السلام عليكم
كنت عاوز اعرف الفرق بالتفصيل لو امكن مبين ابيزا 2002 و بيجو 206 و جوليت واوبل و هاتش باك كلهم من ناحيه السرعه القصوي و التسارع و السبات و الامان
و انا معايا من 35000 ل45000 و دي اول عربيه
السلام عليكم
كنت عاوز اعرف الفرق بالتفصيل لو امكن مبين ابيزا 2002 و بيجو 206 و جوليت واوبل و هاتش باك كلهم من ناحيه السرعه القصوي و التسارع و السبات و الامان
و انا معايا من 35000 ل45000 و دي اول عربيه
بالنسبه للجوليت بلاش احسن لانها عربيه سيئه و متتركبش غير زيرو بعد كده بلاش نصيحه هتصرف كتير بدون نتيجه.
الأوبل ممتازه و قطع غيارها غاليه بس موجوده و الثبات ممتاز لحد 140 والأمان فيها عالى و ضيقه من جوه زيها زى الباقي.
الباقى سعر الأتنين قريبين من بعض فالسعر فى حدود الأربعين ألف اكتر شويه او أقل شويه حسب الحاله
الأعتمادية التنين ممتازين بس البيجو أقوى و امتن و بلاستكات البيجو أحسن
الوسع الأتنين ضيقين من حيث الشنطة بس داخليا لة طولك أكتر من 180سم محدش يقعد وراك مستريح و البيجو اوسع من الأبيزا
الأستعمال 90% من الى ركبين الأبيزا مطلعين عين ابوها البيجو هتلاقى فى حاجات حالتها احسن كتير من الأبيزا
الشكل البيجو أحلى و اشيك و احدث فى الشكل بس موضوع الشكل ده فى الأخر على حسب ذوق كل واحد.
قطع الغيار الأبيزا ارخص من البيجو فى حاجات كتير.
اتمنى انى اكون اديتك فكره سريع .
انا كنت بدور اصلا فى ال 206 و الأبيزا و البولو و الفيستا من حوالى سنتين و رسيت على الفيستا لان كان سعرها افضل و قطع الغيار الأرخص فى كل دول فأشتريت الفيستا. بس البيجو مازلت الأعلى بالنسبه ليا فيهم كلهم
في انتظار الاخوه كريم ابيزا و syd و منتظر مقارنه علميه و انهي افضل في اعتماديه و قطع غيار و مميزات و عيوب كل واحده زي اني اسبت و انهي اسرع في التجميع اص دي اول عربيه و مش عاوز اتدبس في حاجه اندم عليها
السلام عليكم انا كنت متوقع اني هلاقي ردود و اراء كتير و مناقشات بنائه
نعتذر عن التأخير فى الرد
بدون تحيز خليك فى الابيزا
المقارنة دى كلنا اتحطينا فيها وفى الاخر رسينا على الابيزا والحمدلله محدش ندم على اختياره وده لأسباب كتير
لو هنتكلم على الوسع الداخلى هنلاقى ان الابيزا اوسع ويجى بعدها الـ 206 وبعدين الجوليت وبعدين الكورسا
لو هنتكلم على شكل الصالون هنلاقى ان الابيزا 2000-2002 تحديدا الطابلوه بتاعها أجمل خصوصا الاضاءة بتاعته ولكن باقى العربيات كلها تقليدية
لو هنتكلم عن جودة الخامات الداخلية هنلاقى ان اقل واحدة فيهم هى الجوليت ولكن باقى العربيات قريبين من بعض لان كلهم اوروبى
بالنسبة للصيانة طبعا اسهل عربية فيهم هى الجوليت ويجى بعدها الابيزا وبعدها الكورسا واخيرا الـ 206
بالنسبة للثبات الابيزا و الـ 206 نفس المستوى تقريبا وبعدهم تيجى الكورسا وبعدين الجوليت
قطع الغيار ارخص فى الجوليت ولكن مش معمرة وبعدين تيجى الابيزا اغلى شوية ولكن تستاهل وكمان متوفرة جدا لأشتراكها مع البولو والجولف فى العفشة والميكانيكا وبعدين تيجى الكورسا اغلى شوية وبعدين الـ 206
الاداء حسب الموتور:
