فى يوم 5-9-2014
كتبت هذه المشاركة فى موضوع اخر بناء على طلب الكثير من الزملاء
وأرجو ان يلاحظ الجميع انى لم اقل ابدا لأى زميل ان يشترى هذه السيارة سواء فى المنتدى العام او فى رسالة خاصة
والذى عنده مايثبت عكس هذا فليتفضل بنشره
السلام عليكم
رساله شكر لمنفذ الموضوع الجميل بجد
احب اوضح انا لسه جى حالا من شركه الامل والسعر السيارة l3 هو 97000 اول كلمة يعنى ممكن تنزل 1000-2000 وقت التنفيذ والمانيول اقل 9000 جنيه .
ثانيا فى f3 وسعرها عامل 87000 وده اول كلمة وبتقل 9000 فى المانيول .
نيجى بقى على الاهم واللى حيرنى انا كلمت كذا حد من اصحابى عليها وكلنا فكرنا فى نفس الوقت على اسعار قطع الغيار وقولت بما انى فى مصر الجديده خش شارع دمشق واشوف وللاسف نسيت ان النهارده الاحد وده بامانه من جمال العربيه فى الشكل والتقفيل والخامات وده رايي لايفيد ولا يضر وراي شخصى . واحد صحبى بقى قالى انا معايا رقم التوكيل واتصل بيهم وهنا كانت المفاجاه (((( قولت لصديقى اساله عن سعر الفانوس والمساعد على اساس ان بعد الشر اكتر حاجة ممكن فى ثانيه تتاثر فى حادث - وكان الرد ** للاسف لا يوجد قطع غيار للسيارة حاليا وان التوكيل فى انتظار وصول قطع الغيار ** ولما قولنا ليه اننا اشترينا العربيه هنصلحها ازاى رد وقال طيب ممكن ساعه وتكلمونى تانى ** ياريت حد يفيدنا بجد ايه الحل انا العربيه بجد عجبنى شكلها شبه التيوتا كورلا 2009 من قدام وورا تقريبا وعجبانى بس خايف من موضوع قطع غيارها لو حد عرف حاجة ياريت يعرفنا )))
الماتور بيقولوا بتاع هوندا سيتى وبيولد 108 حصان مش 107 وهو 1500 cc والفتيس 6 سرعات وكان فى اختلاف كتير على موضوع الكاسيت هو فعلا بينزل فيه نفس المواصفات كامله كل حاجة GPS وتيلفزيون وكل حاجة زى ما ممكتوب
ارجوكم فيدونى فى مضوع قطع الغيار لانى طبيعه شغلى فى جبل ورمله ومواقع وهحتاج تغير عفشه كتير
عفشتها بتجيب لها عفشة تويوتا 2005
فلتر الهواء ب 15جم صينى ويركب بتاع الكروﻻ اﻻصلى
فلتر البنزين نفس السعر
فلتر التكييف من 15 الى25 حسب السعر والخامة
بوجيهاتك ان جى كى عادى وبراحتك لو عاوز بلاتنيوم
الموتور معذرة مش هاقدر افيدك فية اوى
ﻻن عربيتى 1600cc
اللى قولته لحضرتك ده بيركب لجميع موديلات البى واى دى
ماعدا fo الصغيرة
والله يا جماعة انا احترت ....... قريت الموضوع ده من أوله لآخره ورحت اتفرجت على العربية وشكلها عاجبنى والأوبشن كمان بس بخاف من أى عربية عليها مشاكل علشان دول تحويشة العمر مش هزار يعني
نفسى في نصيحة بجد أعمل ايه أشترى لانسر جديدة وخلاص علشان الاقى فلوسى تانى ولا ادفعها في عربية زي كده وناس كتير بتحذر منها وممكن كل فلوسى تضيع فيها
ياريت اللي عنده العربية دي من فترة يقولى عاملة معاه ايه وانا لو لقيت واحد بس في الشارع راكبها هاوقفه واسألة انشالله يشتمنى ههههههههه
ومعلش ياريت السادة الأعضاء يقولو لى موقع الشركة على الانترنت علشان مش عارف الاقية
ممنوع إستخدام اللون الأحمر حيث أنه مخصص للمداخلات الإدارية
م ب 3
عزيزى ابو جنى
والله يا اخى الفاضل وحشتنا مشاركاتك الجميلة فأين انت ؟
وبالمناسبة الشخص الذى فى التوكيل الذى رد على تليفون الزميل من المؤكد انه كان مريض ودرجة حرارته مرتفعة
ويجب على التوكيل ان يعطوه اجازة حتى يرتاح
او يتعلم يرد صح على العملاء
لأنه ببساطة شديدة جدا انت لا تحتاج عبشة تويوتا ولا أى شئ اخر هل تعرف لماذا ؟
لأن العبشة امام وخلف بالمساعدين والموتور بمشتملاته والفلاترجميعا والفتيس المنيوال بالدبرياج والفتيس الأوتوماتيك
والريداتير ومراوح التكييف والتبريد
متطابقين كوبى بيست فى L3 وفى F3
واى صبى ميكانيكى سيعرف هذا بعد 5 دقائق من معاينة السيارة
لذلك فقطع الغيار الميكانيكية للسيارة l3 متوفرة فى التوكيل والمحلات الخارجية ليس فقط الأن بل من عدة سنوات لأنها نفس قطع غيار f3
ولأن السيارة غير معروفة للأن
( ببركة التوكيل وتصرفه العجيب الذى لم يعمل لها اى دعاية )
فلا تطلب من المحلات قطعة غيار ميكانيكية لها بل قل له انها لسيارة f3
وستركب بالمللى بأذن الله
اما لو سألتنى فما الفرق بين السيارتين اقول لك اقرأ هذا الموضوع من بدايته وانت تعرف الفرق
والله يا أبو جنى لا اعرف كيف يترك التوكيل اى حد والسلام
يقول اى كلام فارغ
لعملاء محترمين ينون شراء السيارة
وليه توقف حد فى الشارع .. انا اجيب لك صاحبها لغاية عندك
ده تقرير زميل فاضل فى المنتدى استلم السيارة فعلا
وطبعا كلام صاحب السيارة أكثر ثقه من اى حد أتفرج عليها ومشى
ارجو ان يفيدك والرجل لن يتأخر فى اجابة اى سؤال
يا باشا مش عارف اشكرك ازاى
انت راجل ميه ميه
هاحاول اتصل بيه على الخاص واخد رقم تليفونه
بجد شكرا جدا جدا لذوقك ولردك وكده كويس انها نفس قطع الغيار الميكانيكا
الساده المحترمين سؤال مهم جدا للاسف لسه جى فبالى دلوقتى لما الحجر بيتاع الريموت السيارة يفضى هنشغل العربيه بالبصمه ازاى هل فى مكان زى العربيات اللى فيها بصمه زى الكيا او الانترا مثلا نحط المفتاح ونشغل العربيه حتى تغير الحجر ارجو الافاده وشكرا