الرجاء المساعدة من الأخوة الأفاضل

**sheblwbs** · 13-07-2014 02:49 PM

السلام عليكم و رحمة الله

كل سنة و إنتوا طيبين

الصراحة انا محتاج مساعدتكم .. كنت في توكيل منصور في العامرية بالإسكندرية أمبارح عشان معايا أوبل كورسا ٢٠٠٥ لسه شاريها عاملة ١٢٠٠٠٠ ك .. المهم قلت اعمل صيانة دورية الصراحة سودولي الدنيا ..

قالوا لي السكترا بتسرب زيت و لازم تتغير و الجديدة ب ٥٢٠٠ و قالولي المساعدين الإمامين بيجيبوا زيت و لا زم يتبدلوا و بالمرة المساعدين االي ورأ و عملوا مقايسة طلع الموضوع حيتكلف ١٠٠٠٠ (ليه يا عم هو إحنا كفرة)

انا سمعت عن أبو الحمد أوبل اللي عند المطار و علي الحاوي بتاع القباري مين منهم ممكن يدوس في موضوع السكترا و المساعدين ؟؟؟ اعتقد الحاوي ؟!!! و لو حد عنده عنوان الحاوي بالتفصيل يا ريت يفيدني

الرجاء المساعدة و جزاكم الله كل خير ..

**sheblwbs** · 13-07-2014 09:28 PM

الصيام مأثر يا جماعة و لا إيه .. مفيش ردود خالص

**احمد فهمى** · 13-07-2014 09:49 PM

اخي الفاضل اهلآ بك لا تقلق وانسى منصور
اوﻵ الاسكترا بتتصلح فى حدود ال 400 جنيه واستيراد فى حدود ال900 جنيه والمساعدين جديد ممكن يوصلو 1500 جنيه فى واحد عندك فى شارع ناصر الدين اسمو خالد عندو استيراد وفى ناس تانيه سمعت عنهم عندك بس معرفهمش بصراحه المساعدين انصحك اشتري جديد من بره التوكيل والاسكترا صلحها افضل بس معرفش مين عندك بيصلحم لو فى القاهره كنت افدتك ولا تقلق الموضوع بسيط جدآ

**احمد فهمى** · 14-07-2014 01:29 PM

بيبقى واحد مخصوص لها بيكون عندو مخرطه وقطع غيار خاصه بالاسكاترات لو تعرف عفشجى ممكن يدلك على حد فى واحد فى القاهره لو بتنزل بتاخد 4 ساعات وهو اللى بيفك ويركب بس اكيد فى ناس عندك