بالمناسبه!!! هو الواحد المفروض مرتبه يبقى كام عشان يتجوز؟؟؟؟؟؟؟؟؟؟؟؟؟؟؟؟؟؟

**fady.bekatcho** · 18-10-2008 07:44 PM

انا فعلا كان واحد صحبى مرتبة 250 جنية برضوا

والشقة ايجار وعايش

كان ماسك سيبر واحد صحبنا

هتقولولى ازاى ما اعرفش بس طبعا الدنيا ملخبطة معاة شوية

هو حاليا شغال ب 400 وعايش برضوا

**WalidAdel** · 18-10-2008 07:46 PM

المشاركة الأصلية كتبت بواسطة fadymelad

انا فعلا كان واحد صحبى مرتبة 250 جنية برضوا

والشقة ايجار وعايش

كان ماسك سيبر واحد صحبنا

هتقولولى ازاى ما اعرفش بس طبعا الدنيا ملخبطة معاة شوية

هو حاليا شغال ب 400 وعايش برضوا

ربك مابينساش حد و مفيش حد بيموت من الجوع

**fady.bekatcho** · 18-10-2008 07:49 PM

هو الصراحة فى القاهرة اقل من 2000 او 3000 ما ينفعش

انا بقعد فى القاهرة وقت الدراسة فى شقة طلبة كمان فى المعادى

بدفع فيها 200 جنية فى الشهر

ومصاريفى حوالى 1000 جنية فى الشهر لوحدى
غير اخويا برضوا التوائم معايا

بس الحق يتقال نص الشهر بيبقى اكل بيتى ونص الشهر جاهز من برة

بس فى بنى سويف مش بنصرف كدة خالص

اقل من كدة بكتير اوى

**ams** · 18-10-2008 08:00 PM

المشاركة الأصلية كتبت بواسطة aif

لو حسبتوها بالشكل ده مش ح تتجوزو .....

اللي بيقارن مستوي المعيشة بمستوي معيشة الاهل من الطرفين .... يبقى غلطان ....
لو عاوز المقارنة تبقي عادلة ... قارن بمستوي معيشة الاهل في اول حياتهم ....اكيد برضه كانو علي قدهم .... ومع الوقت مستواهم اتحسن ...
....................
يا شباب خلي عنكم امل وطموح .....الطريق قد يكون صعب في الاول ....لكن مش مستحيل ...... والشباب لازم يكافح .....حتى عشان يبقى الحياة لها طعم ....لما الحاجة بتيجي بالكفاح بيبقي لها مذاق آخر
ولما الزوجين بيبقو متفاهمين وبيحبو بعض وعندهم اصرار وعزيمة كل شيء بيهون ....
انا اعرف ناس الزوجة بتعمل اشغال يدوية ( ايشاربات مطرزة و ابتكارات جميلة في المجال ده ) وفعلا بتقدر تساهم في تكاليف الحياة وهي في بيتها معززة مكرمة
واعرف شباب بيشتغلوا بعيد عن مجالهم تماما عشان يزودو دخلهم ....
مثلا واحد بيشتغل خطاط .... بيعمل لوحات للتلاميذ ( وسائل ايضاح ) لمجرد ان خطه حلو واستطاع انه ينمي الموهبة دي ويوظفها لزيادة دخله
اللي بيسعى ..... اكيد بيلاقي .... ربنا ما بينساش حد
لكن لو قعدت محبط ومعتقد ان مفيش فايدة ..... ومش بتحاول ومش بتسعى .... يبقى الغلط منك انت مش من الظروف

كلامك حلو :k18:

**xylola** · 18-10-2008 08:52 PM

المشاركة الأصلية كتبت بواسطة aif

زي ما الزملاء قالو 2000 رقم معتدل
لكن الغريب في بلدنا العزيزة
اللي دخله 100 الف جنية بيعيش
اللي دخله 10 آلاف جنية بيعيش
اللي دخله 5 آلاف جنية بيعيش
واللي دخله 500 جنية بيعيش

.........
إزااااااي ........ معرفش
فيه مثل عامي بسيط بيقول ....
ربنا بيبعت البرد ..... على قد الغطا
...
اللي بينوي انه يتجوز عشان يعف نفسه ويكمل دينه ويبني اسرة صالحة .... والله ... والله ... والله... ربنا بييسر له امره وبيرزقه من حيث لا يحتسب

صحححححححححححححححححححححححح حححححححححححححححححححححح

**human** · 18-10-2008 09:42 PM

المشاركة الأصلية كتبت بواسطة walidadel

+1
كلامك صح اوي و هو دا اللي انا قصدي عليه

العضو Human
شكلك تعبان اوي في الحياه الزوجيه و مذاكر الاسعار كويس ولا ايه الموضوع ؟

لا والله ولا تعبان ولا حاجه بس بقالنا كتير فى القصص ديه فحافظ عشان حاولنا نتغط المصاريف كذا مره وبتبقى موش نفعه :)

**dr_abooody** · 18-10-2008 10:22 PM

من 5 الى 7 الاف عشان تعرف تعيش عيشة متواضعة

**shanodaa** · 19-10-2008 01:00 AM

البيوت اسرار
يعني عايز تفهمني ان متوسط الاجور هو 2000 جنيه وكمان يكون عند الانسان شقه تمليك وعربيه خالصه اقساط ومافيش اقساط اجهزه منزليه
لا طبعا
من خلال الاحتكاك بالناس لاني تاجر والان عندي مركز صيانه اجهزه الكترونيه
مثلا في العاشر من رمضان
المرتبات تبدا 300 جنيه والاقصي بنسبه للعامل العادي 700
العمل القديم الفني المخضرم 1500 جنيه
مهندسين ومحاسبين بدايه 800
اقصي للعادي 2000
طبعا في ناس بتاخد اضعاف
يعني هنا الايجار في العاشر من رمضان 300 جنيه
والناس عايشه ومستوره وبتلبس وستر ربنا حافظهم
البيوت اسرار

**medo_2060** · 19-10-2008 01:57 AM

انا لو خلصت الكليه وقبضت 2000 او 3000 زى ما بتقولوا عارفين هاعمل ايه؟ هاروح اشترى طقم جنوط للعربيه اذا كان عندى عربيه:k48:هههههههههههههههه
بس بجد أراء الناس هنا مفيده وصح وعايز اوضح ان العيشه في المدن غير الريف والمدن الكبيره غير الصغيره كله له مصاريفه وبتفرق كتير وفعلا عارف ناس راتبها 350 جنيه وبتيجي من بلاد بعيده وتقريبا الراتب كله خلصان في المواصلات بس بيشتغل تانى وتالت غير مساعده الناس ليه والاهم التوفيق من الله وفعلا ربنا هيوفق اى حد مقبل على الزواج باخلاص وبهدف تكوين اسره صالحه بأذن الله مهما كان راتبه

-

الموضوع: بالمناسبه!!! هو الواحد المفروض مرتبه يبقى كام عشان يتجوز؟؟؟؟؟؟؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

المواضيع المتشابهه

هو المفروض مؤشر الحرارة يبقى فين بالظبط فى الفيليشيا

هو الواحد مننا يعرف أزاى أن الأنسانة دى بيحبها وأنة المفروض يتجوزها؟!

الواحد يبقى شهم و طيب ولا يتقتل و لا يتسرق مش عارف ! حتعملوا ايه في الموقف ده ؟

يعنى لازم الواحد يبقى قليل الادب وبلطجى !!

ايه اللى الواحد المفروض يعمله بعد مايقتح الايرباج

الكلمات الدلالية لهذا الموضوع

المفضلات

المفضلات

ضوابط المشاركة