الموضوع: شوفتو خيبتى مع اليارس.........برضة الواحد طلع خشيم واضحك عليه

ربنا يعوض عليك يا أخى....والله فعلا حاجه صعبه ان الواحد يتعمل فيه موقف زى كده

وفعلا الواحد لازم يأخد باله من اى حاجه (حرص ولا تخون)

مش عارف اقولك ايه الحقيقه
بس ربنا يخلف عليه باحسن منها ويعوضك عنها
للاسف سوق الكسر زيرو اد ما هو مغرى فى سعره فى بعض الاحيان الا عامل زى البطيخه
يعنى ممكن حظك يكون كويس وتقع فى عربيه كويسه وتعد طول عمرك بخلف باعربيات الكسر الزيرو وممكن العكس
بس انت كنت المفروض تكشف عليها فى التوكيل على الاقل لو طلعت كويسه تعرف ايه الى محتاج يتغير فيها الفره الجايه
يلا الحمد لله على كل حال ربنا يعوضك
صحيح هوه انت بعتها بكام على الحاله ده

المشاركة الأصلية كتبت بواسطة دموع الثلج

رابعا بتسيب حقك ليه كنت بكذا طريقه رحت للدكتور وخدت فلوسك ورجعت له العربيه
ولا عندك الشرطه وتمرمطه

الشرطه مش هتعمل له حاجه الا اذا كان عارف حد فى الشرطه و ناوى يخدمه
الموضوع ده حصل مع واحد زميلنا فى الشغل اتدبس فى فيكترا متغير ليها نص كامل و حقه رجعله خدمات شرطه بس سابله 2000 جنيه الشرط الجزائى
مش الشرطه برضه فى خدمة الشعب!:biggrinjester:
القانون لا يحمى المغفلين
بس هنزعل جدا لو كنت عملت زيه وانت بتبيعها

المشاركة الأصلية كتبت بواسطة دموع الثلج

قدر الله وما شاء فعل

حضرتك غلطاااااااااااااااااااااا ااااااااااااااااااااااااا اااان

اولا هى 20 الف كيلو كده تبقى كسر زيرووووووو وموديل 2007 وكمان سعرها غالى موت
ده انا عربيتى 5000 كيلو وموديل 2008 ومفيهاش اى حاجه استخدام 5 شهور وناس بتقولى 90 الف

ثانيا فيه حد بيشترى كسر زيرو وى مستعمل من غير ما ياخذ العربيه وصاحبها على ورشه فحص ويعمل فحص للعربيه ويطمن لكل شى

ثالثا حضرتك بعت العربيه على اساس انها مفيهاش حاجه ولا على اساس انها عامله حادثه قبل كده يعنى المشترى الاخير يعلم بحقيقه السياره ؟

رابعا بتسيب حقك ليه كنت بكذا طريقه رحت للدكتور وخدت فلوسك ورجعت له العربيه
ولا عندك الشرطه وتمرمطه

اهم شى ان ربنا مش هيبارك للدكتور ده فى شى وهيخلص منه ثمن النصبه بتاعته
ربنا عليه خلاص الحق ولا تتضايق وتزعل نفسك دى اراده الله

البوليس مالوش دعوة، المفروض أن المشترى يفحص السيارة فحصا نافيا للجهالة، و لذلك لا يوجد طريق قانونى للرجوع على المالك الأول.

لا حول ولا قوة الا بالله
من غشنا فليس منا