حد يعرف ايه هى الفوايد الحقيقة للنتيروجين مبنيه على اساس علمى؟؟

حد يعرف ايه هى الفوايد الحقيقة للنتيروجين مبنيه على اساس علمى؟؟
كل الكلام اللى بسمعه ميخشش الدماغ خالص و كل واحد بيقول اى هرى محتلف عن التانى
مثلا
1- بيريح فى المطابات
ازاى و الضغط كده كده 32 PSI
2-مش بتحتاج تزوده كل فتره
هو مش ده غاز و ده غاز اشمعنى ده حيتسرب و ده لأ ؟؟جزيئاته اكبر مثلا؟؟ احتمال لكن الفرق مش حيبقى رهيب يعنى ناهيك ان الهواء 78% اصلا نيتروجين
التسريب بيتعمد على مدى احكام الكاوتش على الجنط و جوده و احكام البلف
3- مش بيتاثر بدرجات الحراره يعنى الضغط مش بيزيد مع ارتفاع درجه الحراره
ده برضو مستحيل كل الغازات بتتمدد مع اختلاف درجه الحراره تبعا للعلاقة PV=nRT
طبعا ال r بيختلف من كل غاز للتانى يعنى فعلا ممكن يكون معامل تمدده اقل لكن انت اصلا الهواء الجوى 78% نيتروجين
طيب ال 22% اللى فاضلين هما اللى حيعلو الطفره فى الضغط؟؟
انا مش لاقى فايدة منطقية ليه غير انه يخلى الجنط من جوة ميصديش على اساس ان مفيش جوه بخار ميه و الفايده التانيه و الاكبر هى الفلوس اللى بيصنعوا الجهاز كسبوها
ايه رايكم؟ حد فعلا شايف فايده للنتروجين مقنعه و مبنيه على اساس علمى؟

الى اعرفه ان النيتروجين مش بيتاثر بالحرارة اوى زى الهوا العادى فده بيقلل حدوث انفجار فى الاطارات

اقتباس:

---

المشاركة الأصلية كتبت بواسطة lutenit030

حد يعرف ايه هى الفوايد الحقيقة للنتيروجين مبنيه على اساس علمى؟؟


1- بيريح فى المطابات
ازاى و الضغط كده كده 32 PSI

النيتروجين دا غاز stable دا غير انه اصلا buffer gas
فا بالتالى الضغط هيبقى more constant و ميحصلش ال pressure swings
اما الهوا العادى هيتأثر بالحرارة و بالتالى ضغطة هيزيد و بالتالى العفشة هتبقى انشف

2-مش بتحتاج تزوده كل فتره
هو مش ده غاز و ده غاز اشمعنى ده حيتسرب و ده لأ ؟؟جزيئاته اكبر مثلا؟؟ احتمال لكن الفرق مش حيبقى رهيب

حجم (و ليس وزن) النيتروجين هيساوى 300 picometers اما الاكسجين هيساوى 292
picometers و بالتالى النيتروجين هيبقى less porous من خلال ال polymer
chains اللى ف ال rubber


يعنى ناهيك ان الهواء 78% اصلا نيتروجين

نسبه النيتروجين ف الهوا 78% و دى نسبة كبيرة طبعا
لكن الفكرة ان الاكسجين برضه نسبته كبيرة 21%
لكن TIC برضة انك لما بتنفخ بهوا عادى ,, بيبقى فى نسبة water vapor
و دا طبعا بيساعد على ان الضغط جوا الاطار يبقى متغير as per الحرارة
لان pv=nrt و عشان كدة دايما بنقول انفخ نيتروجين من مكان ثقة لان المفروض
ان نسبة النيتروجين ف الكاوتش ف حدود 95-98% pure nitrogen

التسريب بيتعمد على مدى احكام الكاوتش على الجنط و جوده و احكام البلف

و فى تسريب بيحصل من خلال ال polymer chains
النيتروجين هيبقى less porous من خلال ال polymer chains اللى ف ال rubber
لان حجم النيتروجين اكبر لان ال covalent radius للنيتروجين اكبر من الاكسجين
حجم (و ليس وزن) النيتروجين هيساوى 300 picometers اما الاكسجين هيساوى 292 picometers

