الموضوع: السلام عليكم انا عضو جديد معاكم و كنت عاوز اسال شويه اساله

بالنسبه للجوليت بلاش احسن لانها عربيه سيئه و متتركبش غير زيرو بعد كده بلاش نصيحه هتصرف كتير بدون نتيجه.
الأوبل ممتازه و قطع غيارها غاليه بس موجوده و الثبات ممتاز لحد 140 والأمان فيها عالى و ضيقه من جوه زيها زى الباقي.

الباقى سعر الأتنين قريبين من بعض فالسعر فى حدود الأربعين ألف اكتر شويه او أقل شويه حسب الحاله
الأعتمادية التنين ممتازين بس البيجو أقوى و امتن و بلاستكات البيجو أحسن
الوسع الأتنين ضيقين من حيث الشنطة بس داخليا لة طولك أكتر من 180سم محدش يقعد وراك مستريح و البيجو اوسع من الأبيزا
الأستعمال 90% من الى ركبين الأبيزا مطلعين عين ابوها البيجو هتلاقى فى حاجات حالتها احسن كتير من الأبيزا
الشكل البيجو أحلى و اشيك و احدث فى الشكل بس موضوع الشكل ده فى الأخر على حسب ذوق كل واحد.
قطع الغيار الأبيزا ارخص من البيجو فى حاجات كتير.
اتمنى انى اكون اديتك فكره سريع .
انا كنت بدور اصلا فى ال 206 و الأبيزا و البولو و الفيستا من حوالى سنتين و رسيت على الفيستا لان كان سعرها افضل و قطع الغيار الأرخص فى كل دول فأشتريت الفيستا. بس البيجو مازلت الأعلى بالنسبه ليا فيهم كلهم

المشاركة الأصلية كتبت بواسطة ramadan kader

بالنسبه للجوليت بلاش احسن لانها عربيه سيئه و متتركبش غير زيرو بعد كده بلاش نصيحه هتصرف كتير بدون نتيجه.
الأوبل ممتازه و قطع غيارها غاليه بس موجوده و الثبات ممتاز لحد 140 والأمان فيها عالى و ضيقه من جوه زيها زى الباقي.

الباقى سعر الأتنين قريبين من بعض فالسعر فى حدود الأربعين ألف اكتر شويه او أقل شويه حسب الحاله
الأعتمادية التنين ممتازين بس البيجو أقوى و امتن و بلاستكات البيجو أحسن
الوسع الأتنين ضيقين من حيث الشنطة بس داخليا لة طولك أكتر من 180سم محدش يقعد وراك مستريح و البيجو اوسع من الأبيزا
الأستعمال 90% من الى ركبين الأبيزا مطلعين عين ابوها البيجو هتلاقى فى حاجات حالتها احسن كتير من الأبيزا
الشكل البيجو أحلى و اشيك و احدث فى الشكل بس موضوع الشكل ده فى الأخر على حسب ذوق كل واحد.
قطع الغيار الأبيزا ارخص من البيجو فى حاجات كتير.
اتمنى انى اكون اديتك فكره سريع .
انا كنت بدور اصلا فى ال 206 و الأبيزا و البولو و الفيستا من حوالى سنتين و رسيت على الفيستا لان كان سعرها افضل و قطع الغيار الأرخص فى كل دول فأشتريت الفيستا. بس البيجو مازلت الأعلى بالنسبه ليا فيهم كلهم

شكرا جدا انا استفدت كتير من معلوماتك

في انتظار الاخوه كريم ابيزا و syd و منتظر مقارنه علميه و انهي افضل في اعتماديه و قطع غيار و مميزات و عيوب كل واحده زي اني اسبت و انهي اسرع في التجميع اص دي اول عربيه و مش عاوز اتدبس في حاجه اندم عليها

السلام عليكم انا كنت متوقع اني هلاقي ردود و اراء كتير و مناقشات بنائه

المشاركة الأصلية كتبت بواسطة karim ibiza

نعتذر عن التأخير فى الرد

بدون تحيز خليك فى الابيزا
المقارنة دى كلنا اتحطينا فيها وفى الاخر رسينا على الابيزا والحمدلله محدش ندم على اختياره وده لأسباب كتير

لو هنتكلم على الوسع الداخلى هنلاقى ان الابيزا اوسع ويجى بعدها الـ 206 وبعدين الجوليت وبعدين الكورسا

لو هنتكلم على شكل الصالون هنلاقى ان الابيزا 2000-2002 تحديدا الطابلوه بتاعها أجمل خصوصا الاضاءة بتاعته ولكن باقى العربيات كلها تقليدية

لو هنتكلم عن جودة الخامات الداخلية هنلاقى ان اقل واحدة فيهم هى الجوليت ولكن باقى العربيات قريبين من بعض لان كلهم اوروبى

بالنسبة للصيانة طبعا اسهل عربية فيهم هى الجوليت ويجى بعدها الابيزا وبعدها الكورسا واخيرا الـ 206

بالنسبة للثبات الابيزا و الـ 206 نفس المستوى تقريبا وبعدهم تيجى الكورسا وبعدين الجوليت

قطع الغيار ارخص فى الجوليت ولكن مش معمرة وبعدين تيجى الابيزا اغلى شوية ولكن تستاهل وكمان متوفرة جدا لأشتراكها مع البولو والجولف فى العفشة والميكانيكا وبعدين تيجى الكورسا اغلى شوية وبعدين الـ 206

الاداء حسب الموتور:
الابيزا نزلت 1000 سى سى 50 حصان ولكن معظم الابيزا حاليا هتلاقيها 1400 وده نزل منه 60 حصان و75 حصان و 101 حصان ولكن المنتشر هو ال60 وال75 حصان والموتورين ادائهم معقول سواء داخل المدينة او فى السفر ومع التكييف
الكورسا بعد 98 بقت بتنزل 3 سلندر 1000 سى سى 50 حصان وطبعا ده موتور موفر جدا فى البنزين وادائه بالنسبة لوزن العربية مش بطال ونزل منها برده 4 سلندر 1200 سى سى

الـ 206 نزلت 1100 سى سى بس بيقولوا عليه 1200 وموتور برده كويس بس البيجو وزنها اتقل

الجوليت 1500 سى سى ولكنها تعتبر اقل عربية فيهم من ناحية الاداء والعزم

اما بالنسبة للشكل دى مسألة ازواق

انا لاحظت من خلال بياناتك انك من اسيوط يبقى لازم قبل ما تقرر هتشترى ايه انك تشوف مدى توافر قطع الغيار فى منطقتك و الميكانيكى اللى هيشتغل فيها لأن الابيزا والكورسا والبيجو مش اى حد بيشتغل فيهم او بيفهم فيهم لكن الجوليت مفيهاش مشكلة

وبالتوفيق ان شاء الله

السلام عليكم
شكرا جدا علي تعبك
بس كان ليا سؤال ازاي اعرف العربيه 60 او 75 او 100 حصان

و معلش ايه الفرق ميين موديل 2000 و 2001 و 2002
و ايهما افضل و كام رنج سعر كل موديل بمتور 1400