هو بيجو 301 لازم بنزين 95!!!!!!!!!!!!

**abohend** · 17-07-2014 04:26 PM

التانك مكتوب عليه إن العربية المفروض تاخد بنزين 95

أنا عارف إن موقع بيجو مصر كاتب 87 بس ده مجرد كلام

يعني حماية المستهلك كده في صفه لو حصل حاجة بسبب إستخدام بنزين 92 لأن الضمان مكتوب فيه الضمان لا يسري في حالة إستخدام بنزين بخلاف الموصى به

و كلمتين من المندوب أو كلمة على موقع بيجو مش دليل في حماية المستهلك

و في النهاية هيقولك التانك مكتوب عليه 95 ملتزمتش ليه و حافظت على عربيتك

و بعدين لو هي فعلا بتاخد 87 ليه psa كاتبين على التانك 95؟؟؟؟

و أكيد ال87 بتاع مصر مش نضيف أوي لدرجة إنه يكافئ 95 في أوروبا بل بالعكس

ده ال92 بتاع مصر لا يتعدى 89 بأي حال من الأحوال (معلومة مؤكدة من داخل شركات التكرير المصرية)

اللي فتح الموضوع و أنا بغسل العربية كان في واحد قعد يدردش معايا و قالي إنه معاه 307 و دوخته زمن في التوكيل بسبب موضوع البنزين و في الآخر كان رد بيجو فرنسا إن العربية عايزه بنزين 95 و أقل من كده هيأثر على عمر الموتور إن عاجلا أو آجلا
و لو محستش بتنتيشة دلوقت هتحس قدام

و في النهاية و بعد خناقات و شد و جذب تم تمديد ضمان عربيته لمدة خمس سنين و هو مقضيها بنزين 92 و أوكتان بوستر

رايكم ايه في الموضوع ده؟؟؟
أنا خايف بعد كام سنة (و إنتهاء الضمان طبعا) نلاقي المواتير شحرت و فتحت بقها

**mohamed hussei** · 17-07-2014 04:29 PM

فعلا لسا شايف كلام علي جروب بيجو كان استاذ عمرو سقا قال هي عاوزة بنزين 90 في المية و10 في المية وقود حيوي او بنزين 95

**amintaha** · 17-07-2014 05:01 PM

السلام عليكم
انا كنت من فتره اتكلمت فى الموضوع ده فى موضوع كان كاتبه احد اﻻعضاء على النتشه و كنت قلت و انا بتفرج على العربيه فى المعارض و فتحت التنك لقيت مكتوب عليه 95 او 98 و قلت هل ده ال عامل المشكله وﻻ ﻻ بس فى احد اﻻعضاء رد عليه و قال ﻻ مش هيسبب مشكله وان فى عربيات ال موتيرها فيها تربوا بتستخدم عادى 92

**fady saher** · 17-07-2014 05:17 PM

يا جماعة الى مكتوب في الكتالوج انها بتستخدم بنزين من 91 الى 98 RON و معنى RON Research Octan number و ده رقم بيستخدموه عند تجربة السيارة على انواع الوقود المختلفة و لمعرفة نوع البنزين الذي يجب استخدامه يجب طرح 4 من رقم ال RON و من هنا التوكيل قال ان السيارة تعمل بوقود 87
اذن لا داعى للقلق لانك لو حطيت 92 تبقى بستخدم بنزين اعلى من المكتوب في الكتالوج الى المصنع موصي به و بكده انت معلكش اي مسئولية و اي حاجة تحصل مسئولية التوكيل.
و ده رابط يشرح الكلام ده
FAQs — Questions, Answers, Octane, Gasoline Basics — Petro-Canada

و اسف على الاطالة

**Ashraf Fawzy** · 17-07-2014 05:21 PM

عشان كده فى أبو رواش نصحونى أستخدم بنزين 95 لو أقدر على تكلفته, بس ده هايبقى صعب قوى, تفويلة التانك 95 بحوالى 312 جنيه (50 ليتر فى 625 قرش)

**J A G U A R** · 17-07-2014 10:43 PM

انا كان معايا لانوس من كام سنه وكان مكتوب على التانك 95 وكنت بحط 80 وكانت شغاله زى الفل

حط 92 ولا يهمك

**abohend** · 17-07-2014 11:22 PM

المشاركة الأصلية كتبت بواسطة fady saher

يا جماعة الى مكتوب في الكتالوج انها بتستخدم بنزين من 91 الى 98 ron و معنى ron research octan number و ده رقم بيستخدموه عند تجربة السيارة على انواع الوقود المختلفة و لمعرفة نوع البنزين الذي يجب استخدامه يجب طرح 4 من رقم ال ron و من هنا التوكيل قال ان السيارة تعمل بوقود 87
اذن لا داعى للقلق لانك لو حطيت 92 تبقى بستخدم بنزين اعلى من المكتوب في الكتالوج الى المصنع موصي به و بكده انت معلكش اي مسئولية و اي حاجة تحصل مسئولية التوكيل.
و ده رابط يشرح الكلام ده
faqs — questions, answers, octane, gasoline basics — petro-canada

و اسف على الاطالة

الله ينور عليك
ريحت قلبي
2.60 كتير
6.25 يبقى ابيع العربية أحسن

متشكر على ردك العلمي , جزاك الله كل خير

**abohend** · 17-07-2014 11:29 PM

المشاركة الأصلية كتبت بواسطة j a g u a r

انا كان معايا لانوس من كام سنه وكان مكتوب على التانك 95 وكنت بحط 80 وكانت شغاله زى الفل

حط 92 ولا يهمك

متشكر جداً
أنا في جميع الأحوال مش قد سعر ال95 و بعدين أنا مش راكب بي إم فهحطلها 95 لكن لو كان الموضوع كده كان ممكن افكر في البيع بدل مشرب الموتور بعد كام سنة

شكرا لمشاركتك

**abohend** · 17-07-2014 11:31 PM

المشاركة الأصلية كتبت بواسطة s o p h o s

اعتقد 92 مش مقلق
وبعدين سعر ال 95 مشكلة اكتر من العربية

كلامك سليم
6.25 للتر يعني 6250 جنيه لكل ألف لتر (على إستخدام 10 آلاف في السنة)
و دي ميزانية لوحدها

الموضوع: هو بيجو 301 لازم بنزين 95!!!!!!!!!!!!

LinkBack

أدوات الموضوع

عرض

هو بيجو 301 لازم بنزين 95!!!!!!!!!!!! - انشر الموضوع فى :

-

الله يفتح عليك -

شكرا -

مضبوط -

المواضيع المتشابهه

السيارة لازم احطلها بنزين في الكربراتير علشان تدور ؟

بيجو 508 و بنزين 92

فلتر بنزين البومة مش لازم يتغير

هل لازم بنزين 95 للعربيه البرافو

بيجو 405 مع بنزين 80

الكلمات الدلالية لهذا الموضوع

المفضلات

المفضلات

ضوابط المشاركة