3- مش بيتاثر بدرجات الحراره يعنى الضغط مش بيزيد مع ارتفاع درجه الحراره
ده برضو مستحيل كل الغازات بتتمدد مع اختلاف درجه الحراره تبعا للعلاقة PV=nRT

النيتروجين دا غاز stable دا غير انه اصلا buffer gas
فا بالتالى الضغط هيبقى more constant و ميحصلش ال pressure swings

طبعا ال r بيختلف من كل غاز للتانى يعنى فعلا ممكن يكون معامل تمدده اقل لكن انت اصلا الهواء الجوى 78% نيتروجين
طيب ال 22% اللى فاضلين هما اللى حيعلو الطفره فى الضغط؟؟

اه ,, و هو 22% دى نسبة قليلة ؟!!!!!!!!!!

انا مش لاقى فايدة منطقية ليه غير انه يخلى الجنط من جوة ميصديش على اساس ان مفيش جوه بخار ميه

دى مش فايدة قليلة ,, نسبة ال humidity فعلا بتبقى corrosive للجنوط
,
,
,
,
,
,
دى الردود العلمية و دا غير التجربة الفعلية و فعلا حاسس بالنتايج
و راجع المناقشة ف التوبيك دا
http://www.nilemotors.net/Nile/39381...post3875322001

---

كمبريسور هواء فى عربيتك ولا نيتروجين ولا هجص تظبط ضغط الاطارات وينفعك على الطريق
Nitrogen vs Air In Tyres - Fifth Gear - YouTube

المرجعhttp://www.nilemotors.net/Nile/410993-a.html

كرا لردك المفصل
انا اول مره اعرف ان الهواء ممكن يتسرب من الكاوتش زات نفسه مش من البلف او ما بين الجنط و الكاوتش

بس كنت عايز افهم منك اكتر يعنى ايه buffer gas و pressure swing
يعنى الضغط حيبقى طالع نازل زى المرجيحة ولا ايه :7_9_6v[2]:
و شكرا لاهتمامك::satelite:

اقتباس:

---

المشاركة الأصلية كتبت بواسطة lutenit030

1- بيريح فى المطابات
ازاى و الضغط كده كده 32 PSI

---

الكلام دة فى الاطارات الباردة... انما لما تمشى مشوار حلو و العجل يسخن و الفردة النيتروجين توصل 34 و الفردة الهوا توصل 40 هتحس بفرق جوهرى فى المطبات (دى تجربة عملية انا عملتها بنفسى)

اقتباس:

---

2-مش بتحتاج تزوده كل فتره
هو مش ده غاز و ده غاز اشمعنى ده حيتسرب و ده لأ ؟؟جزيئاته اكبر مثلا؟؟ احتمال لكن الفرق مش حيبقى رهيب يعنى ناهيك ان الهواء 78% اصلا نيتروجين
التسريب بيتعمد على مدى احكام الكاوتش على الجنط و جوده و احكام البلف

---

فرق حجم ذرات النيتروجين اكبر بكتير من الاكسجين و دة بيخللى معدل تسرب الفردة اقل بكتير مع النيتروجين

و موضوع نسبة النيتروجين دة صحيح و فيه ناس بتقول ان على المدى الطويل هيبقى الفردة كلها نيتروجين لانك كل ما بتزودها الاكسجين هو اللى بيتسرب و بتزود مكانة 78% نيتروجين و هكذا... بس ربنا يديك و يدينا طول العمر

خللى بالك ان الكاوتش مش محكم ضد التسريب بنسبة 100%... الكاوتش اشبة بالسفنج بس الفراغات اللى فيه صغيرة جدا جدا عشان كدة حتى لو الفردة مفيهاش اخرام الهوا بيتسرب منها

و برضة دة تجربة عملية فى عربية الوالد الله يرحمة... الفرد احتاجت تتزود 8 مرات خلال 6 سنوات

اقتباس:

