الموضوع: حل مشكلة جلب المقصات وتم ضبط الزوايا-ابيزا 94

السلام عليكم ورحمة الله وبركاته

ازيكم يا ابيزاوية

كنت عملت موضوع سابقاً خاص بشغل عفشه على الرابط ده http://www.nilemotors.net/Nile/418542-94.html

وكان فيه تغيير جلب المقصات وجبتها من عند الشيخ علاء فى فيصل ب 110ج بالجلبتين الصاج بتوعها ..وبتوع الزوايا اجمعوا انها مضروبة وفعلا كانت بتعوم العربية ... .

قبل رمضان قررت انى اروح لعفشجى عندنا فى الشيخ زايد وسألته عن الجلب فطلع لى جلب بيبيعها هو بتكلفة 75 جنيه الجوز

وطلعت الجلب القديمة مقطعه مع انها مقعدتش اكتر من شهرين تقريباً، وتم تركيب الجلب الجديدة وتم ظبط الزوايا عن أولاد جرجس فى المنيل والراجل ده تمااااااام فى ضبط الزوايا، وقالى ان الجلب طرية ومضروبة بردوا ولكنها سليمة وشغالة.

واتضح لى الآتى وهشرح من خلال الصور القادمة : -



الجلب خارجه متقطعه ومتبهدلة تماما وده نتيجة لردائة الصنع.




الخرم اللى فى النص واللى بينزل فى مسمار المقص، وااااااسع جدا على المسمار وبالتالى بتاع قطع الغيار ادانى جلبتين صاج مع الجلبتين بتوع المقص وده يكون بمثابة حشو للفتحه دى علشان الجلبة متلوئيش، واللى حصل ان الجلبتين كانو بيلئوو يمين وشمال وفوق وتحت، عشان كده بتاع العفشه الجديد جابلى جلب الفتحة بتاعتها تعشق فى المسمار ومتحتاجش لجلب صاج وتبقى ماسكة وثابته تماماً .


والحقيقة انا مصورتش الجلب التانية ولكنها كلفت 75ج والتركيب كذلك بإجمالى 150 جنيه .. .