الابيزا نزلت 1000 سى سى 50 حصان ولكن معظم الابيزا حاليا هتلاقيها 1400 وده نزل منه 60 حصان و75 حصان و 101 حصان ولكن المنتشر هو ال60 وال75 حصان والموتورين ادائهم معقول سواء داخل المدينة او فى السفر ومع التكييف
الكورسا بعد 98 بقت بتنزل 3 سلندر 1000 سى سى 50 حصان وطبعا ده موتور موفر جدا فى البنزين وادائه بالنسبة لوزن العربية مش بطال ونزل منها برده 4 سلندر 1200 سى سى
الـ 206 نزلت 1100 سى سى بس بيقولوا عليه 1200 وموتور برده كويس بس البيجو وزنها اتقل
الجوليت 1500 سى سى ولكنها تعتبر اقل عربية فيهم من ناحية الاداء والعزم
اما بالنسبة للشكل دى مسألة ازواق
انا لاحظت من خلال بياناتك انك من اسيوط يبقى لازم قبل ما تقرر هتشترى ايه انك تشوف مدى توافر قطع الغيار فى منطقتك و الميكانيكى اللى هيشتغل فيها لأن الابيزا والكورسا والبيجو مش اى حد بيشتغل فيهم او بيفهم فيهم لكن الجوليت مفيهاش مشكلة
وبالتوفيق ان شاء الله
و معلش ايه الفرق ميين موديل 2000 و 2001 و 2002
و ايهما افضل و كام رنج سعر كل موديل بمتور 1400
ده هيبان من شكل وكود الموتور
مفيش فرق بينهم وغالبا اللى نزل فى مصر موديل 2000 و 2002
والاسعار حسب الحالة وحسب اللى بيبيع لأن الموديل ده مش منتشر زى اللى قبله من 94-98 وبالتالى ممكن اللى بيبيع لو مستعجل هيبيعها بسعر 98 وتكون نضيفة
بس عموما من 35-45 وممكن اقل وممكن اكتر لأن الابيزا عموما ملهاش قاعدة (حسب اللى بيبيع وحسب اللى بيشترى)
جزاك الله خير وكلنا بنتعلم من بعض
دى صورة الـ 1.4 الـ 60 حصان والكود بتاعه AKK او ANW او AUD وعلى فكرة هو نفس شكل الموتور الـ 1.0 اللى بتنزل بيه العربية والكود بتاعه ALD او ANV او AUC مع اختلاف ان الغطاء مكتوب عليه 1.0 بدل 1.4
http://nileup.com/up/uploads/nilemotors_14059887291.jpg
ودى صورته من غير الغطاء
http://nileup.com/up/uploads/nilemotors_14059887292.jpg
ودى صورة الـ 1.4 الـ 75 حصان وده مشهور بإسم 1400 2 كامة والكود بتاعه AUA او APE
http://nileup.com/up/uploads/nilemotors_14059891641.jpg
ودى صورته من غير غطاء
http://nileup.com/up/uploads/nilemotors_14059887294.jpg
ودى صورة الـ 1.4 الـ 101 حصان والكود بتاعه AUB او AFK
هو نفس شكل الموتور الـ 2 كامة ولكن كابلات البوجيهات لونها أحمر
http://nileup.com/up/uploads/nilemotors_14059893041.jpg
وارد جدا تلاقيها موتور 1.0 وده اللى بتنزل بيه فى مصر وكمان ممكن تلاقيها 1.6 او 1.8 او 2.0 ودى من مميزات الابيزا والجولف انك تقدر تسقط فيها مواتير بأحجام مختلفة وبدون تعديل او لعب فى اساسيات العربية
لكن الـ 1.4 الواحد كامة والاتنين كامة هتلاقيهم منتشرين اكتر
انا فعلا مش عارف اشكرك ازاي بس بدعيلك والله
طيب كنت عاوز اسالك سؤال بصراحه هو انهي الافضل ابيزا 97 ل 99 ولا 2000 ل 2002
و معلش هو الابيزا احسن حاجه في فئه العربيات ال ب 40 الف ولا في حاجه احسن بصراحه انا عارف انك في قسم سيات بس بسالك السؤال ده كاني اخوك الصغير لاني شوفت في كونتاكت كار حجات كتير هوندا سفيك و لانوس و فيرنا و كليو و ريو و فيات بموديلات كتير و سكودا و اوبيل و بولو و جولف و في بعض الانواع زي الفيات بيبقي فيها موديلات 2007
لاني مش هيبقي معايا فلوس افضل اصلح و اصرف