---

3- مش بيتاثر بدرجات الحراره يعنى الضغط مش بيزيد مع ارتفاع درجه الحراره
ده برضو مستحيل كل الغازات بتتمدد مع اختلاف درجه الحراره تبعا للعلاقة PV=nRT
طبعا ال r بيختلف من كل غاز للتانى يعنى فعلا ممكن يكون معامل تمدده اقل لكن انت اصلا الهواء الجوى 78% نيتروجين

---

دا صحيح... معدل تمدد النيتروجين اقل بكتير من الهوا الجوى بالتالى النيتروجين بيديك ثبات ضغط افضل بكتير من الهوا العادى

اقتباس:

---

طيب ال 22% اللى فاضلين هما اللى حيعلو الطفره فى الضغط؟؟

---

اه.... ال22% الفاضلين رفعوا ضغط الفردة من 32 الى 40 فى حين ان الفردة النيتروجين بقت 34 فقط... يعنى بحسبة بسيطة ال22% دول رفعوا الضغط 3 مرات اكتر من ال78%

اقتباس:

---

انا مش لاقى فايدة منطقية ليه غير انه يخلى الجنط من جوة ميصديش على اساس ان مفيش جوه بخار ميه

---

دا صحيح و هو من احد فوائد النيتروجين

الفائدة التانية هى ان عدم وجود اكسجين داخل الفردة بيمنع حدوث ظاهرة الtire rotting الناتجة عن تفاعل الاكسجين مع الكاوتش (عملية اشبة بعملية الصداء فى المعادن)

الفايدة التالتة و هى عدم اضافة مصدر للاكسجين فى حالة احتراق السيارة و انفجار الاطار بس دة بيفرق اكتر فى سيارات السباق و الطائرات انما فى عربيات الركوب الوضوع مش فارق اوى لان نسبة العرضة للحوادث فى سيارات الركوب اقل بكتير من سيارة السباق و حجم الغاز اللى فى اطار السيارة اقل بكتير جدا من اطار الطيارة

اقتباس:

---

و الفايده التانيه و الاكبر هى الفلوس اللى بيصنعوا الجهاز كسبوها

---

زيهم زى اى حد بيبيع عشان يكسب... اللى بينصب مش هيصنع مكنة بالافات عشان ياخد منك 20 جنية فى الاخر... اللى بينصب بيبيع لك الترماى على انه مكوك فضاء

اقتباس:

---

ايه رايكم؟ حد فعلا شايف فايده للنتروجين مقنعه و مبنيه على اساس علمى؟

---

انا وضحت على اسس علمية و عن تجارب عملية كمان... انا بستعمل نيتروجين من سنة 2005

MMamdouh

اقتباس:

---

المشاركة الأصلية كتبت بواسطة mmamdouh

الكلام دة فى الاطارات الباردة... انما لما تمشى مشوار حلو و العجل يسخن و الفردة النيتروجين توصل 34 و الفردة الهوا توصل 40 هتحس بفرق جوهرى فى المطبات (دى تجربة عملية انا عملتها بنفسى)



فرق حجم ذرات النيتروجين اكبر بكتير من الاكسجين و دة بيخللى معدل تسرب الفردة اقل بكتير مع النيتروجين

و موضوع نسبة النيتروجين دة صحيح و فيه ناس بتقول ان على المدى الطويل هيبقى الفردة كلها نيتروجين لانك كل ما بتزودها الاكسجين هو اللى بيتسرب و بتزود مكانة 78% نيتروجين و هكذا... بس ربنا يديك و يدينا طول العمر

خللى بالك ان الكاوتش مش محكم ضد التسريب بنسبة 100%... الكاوتش اشبة بالسفنج بس الفراغات اللى فيه صغيرة جدا جدا عشان كدة حتى لو الفردة مفيهاش اخرام الهوا بيتسرب منها

و برضة دة تجربة عملية فى عربية الوالد الله يرحمة... الفرد احتاجت تتزود 8 مرات خلال 6 سنوات



دا صحيح... معدل تمدد النيتروجين اقل بكتير من الهوا الجوى بالتالى النيتروجين بيديك ثبات ضغط افضل بكتير من الهوا العادى



اه.... ال22% الفاضلين رفعوا ضغط الفردة من 32 الى 40 فى حين ان الفردة النيتروجين بقت 34 فقط... يعنى بحسبة بسيطة ال22% دول رفعوا الضغط 3 مرات اكتر من ال78%



