مضمونه...ده حتي بيقلك السيراتو احسن

طيب ما تبص علي الفولكس فاجن....dsg dsg dsg dsg شكرااااا

لو جيت بصيت علي الفيات....حاجه تضحك...موديلات كويسه..بدون توكيل...وملاكها بيضحكوا علي نفسهم وبيصبروا نفسهم بكلام ان الخير قادم وفيات هترجع زي الاول ..حاجه تحزن

يعني انا مش عارف...الواحد كمان يدفع دم قلبه ف عربيه زيرو ويشيل هم تصليع ومعاناه مع التوكيلات...عيوب السيارات دي مش مجرد كلام...دي حقيقه بالفعل...يعني محدش يقلي انت كلامك كله من خلال اشاعات.والقيل والقال ..لازم تجرب بنفسك....اجرب بالالوف مؤلفه ازاي :) ..هو انا تاجر مخدرات
وسلملي بقي علي حمايه المستهلك..فعلاانا مش متشائم...انا بقول حقيقه احنا فيها

والموضوع مش مقتصر علي العربيات بس..قيس علي كده حجااات كتيير اوي...هي دي مصر