الموضوع: شوفتو خيبتى مع اليارس.........برضة الواحد طلع خشيم واضحك عليه

ربنا يعوض عليك و يرزقك خير منها ان شاء الله ..
نصيحة من اخ لو عاوز تشتري مستعمل يا تشتريها من واحد معرفة عارفه و عارف تاريخ العربية معاه .. يا تاخد معاك حد بيفهم فالعربيات اوي زي سمكري او ميكانيكي مثلا

المشاركة الأصلية كتبت بواسطة hossameid

اصدقائى اعضاء المنتدى المحترمين

اكتب تجربتى ده فى هذا المنتدى عشان الناس متغلطش نفس غلطتى

انا مقتنع جدا باليارس وفنظرى احسن عربية,فقررت اشترى واحدة,وخوفا من البنوك والاقساط والفوايد فكرت ادوور على كسرزيرو اوتوماتيك.

خلاص العملية كبرت فدماغى وبعت العربية اللى كانت معاية و ابتديت ادوور فى الجرائد و عالنت وكنا فرمضان اللى فات,بعد بحث حوالى شهر عثرت على يارس كاملة اوتوماتيك 2007 عاملة 20000 كم ومطلوب 83.

وبسلامة نية واحنا فشهر مفترج واللى بشترى منه دكتور بشرى والمفروض انو محترم سئلتة العربية فيها ايــــــــــة؟؟؟
اللى مفهاش حاجة كولو تمام وكلنى فكلمتين, المهم من هنا لهنا صدقت الراجل واشتريت بس وانا بشترى كان فى حاجه بتئولى ان فى شيئ مش مظبوط!!!!!

ذهبت تانى يوم للتوكيل لعمل صيانة ال20000 وهنا كانت المصيبة,وانا بستلم العربية من التوكيل المهندس اللى العربية شاكلها عامله حدسة جامدة,لكم ان تتخيلوا انا كنت عامل ازاى وهوا بيقولى الكلام ده.

وبعد التفحيص اكتشفت الكوارث اللاتية:-
1- الايرباج مفتوحين قبل كدا بس النصاب الحرامى مغير الكبسولتين وجايب ايرباج جديدة و لاحم التابلوة مكان الفتح.
2- الجزء الفبر اللى فوق المحرك به ثقبان مما يوحى ان كان فية خبطة جامدة من الامام لدرجة انها وصلت اللى المحرك.
3- المقص اليمين ضايــــــــــــــع.
4- العربية رشة الجانبين والكابوت والاكصدامات الامامى والخلفى.

يعنى ببسطة العربية كانت معجونة

طبعا انا بئيت ارفان من العربية وكان هاين عليا وانا سايقها انى اخوش بيها فحيطة واخلص منها وقررت ابيعها حتى لو حخسر فيها, ولقد بعتها بعد 5 ايام من الشراء وخسرت فيها كتيــــــــــر فحت.

ماحدش بيتعلم ببلاش, وانصح كل من مقبل على شراء عربية بالاتى:-
1- اياك وكسر الزيرو حتى لو كشفت فالتوكيل,بعض السيارات المخيشة بتبقى معروفة فالتوكيل وممكن اللى بيبعلك يلبسك,غير انك تروح مركز صيانة غير اللى بيروحه.
2- لا تثق فى البايع,روووح لسمكرى تعرفه وبعدين روح اكشف فمركز الصيانة.
3- عيـــش على اد فلوسك وهات زيرو حتا لو كانت كورى,الزيرو زيرو بردك.

اتمنى انكم تستفادو من خيبتى التقبلة للغاية وحسبى االه ونعم الوكيل فبن !@#$!@# ده.

المهم إن حضرتك تكون قلت الكلام ده للبعتله السيارة!