الموضوع: خبر يفرح لكل مستخدمى السيارات

المشاركة الأصلية كتبت بواسطة M_HaFeZ

طيب يابشمهندس سبعاوى
هل هناك امكانيه لصنع محرك يعمل بالطاقه البديله جزئيا ؟؟
بنزين + هيدروجين من الماء ؟

ممكن طبعا، بل ممكن تعمل محرك يشتغل بهيدروجين صرف والمحرك ده موجود فعلا واكتر من شركة عملته ، لكن ايه الميزة انى اعمل المحرك ده، مهو علشان افك الهيدروجين مكن المية الهيدروجين ده مش هيتفك منه لنفسه كدة، لازم كمية رهيبة من الطاقة الكهربية لفك الهيدروجين ده، ولما اجى استعمل الهيدروجين ده لتشغيل محرك مش هستفيد غير بما لا يزيد عن 30% من الطاقة اللى انا استعملتها لفك الهيدروجين من المية والباقى هيضيع فى شكل حرارة وده لأان محرك الاحتراق الداخلى ايا كان الوقود المستخدم فيه لا تزيد كفائته عن 30% كما ذكر اخونا فادى ، وده طبقا لتطبيقات القانون الثانى للديناميكا الحرارية على آلات الاحتراق الداخلى

طب ما بدل ما انا جبت طاقة كهربية وفكيت بيها الهيدروجين من المية وبعدين استخدمت الهيدروجين كوقود ومخدتش من الطاقة دى غيراقل من 30%، كب ما انا استخدم الطاقة دى مباشرة لتسيير سيارة واستفيد بحوالى 90% منها، مش يبقى احسن؟

اما لو جه حد وقال انه يقدر يفك الهيدروجين من المية بدون طاقة فدة مالوش غير مكان من اتنين، السجن او مستشفى الأمراض العقلية ، السجن باعتباره نصاب ومستشفى الأمراض العقلية باعتباره مجنون، لأنه ببساطة جاى يهدم العلم اللى اتبنى من ايام فيثاغورث وارشميدس لحد ايام اينشتاين وزويل ، وهو علم لا يمكن نقول انه خطأ لأن كل التطبيقات القائمة عليه تثبت انه صحيح،

وعلى فكرة الحكاية دى انا كنت شرحتها باسهاب فى احد المواضيع السابقة اللى انا حاطط روابطها فى الرسالة اللى فوق، لو فتحت الروابط دى هتلاقى تفاصيل اكتر

المشاركة الأصلية كتبت بواسطة M_HaFeZ

اعتقد ان الافضل ليس تحويل الماء فى السياره نفسها الى هيدروجين او فك الماء ... الافضل هو استخدام خزانات من الهيدروجين نفسه جاهز

مهو الفكرة ان الهيدروجين لا يوجد بصورة منفصلة فى الطبيعة، السبيل الوحيد للحصول عليه هو فصله امن احد مركباته واسهلها الماء، وده يستلزم بذل قدر كبير جدا من الطاقة على اى مركب هنفصل منه الهيدروجين، يعنى مثلا نتخيل انى هعمل مصنع لانتاج الهيدروجين من الماء، المصنع ده علشان ينتج كمية هيدروجين تكفى لتشغيل 20 ألف سيارة قدرة كل منها 100 حصان هنحتاج اننا نوصله على محطة كهرباء السد العالى مباشرة ونوجه كل طاقتها للمصنع ده(أجريت عدة حسابات للوصول لهذة النتيجة يمكن ان ارسلها لمن يهتم)، فى حين ان لو قدرنا نعمل سيارات كهربائية تعمل ببطاريات يتم شحنها من مصدر كهربى فان الطاقة المنتجة من محطة السد العالى ستكفى لتشغيل 60 ألف سيارة لأن فواقد محرك الاحتراق الداخلى وفواقد مصنع الهيدروجين غير محسوبة هنا

اما بالنسبة لحلقة الدكتور مصطفى محمود- شفاه الله وعافاه- فانا كمان شفتها وفاكرها كما انى شفت محرك الهديروجين بعينى فى فرنسا من انتاج شركة بيجو، لكن سبب عدم انتشاره برغم ان بقاله سنوات عديدة جدا من ايام حلقة مصطفى محمود فى التمانينات هو انه (غير اقتصادى) وهو ده محور كلامنا كله، ان التشغيل بالهيدروجين-الذى يرى فيه غير المتخصصين حلما بتوفير طاقة مجانية- لم يطبق علميا بسبب انه(غييييييييييييييييييير اقتصادىىىىىىىىىىىىى) ، وبرغم توافر تكنولوجيا تصنيعه لشركات عديدة من شركات السيارات، يعن الموضوع لا سياسة ولا مؤمرات ولا يحزنون، لكن الموضوع مكلللللللللللف جدااااااااااااااااااااااا ا لأن تكلفة الكرهباء اللازمة لاستخراج الهيدروجين من المياه لا تزال مرعبة