و معلش ايه رايك في الكولت
ويسلام لو تقلي نوع و موديل تبقي ريحتني من الحيره الي انا فيها و يسلام لو قلتلي مميزات و عيوب العربيه
و انا شاب و اول عربيه فعاوز حاجه تكون سابته و فيها تسارع و اعتماديه و انا فهمت من حضرتك ان الابيزا بيتسقطلها مواتير كبيره فعلي ما اعتقد كده ان العربيه سابته جدا عشان السرعات العليا
- لو انت معاك 40 يبقى تجيب عربية 35 وتخلى الباقى معاك لأن اى عربية هتجيبها لازم هتعملها طقم سرفيس او صيانة دورية زى تغيير زيوت وفلاتر و سيور وبوجيهات وهتلاقى حاجات تانية طلعتك وانت مكنتش شايفها فيها وهتبان مع المشى
بالنسبالى تانى اختيار يجى بعد الابيزا هى السيفيك جميلة طبعا وثبات وجرى كويس جدا بس 35 دى تجيبلك سيفيك 93 وهتبقى حالتها تعبانة
الكولت تيجى بعد السيفيك بس هى عربية نادرة وصعب تلاقى فيها حالة نضيفة وكمان السعر ده يجيبلك واحد 91
خليك فى ابيزا 2000-2002
السلام عليكم
معلش هتعبك معايا عاوز اعرف الفرقق بين ابيزا 2000 و 2001 و 2002
و قدامي ابيزا 2000 كوبيه كنت عاوز اعرف الفرق بين الكوبيه و العادي غير عدد الابواب
و معلش هو المواتير ال 2000 سي سي و 1800 سي سي تربو الحجات دي بتركب علي العربيه من غير تعديل في القواعد او الحوض و العربيه هتبقي حلوه في السبات علي الباور هورس العالي وقدامي كولت 99 و سيفك 92 و93
و معلش ايه رايك في ابيزا 2006 اتوماتيك انا اسف جدا انا عارف اني تعبتك
الابيزا من 2000 الى 2002 نفس الشىء
الطبيعى بالنسبة للكوبيه فى اى عربية انها بتكون نسخة شبابية وبالتالى بتختلف فى حجم الموتور انه بيكون اكبر وفتحة سقف وجنوط ولكن الموضوع مش قاعدة
يعنى فى بعض الاحيان بيكون الكوبيه زى العادية والفرق فى عدد الابواب
الجيل ده من الابيزا نزل فيه مواتير من 1000 الى 2000 سى سى بدون تعديل القواعد ولكن الاختلاف بيكون فى العفشة والفرامل لأن كل ما تكبر قوة الموتور كل ما تحتاج عفشة اكبر وفرامل اكبر
الكولت والسيفيك من العربيات اللى انا بحبهم خصوصا الموديلات اللى انت قايل عليها
الابيزا 2006 جميلة جدا ولكن قطع غيارها أغلى من الموديلات اللى قبلها ومش متوفرة كتير
الفيصل فى الانواع اللى انت محتار مابينها:
1- احتياجاتك (سيارة شاب ولا سيارة عائلة) وطريقة سواقتك واستخدامك (بتحب تجرى وغرز ولا هادى) (داخل المدينة ولا بتسافر كتير)
2- حالة العربية
3- توافر قطع الغيار والميكانيكية فى محافظتك
الـ 3 عوامل دوول هما اللى هيحددوا انت هتجيب انهى عربية لأن بصراحة كلهم جامدين ولا غبار عليهم
و معلش هو المواتير ال 1400 تربو زي الي في الجولف 6 و الفيات ممكن يركب في الابيزا
عشان تحدد متوسط السعر لازم تعرف ايه الموتور اللى فيها و الكماليات
صالون الابيزا كله واحد لكن الكوبيه بتحسسك انها اوسع من قدام واضيق من ورا بسبب ان باب الكوبيه اكبر وبالتالى القايم بيكون مترحل لورا شوية وده بيخلى مساحة الدخول والخروج اكبر بالنسبة للى قاعد قدام
الابيزا 2000 ليها موتور تربو 1.8 بيركب فيها عادى جدا بس لازم يكون معاه العفشة والفرامل وطبعا الفتيس والضفيرة والكونترول والعدادات والشكمان وطرمبة البنزين
سؤال يا كريم معلش .
