الموضوع: هشترى انفى ممكن نصيحه

المشاركة الأصلية كتبت بواسطة cobrahi

اخى العزيز بصدق و بدون اي تحيز اشتريها و انت مغمض .. اكيد تقفيل صيني مش مصرى
التقفيل الصيني و المصري محترمين جدا جدا جدا دون ادني شك افضل من تقفيل سيارات كتير من نفس الفئه السعريه
ارفع و شيك ع كل شئ بالسيارة ان طلعت تمام شاسيه و موتور و كل حاجه ع الشعرة يبئا توكل ع الله و استخير ربنا و مش هتندم ابدا و انا قد كلامي
بالتوفيق ان شاء الله

ان شاء الله حرفعها في التوكيل في ابو رواش قبل الشراء
لكن كنت عايز اعرف هل في حاجات شائعة عن السيارة دي بالذات واجب الحذر منها اثناء الفحص
وشكراً جزيلاً لك

بفضل الله قمت بشراء السيارة
والسيارة فعلاً مستوردة وليست تجميع محلي
والسيارة بالفعل حالتها ممتازة ما شاء الله
لكني اكتشفت قبل الشراء ان الكهرباء خارج الضمان لأن مالك السيارة قم بتركيب جهاز انذار بره التوكيل
كما اكتشفت انه كان يقوم بأداء الصيانة خارج التوكيل ما عدا صيانة ال 10000 كيلو عملها في التوكيل
المهم تناقشت معهم في التوكيل فتفهموا وسجلوا لي انذار بان السيارة ستخرج من الضمان لو لم اقم بأداء الصيانة في مواعيدها وفي المراكز المعتمدة
وقمت بعمل صيانة العشرين الف كيلو وكلفتني تقريباً 871 ج بالمصنعيات
تم تغيير الزيت و فلتر زيت وفلتر هواء ( على الرغم من ان حالته سليمة تماماً ) وفلتر بنزين بالإضافة الى تغيير البوجيهات تفاصيلها كالتالي :
- المصنعيات 235 ج + 23.5 ج ض
- زيت موبيل 1 ( 4 ) لتر 280 ج + لتر اضافي 77 ج ( لأن السيارة تأخذ 5 لتر بالفلتر )
- فلتر زيت 24.48 ج
- فلتر هواء 62 ج
- فلتر بنزين 32.61 ج
- 4 بوجيهات 80.16 ج
- ض. مبيعات 55.61 ج
وطبعاً قاموا بإعطائي كافة القطع التي تم تغييرها في كيس بلاستيك و جدته داخل السيارة ما عدا فلتر الزيت طبعاً
وكان عندي مشكلة ان لمبة ال abs ساعات تنور وساعات تطفي ( بمزاجها يعني )
المهم عمل فحص بالكمبيوتر وجد ام حساس ال abs في العجلة الأمامي يمين بيهيس
المهم قاموا بمسح ال Error وافادوني انه ان ظهر ثانية سيقومون بتغيير حساس العجلة اليمنى
المهم المشكلة دي ظهرت تاني وانا مروح في نفس اليوم وقمت بحجز ميعاد غداً في التوكيل
وان شاء الله اوافيكم بالمستجدات

المشاركة الأصلية كتبت بواسطة hugan

10000مبروك
ربنا يعطيك خيرها ويكفيك شرها

الله يبارك فيك يا فندم