دا صحيح و هو من احد فوائد النيتروجين

الفائدة التانية هى ان عدم وجود اكسجين داخل الفردة بيمنع حدوث ظاهرة الtire rotting الناتجة عن تفاعل الاكسجين مع الكاوتش (عملية اشبة بعملية الصداء فى المعادن)

الفايدة التالتة و هى عدم اضافة مصدر للاكسجين فى حالة احتراق السيارة و انفجار الاطار بس دة بيفرق اكتر فى سيارات السباق و الطائرات انما فى عربيات الركوب الوضوع مش فارق اوى لان نسبة العرضة للحوادث فى سيارات الركوب اقل بكتير من سيارة السباق و حجم الغاز اللى فى اطار السيارة اقل بكتير جدا من اطار الطيارة



زيهم زى اى حد بيبيع عشان يكسب... اللى بينصب مش هيصنع مكنة بالافات عشان ياخد منك 20 جنية فى الاخر... اللى بينصب بيبيع لك الترماى على انه مكوك فضاء



انا وضحت على اسس علمية و عن تجارب عملية كمان... انا بستعمل نيتروجين من سنة 2005

mmamdouh

---

انت اقنعهتنى بصراحة لان كلامك منطقى و علمى و يخش الدماغ مش فتى زى اللى الواحد علطول بيسمعه.



انا حجربة ان شاء الله بس برضو لانى بحب التجارب حزود فرده يمين هواء و الشمال نيتروجين و اطلع مشوار فى الحر و ارجع اقيس الضغط

شكر لردك

اظن وصلت المعلومة يا احمد
والكلام اللي سمعته مفرقش كتير عن اللي انت سمعته مني في التلفون ..........
انفخ نيرتوجين ومتقلقش

اقتباس:

---

المشاركة الأصلية كتبت بواسطة mostafa . Ahmed

اظن وصلت المعلومة يا احمد
والكلام اللي سمعته مفرقش كتير عن اللي انت سمعته مني في التلفون ..........
انفخ نيرتوجين ومتقلقش

---

تمام
انا بس مبحبش اعمل حاجه و خلاص لمجرد ان كل الناس بتعملها منغير انا ابفى فاهم ليه
انما كده فيه اسباب مقنعه و منطقية و حجربة ان شاء الله بس بعد ما اظبط حوار الجنوط

اقتباس:

---

المشاركة الأصلية كتبت بواسطة mmamdouh

الكلام دة فى الاطارات الباردة... انما لما تمشى مشوار حلو و العجل يسخن و الفردة النيتروجين توصل 34 و الفردة الهوا توصل 40 هتحس بفرق جوهرى فى المطبات (دى تجربة عملية انا عملتها بنفسى)
mmamdouh

---

الفرق عملى انت مجربه مقدرش اتكلم النتيروجين اامن كمان
لاكن لاسباب(غش بتوع النتيروجين)واخرى اقتصاديه لان عندى منفاخ محترم+فايده المنفاخ على الطريق لو عجله ريحت
مازلت بستعمل الهواء العادى

اقتباس:

---

المشاركة الأصلية كتبت بواسطة lutenit030

حد يعرف ايه هى الفوايد الحقيقة للنتيروجين مبنيه على اساس علمى؟؟
كل الكلام اللى بسمعه ميخشش الدماغ خالص و كل واحد بيقول اى هرى محتلف عن التانى
مثلا
1- بيريح فى المطابات
ازاى و الضغط كده كده 32 psi
2-مش بتحتاج تزوده كل فتره
هو مش ده غاز و ده غاز اشمعنى ده حيتسرب و ده لأ ؟؟جزيئاته اكبر مثلا؟؟ احتمال لكن الفرق مش حيبقى رهيب يعنى ناهيك ان الهواء 78% اصلا نيتروجين
التسريب بيتعمد على مدى احكام الكاوتش على الجنط و جوده و احكام البلف
3- مش بيتاثر بدرجات الحراره يعنى الضغط مش بيزيد مع ارتفاع درجه الحراره
ده برضو مستحيل كل الغازات بتتمدد مع اختلاف درجه الحراره تبعا للعلاقة pv=nrt
طبعا ال r بيختلف من كل غاز للتانى يعنى فعلا ممكن يكون معامل تمدده اقل لكن انت اصلا الهواء الجوى 78% نيتروجين
طيب ال 22% اللى فاضلين هما اللى حيعلو الطفره فى الضغط؟؟
انا مش لاقى فايدة منطقية ليه غير انه يخلى الجنط من جوة ميصديش على اساس ان مفيش جوه بخار ميه و الفايده التانيه و الاكبر هى الفلوس اللى بيصنعوا الجهاز كسبوها
ايه رايكم؟ حد فعلا شايف فايده للنتروجين مقنعه و مبنيه على اساس علمى؟