ايهما افضل ابيزا ولا كوردوبا 2002
هل الاتنين فعلا واحد فى قطع الغيار
هل الثبات واحد على السرعه
اعرف الكوردوبا متورها اقوى
هل الكوردوبا اوسع ولا زى الابيزا
وياريت لو عندك ملف اسعار لقطع الغيار بتاريخ حديث عشان اعرف تقريبا اسعار قطع غيارها ايه
الابيزا هى الكوردوبا لكن دى هاتش باك والتانية سيدان
قطع الغيار واحد ماعدا طبعا الشنطة والفوانيس الخلفية والموتور
العربيات الهاتش باك معروف انها افضل من ناحية الثبات فى الملفات والغرز
لو هنقارن موتور كوردوبا بالابيزا فابريكة يبقى الكوردوبا موتورها اقوى لكن حاليا صعب انك تلاقى ابيزا لسه بموتور الفبريكة
وبالتالى لو هتقارن يبقى حسب الموتور اللى فى كل عربية
صالون الكوردوبا زى الابيزا من ناحية المساحة لكن الزيادة هى الشنطة
للاسف معنديش ملف بالاسعار
الباب واحد ملهوش سوق فى مصر وبالتالى هو ارخص من الاتنين باب
يعنى مثلا الابيزا 94 من سنتين كانت من 29 الى 31 والباب واحد بتاعها كان من 25 الى 27
لكن لو واحد غاوى باب واحد هيدفع فيها اى سعر بس هيتعب بعد كده لما يحب يبيعها ولازم يبيعها برده لشاب غاوى باب واحد
لو هنتكلم بلغة السوق يبقى كده سعرها عالى لان السعر ده يخلينى اجيب واحدة 2 باب ونضيفة جدا
لكن لو انت غاوى الموديل ده باب واحد يبقى لو العربية نضيفة خدها لان الباب واحد فى الموديل ده نادر جدا جدا
شكرا جدا والله انا مش عارف اشكرك ازاي انا تعبك معايا
بس معلش انا في ناس كتير عمالين يقولولي متسوبيشي كولت احسن و انا كل شويه بحتار اكتر كلو بيقولي الكلت اسرع و اسبت و انعم و اعتماديه اكتر و شوفت فديوهات علي اليو تيوب الكولت احسن فمعلش انا عشمان فيك انك تفهمني انهي الاحسن و ليه و تكسب فيا سواب و ربنا يكرمك علي تعبك معايا
و معلش لو قدامي ابيزا 2000 او2001 و كولت 99 او 2000 او 2001 الاتنين نفس الحاله انهي الاحسن من ناحيه
السرعه القصوي علي الاستوك و ايه اكبر متور يتسقتلها
التسارع
السبات علي السرعات العاليه في الملفات و الغرز و ده اهم حاجه
موضوع انهى اسرع ده متوقف على المواتير اللى موجودة فى العربيتين لأنك مش بتقارن عربيتين زيرو
بالنسبة للثبات فهو لصالح الكولت لأن عفشة الكولت الخلفية مالتى لينك لكن الابيزا تورشن بيم والكولت فيها استبلايزر فى العفشة الامامية لكن الابيزا مفيهاش الا مع عفشة المواتير الكبيرة
المواتير اللى بتنزل فى الابيزا بدون تعديل لغاية 1800 تربو 180 حصان موتور الكوبرا ومع شوية تعديلات هيعدى الـ 200 حصان
الكولت بينزل فيها لغاية 1800 تربو 192 حصان موتور مايفك ومع التعديلات بيعدى الـ 200 حصان
وزن الابيزا اكتر من الكولت بـ 20 كيلو تقريبا
الكولت اوطى على الارض من الابيزا
من الناحية قوة الصاج والامان والتقفيل وجودة الخامات طبعا لصالح الابيزا
انا من رأيى انك تجرب العربيتين وتشوف هتكون مرتاح فى مين فيهم
وبرده اللى هيحدد انك تجيب مين فيهم هو توافر قطع الغيار والصنايعية اللى هيشتغلوا فيها فى محافظتك
الفرق مش كبير
http://nileup.com/up/uploads/nilemotors_14073923901.jpg
http://nileup.com/up/uploads/nilemotors_14073923902.jpg
