انت جبت الخلاصةاقتباس:
ربنا يعوضك عن خسارتك خير ان شاء الله
-------------
العربيات اللي في فئة ال 100000او اقل .. كسر الزيرو فيها لا يوفر اكثر من 8000-10000 جنيه .. مقابل استهلاك للسيارة حوالي 10000كم بالزيادة او النقصان .
رأيي الشخصي ... اللي حيشتري عربية مستعملة ( حتي لو كانت كسر) ..يعصر علي نفسه خمسين ليمونة .. و يحاول يجمع ال 10000 فرق الزيرو .. و يجيب الزيرو افضل .. ولو حيجيب قسط مش حيتعبوه قوي .
انا باقول الكلام ده ليه ؟؟؟.. انا ليا دلوقتي عدة سنوات كنت بأجر فيهم عربيات لما ميكونش معايا عربية ..ركبت فيهم معظم الحديث .. و كنت بركب العربية و هي لسه بالاستيكرات و خارجة من المعرض .. و باركبها تاني بعد شهرين تلاتة .. و شفت التجار بيعملوا فيها ايه .. و شفت ازاي عربية الايجار بتيجي عند 15000 او 20000 كم و بتكون حالتها زي الزفت ( بخلاف الحوادث ) ... ميعديش شهر .. و الاقي نفس العربية بقت زيرو .. متعرفش تفرقها عن الزيرو حتي لو كشفت عليها .. و تمشي معاك كويسه اسبوعين تلاتة .. و بعدين تحصل الفاجعة ..
اضف الي ذلك .. ان الاسواق دلوقتي لا يحكمها شرف و لا قواعد و لا دين و لا ضمير و لا حاكم .. و بالتالي النتائج المرجوة من هذا الشراء ممكن تكون مش ظريفة