ربنا يعوضك خير
جزاك الله خيراً على النصيحة
وكان لي موقف مشابه وربنا ستر وحكيته في الرابط التالي:
http://www.nilemotors.net/Nile/showthread.php?t=6723
ربنا يعوضك خير
جزاك الله خيراً على النصيحة
وكان لي موقف مشابه وربنا ستر وحكيته في الرابط التالي:
http://www.nilemotors.net/Nile/showthread.php?t=6723
استاذ حسام ربنا يعوض عليك خير ان شاء الله ومعلش ماتزعلش نفسك الفلوس بتروح وبتيجى
بس ده راجل معدوم الاخلاق والضمير انا لما بيعت البيكانتو بقيت مصرة ان اللى اشتراها يروح التوكيل وفعلا حصل وماكانش فيها الهوا الحمد لله وانا بيعاها بعد سنتين لمجرد التغيير عايزة اقولك انى كنت مترددة فى آخر لحظة لان العربية كانت جميلة فعلا وكل الناس كانت بتقولى خسارة تبيعيها وتخسرى فيها لكن كنت عايزة عربية اكبر وبس
لكن برده حضرتك اتسرعت المفروض تكشف عليها وتتاكد بنفسك مش كفاية كلام البايع كل واحد بيبقى عايز يحلى بضاعته لكن طبعا مش لدرجة الغش
ان شاء الله يوم الدين حيبوس رجلك عشان تسامحه وانت حر ساعتها بقى اذا كنت تسامحه ولا لأ وربنا يعوضك ان شاء الله
قدرالله و ماشاء فعل ,,الحمدلله انها جت في فلوس (الفلوس بتروح و تيجي)
و في النهاية ده رزق ,,
ايه رأيكو بقى في الي بيشتري زيرو من الوكيل و يلاقي فيها عيب!!!
و انا بشتري الأكسنت من فرع غبور أمام نادي هيليوبلس مصر الجديده
كنت مصر اني استلم الصبح في النور و عامل ناصح عشان اشوف لو فيها اي تجريح في الدهان الخارجي,,
العربيه كانت مردومه تراب مش بس كده و من جوه كمان ,,
المهم نضفوها اي كلام طبعا و بصيت من بره لقيتها سليمه و الحمدلله
من جوه بقى لقيت التابلوه متب قوي فقولت للعامل نضفها كويس و اديتو الشاي بتاعو
الفوطه كانت مبلوله ف جيرة =يعني نضافه مشي حالك بصيت لقيت فوت في التابلوه من جهة السائق الحته اللي فوق العدادات لقييت بقع بيضه صغيره قوي = عادي ماديتش خوانه قولت يمكن و ساخه
و استلمت ,,,,و رخصت بعديها بيومين
جبت ملمع و منظف تابلوه أنظف انها تطلع مافيش و لا الهوا
المفاجئه الكبرى:k49: دي مش بقع و لكن دي بلاستيك الداخلي للتابلوه كذا بقعه من المكوا
لأن الكاسيت و السنتر بيركبو في مصر ف دي بصمة العامل المصري يارجاله
نسي المكوا فوق التابلوه ف عملت شوية بقع من بعيد تبان انها شويه تراب
هيا مش باينه الآ لو ركزت قوي بس بجد مضايق .
اعتقد مينفعش لان لو هوه اشترها بعقد مسجل (العقد فيه اقرار من المسترى انه عاين السياره معاينه نافيه للجهاله وقبلها على حالتها الحاليه )
لو اشترها بتوكيل مش هيعرف يرجع عليه
هوه ممكن يرجع على المشترى مش فى حاله غشه عن حاله العربيه لا لو اخفى عليه ان العربيه عليعا اقساط لان البائع بيقر ان العربيه خاليه من الاقساط فى العقد
كمان لو كان كشف فى التوكيل والتوكيل قاله ان العربيه حلوه وهيه عامله حادئه ممكن يرجع على التوكيل لو اثبت خطأ التوكيل فى التشخيص )
بس اثبات خطأ التوكيل فى الواقع العملى صعب جدا
بس ياباشا معاينة العربية بتكون من برة من الموتوريعنى صوتة اية كدة يعنى انما الشخص العادى او الحريص زى ما القانون بيوصفة مش هيقدر يعرف هى عاملة حادثة ولا لا
السادة الزملاء
اولا : كتابة بند بمعاينة السيارة المعاينة النافية للجهالة لا يعفي البائع من المسئولية في حالة وجود عيوب خفية بالسيارة تؤدى الي الغش والتدليس علي المشترى وتعتبر قانونا عيبا من عيوب الارادة يؤدى الي بطلان البيع والتزام البائع بالتعويض
ثانيا : من حق المشترى رفع دعوى غبن فاحش علي البائع في حالة شراء سيارة واكتشاف ان ثمنها بالسوق اقل من ثمن الشراء بقيمة كبيرة وفي هذه الحالة يلتزم البائع بسداد الفرق وذلك بعد تقدير قيمة السيارة السوقية بمعرفة خبراء وزارة العدل
وكان من الممكن ان يطالب الاستاذ / حسام بالتعويض لولا انه باع السيارة فلن يتمكن من عرض السيارة علي خبراء وزارة العدل في حالة رفع دعوى التعويض
وعموما يجب دائما ان يحتفظ المشترى بعقد بيع موضح به حالة السيارة عند الشراء وقيمة الثمن الحقيقي لان الثمن المكتوب بالعقد المسجل بيكون دائما اقل من خمسة الاف جنيه بالنسبة لاي سيارة وبالتالي لايصلح هذا الثمن لاقامه اى دعاوى بالمطالبة بالتعويض
اقرار المشترى بانه عاين السياره معاينه نافيه للجهاله وقبلها بحالها التى هى عليها
العلاقه هنا علاقه عقديه (العقد شريعه المتعاقدين )لا يجوز نقصه ولا تعديله الا باتفاق الطريفين
وقبول المشترى السياره بالحاله الى هى عليها هوه اقرار منه بحالها وقت التسليم
بمعنى انه عالم بحاله السياره (سواء عامله حادثه -متورها مفوت )
وكل مشترى يسعى بواسئله الخاصه فى التعرف على حاله المبيع وصفاته ويستعين باهل الخبره (الى هم زى الميكانيكى -التوكيل )
معنى ذلك ان المشترى كان عليه ان يسعى فى التعرف على حاله السياره بالاستعانه باهل الخبره زى الميكانيكى والتوكيل والتعرف على حاله السياره
حضرتك بتقول فى غش ممكن اعرف الغش هنا متمثل فى ايه ايه بالضبط ؟
بالانسبه للغبن الفاحش ازاى المشترى هيثبت الثمن الحيقيقى للسياره هوه كاتب فى العقد ثمن زهيد لتقليل رسوم التسجيل
غير ان موضوع الغبن الفاحش تابع لموضوع الاستغلال وهو احد عيوب الاراده
فلابد ان يثبت الشخص الواقع عليه الاسغلال او من ينوب عنه ان البائع استغل فى المشترى طيش بين او هوى جامح