اقتباس المشاركة الأصلية كتبت بواسطة pharonicking مشاهدة المشاركة
والله حرام عليه التوكيل دة""" ان مش عارف اقول ايه؟ ارجع واقول احنا اللى غلطانين عشان بنشترى عربية مجهولة وجديدة وسايبيبن اليابانى اللى اثبت نفسه واحنا لسة حنبقى حقل تجارب لعربيات جديدة تقفيلها تعبان وملهاش وكيل ولا صاحب ونجرى ورا الناس فى ماليزيا """ يا جماعة فكروا قبل ماتشتروا """ فكروا كويس قوى """"سعر العربيةهنا 3 اضعاف سعرها برة ""يعنى الموضوع مش مستحمل مغامرة""
السلام عليكم

أهلا بيك يا دكتور محمد شاكر في الموضوع
و لو اني كنت أحب أسمع كلام تاني غير اللي أنت كاتبه علشان الكلام ملوش علاقة بالموضوع المفتوح

موضوع عز العرب مش موضوع خاص بعز العرب
لاءة أغلب توكيلات ج ع ع ( مصر ) كدا
و طبعا ملاك السيارة بيحاولوا يتحدوا مع بعض لإيجاد صيغة مشتركة للتعامل مع التوكيل
و ده مش عيب .......................... و شحرتك أدخل و شوف قسم السوباروا ......... و شوف أن فيه برضه ناس بتشتكي من العربيات الياباني المتجربة و بتشتكي من وكيلها المصري
و برضه ماركات تانية و لسنا هنا لعرض مشاكل السيارات الأخرى
و خلينا في موضوعنا ( بكلم نفسي و بأمر نفسي )

بالنسبة لبروتون
مين قالك أنها مجهولة ؟؟؟؟؟؟؟؟؟؟؟؟؟؟؟

بالنسبة لك أنت مجهولة ............. ماشي

بس مش معنى أن حضرتك متعرفهاش ..........بقيت مجهولة للناس الباقية !!!!!!!!! صح

السيارة كما أوضحت لك في مداخلة من قبل موجودة في السوق المصري منذ التسعينيات في شكل السيارة بروتون ويرا
و السيارة مازالت تعمل بكفاءة تامة و أفضل من سيارات كثيرة في السوق
و الناس كلها بتشكر فيها و بتنصح بيها للي عايز يشتري

بالنسبة لنظرية حضرتك
نخلينا في المضمون و نشنري المعروف
أولا هي مش نظرية غلط ........ دي للناس اللي بتحب تريح دماغها و معندهاش روح المغامرة و تجربة الجديد

أما النظرية نفسها

لو كل الناس طبقتها منذ الثمانينات في مصر

كان زمانا لسة بنركب فيات و بيجو و شكرا على كدا

و لا كان حد هايركب ياباني و لا كوري و لا ماليزي
على أساس أن الفيات و البيجو متجربين و الناس حفظاهم و عارفين عنهم كل حاجة
و مع ذلك الكلام ده محصلش
و الياباني أزاح الأوربي من على عرشه في مصر و أصبحمن أشهر السيارات مبيعا في ج ع ع ( مصر ) و يأتي بعد الكوري رقمواحد مبيعا في ج ع ع و متمثل في ماركة هيونداي

و شكرا

-------------------------------------------------


بالنسبة للتوكيل

أنا بفكر يا جماعة من فترة في شئ نعمله علشان نحسن مستوى الخدمة لدى الوكيل على أساس أن أحنا من عملائه و عملاء شركة بروتون الماليزية و يجب عليهم الأثنين الأهتمام بنا و الأهتمام بخدمتنا و خدمة المنتج الذي أشتريناه منهم و صيانته في المستقبل و توفير مكان أفضل للصيانة و توفير قطع الغيار بإستمرار لمن يحتاج إليها في المستقبل


و أنا شايف ان احنا نتحادث مع عز العرب و الشركة الأم مجتمعين
و ليس الشركة الأم فقط

و إن شاء الله
سأقوم بوضع ترجمة منقحة جدا للموضوع و أعتقد أنني سأقوم بترجمة النسخة العربية التي قام بها الأستاذ أحمد الشاعر
فهي أفضل ما تم كتابته لأنها منسقة و تحمل أغلب المشاكل التي يعاني منها مالكوا السيارة

أنتظروني ........... بعد عدة ساعات سأقوم بها
و يا سلام لو تبعتولي

رقم الشاسيه ........... و رقم المحرك و موديل السيارة

اللي عايز يحتفظ ببياناته سريه
مفيش أي مشكلة
سأضع الترجمة مع النسخة العربية
و إذا أردتم الإرسال منفردين .......... مفيش أي مشكلة

و أنا كمان شايف الجماعة بتوع الفاس بوك
و ممكن نعمل معاهم تنسيق لأن ليهم صلات بالتوكيل و قابلوا مسئولين الشرق الأوسط من مصنع بروتون في ماليزيا

أحب أشكر الأستاذ elmadawy جدا على تعبه ( بس خطاب حضرتك عام ) و عايزين نحط النقط على الحروف معاهم
و ألف شكر مرة أخرى يا سيدي الفاضل

و الله الموفق