للأسف معنديش معلومات عنها بس طالما انت سواقتك جرى وشد يبقى الاوتوماتيك هيخنقك
و معلش ايه رايك في الفورد الفيستا و انا اهم حاجه عندي السبات و بعديها المواتير الاستوك و الي ممكن يتسقط و اعتماديه و قطع غيار و تقفيل و عزل يسلام لو تظبطني و تقولي السبات رقم 1 كذا و 2 كذا بالترتيب في كل حاجه حتي عشان مفضلش ادوشك كل شويه و انا اسف تاني انا عارف اني اكلت دماغك
مبدأيا انا متابع الموضوع من اول ما كتبته ليا تعليق بسيط كده هو خارج سياق الموضوع تماما بس هي حاجة انا ملاحظها ومضايقاني شوية وارجو ان صاحب الموضوع مايزعلش من اللي هقوله كلمة ثبات بتتكتب كده بالثاء وليس بالسين سبات لان سبات دي تعني النوم واسف لو كنت خرجت عن الموضوع
طيب انا عندي سؤال عن الابيزا 2000_2002 هل كلها انجكشن ولا كربراتير؟؟
موضوع معرفة الثبات عاوز يُقرأ فيه تقارير فعليه عن كل عربيه على حد وعمل مقارنة ولاكنى أعتقد بالخبره أن الابيزا هى الأكثر ثباتاً من الكولت
الابيزا موديل 2000-02 نزلت كلها بمواتير أنجكشن فقط
نزلت فى مصر بماتور 1000cc v8 50hp وقليل جدا 1400cc 8v 60hp
أما خارج مصر فنزلت بنفس المواتير وأضيف الى بعضها مواتير مختلفه وأعلا فى السعه اللتريه وعدد الكامات وبالتالى فى عدد الأحصنه
انا مقولتش ان الكولت احسن سرعة وتسارع
السرعة والتسارع ده هيكون على على حسب الموتور اللى فى كل عربية
تقدر تدخل قسم ميتسوبيشى وتسأل ايه اكبر موتور بيتسقط فى الكولت وتعالى وانا اعملك مقارنة بينه وبين موتور الابيزا
الثبات فى الكولت اعلى لأن عفشتها مالتى لينك وارتفاعها اقل من الابيزا وعشان كده هى اثبت
ومش معنى كلامى ان ثبات الابيزا مش حلو وانها بتمشى تقلب على طول
ياباشا
كل العربيات اللى انت قولتها دى لا غبار عليها وكلهم احسن من بعض والفروقات بينهم مش كبيرة ومش ملحوظة إلا للى ركبهم كلهم
وبما ان دى هتكون اول عربية ليك يبقى تجيب اللى حالتها كويسة واللى ليها قطع غيار فى بلدك وميكانيكية بيشتغلوا فيها عشان متكرهش حياتك
[QUOTE=hossamalsadik;3875700675]موضوع معرفة الثبات عاوز يُقرأ فيه تقارير فعليه عن كل عربيه على حد وعمل مقارنة ولاكنى أعتقد بالخبره أن الابيزا هى الأكثر ثباتاً من الكولت
بغض النظر عن العربيتين
خلينا نتناقش عموما فى انظمة التعليق والحاجات اللى بتأثر على الثبات
شوف الموضوع ده وبعدين نتناقش :tumb:
http://www.nilemotors.net/Nile/375709-a.html
موضوع من الموضوعات المتميزه
ياريت الكل يقراه ويستوعبه هيفهمه حجات كتير عن فكرة ثبات السياره وممكن من خلاله يفهم أزاى يزود ثبات عربيته وكيفية شراء مستلزمات الثبات من جنوط وكوتش وتركيب زوائد بدل ما الشباب بيشترى أى حاجه فى أى أتجاه المهم عنده المنظر بغض النظر عن فيدتها
عمتا موضوع زيادة ثبات اى عربيه ممكن من خلال أدخال تعديلات عليها زى نوعية المساعدين الرياضيه زيادة عرض الكوتش وأختيار نقشته الرياضيه والمناسبه لطبيعة الارض الى دايماً بمشى عليها
حجات بسيطه وهيا كده كده اساسيه فى أى عربيه وأعتقد أن الابيزا بأدخال بالحجات البسيطه ديه المذكوره ثبتها عالى جدا