---

عمرى ماحسيت بفرق بصراحة كله سيكو

اقتباس:

---

المشاركة الأصلية كتبت بواسطة lutenit030

حد يعرف ايه هى الفوايد الحقيقة للنتيروجين مبنيه على اساس علمى؟؟
كل الكلام اللى بسمعه ميخشش الدماغ خالص و كل واحد بيقول اى هرى محتلف عن التانى
مثلا
1- بيريح فى المطابات
ازاى و الضغط كده كده 32 psi
2-مش بتحتاج تزوده كل فتره
هو مش ده غاز و ده غاز اشمعنى ده حيتسرب و ده لأ ؟؟جزيئاته اكبر مثلا؟؟ احتمال لكن الفرق مش حيبقى رهيب يعنى ناهيك ان الهواء 78% اصلا نيتروجين
التسريب بيتعمد على مدى احكام الكاوتش على الجنط و جوده و احكام البلف
3- مش بيتاثر بدرجات الحراره يعنى الضغط مش بيزيد مع ارتفاع درجه الحراره
ده برضو مستحيل كل الغازات بتتمدد مع اختلاف درجه الحراره تبعا للعلاقة pv=nrt
طبعا ال r بيختلف من كل غاز للتانى يعنى فعلا ممكن يكون معامل تمدده اقل لكن انت اصلا الهواء الجوى 78% نيتروجين
طيب ال 22% اللى فاضلين هما اللى حيعلو الطفره فى الضغط؟؟
انا مش لاقى فايدة منطقية ليه غير انه يخلى الجنط من جوة ميصديش على اساس ان مفيش جوه بخار ميه و الفايده التانيه و الاكبر هى الفلوس اللى بيصنعوا الجهاز كسبوها
ايه رايكم؟ حد فعلا شايف فايده للنتروجين مقنعه و مبنيه على اساس علمى؟

---

مافيش فرق كلها ايحاات نفسية

اقتباس:

---

المشاركة الأصلية كتبت بواسطة rotanamasoud

الفرق عملى انت مجربه مقدرش اتكلم النتيروجين اامن كمان
لاكن لاسباب(غش بتوع النتيروجين)واخرى اقتصاديه لان عندى منفاخ محترم+فايده المنفاخ على الطريق لو عجله ريحت
مازلت بستعمل الهواء العادى

---

و عشان السبب دة انا مش بنفخ ولا بزود نيتروجين الا عند fit & fix

MMamdouh

monamize4
MMamdouh

كلامكم ده من الأخر و مفيش كلام يتقال بعده

انا بس هادلل عليه بشىء واحد فقط وهو من خلال شغلي كنت بشوف ان كل الطائرات لازم تتزود نيتروجين ولا شىء غير النيتروجين فسألت مهندس الصيانه مره فقالي الأتي:
لما الطائره بتنزل على الأرض (touch down) تحت الوزن اللي بالأطنان و السرعه الرهيبه و الاحتكاك بممر الهبوط العجل بيسخن جدا لدرجة ان فعلا في بعض الأحيان محدش بيقدر يقرب من مجموعة العجل لمسافه 3 متر و إلا يتحرق من درجة الحراره و في طائرات فيها تبريد للعجل و في طائرات بيجيلها عربيه عباره عن تكييف يتوصل بالعجل عشان يبرده
لذلك العجل بيتملي نيتروجين لأنه لو اتملى هوا عادي أكيد هاينفجر بعد الهبوط بثواني