الموضوع: Seat Toledo بعض الاستفسارت لمن يمتلكها

متابع بشدة

المشاركة الأصلية كتبت بواسطة Karim Ibiza

كلامك كله technical وواضح انك مش بتسوقى وخلاص

فعلا التوليدو نازلة بمحرك NA وعشان كده مش نازلة بفتيس DSG
والموتور ده واحد كامة 8 صباب و 105 حصان وعزم 153 نيوتن
ومن مميزات المواتير الـ 8 صباب هى انها موفرة جدا فى استهلاك البنزين
أما عن الأداء فهو مقبول جدا جدا بالنسبة لوزن العربية اللى تقريبا بيوصل لـ 1,200 كيلوجرام
وأنا من رأيى انك تعملى test drive عشان تقدرى تحكمى بنفسك

موتور التوليدو هو نفس موتور الرابيد

باشا موتور التوليدو 2 كامه 16 صباب و ده اول نزوله كان في سكودا رومستر و الفابيا عام 2009 وده كان أول موتور ينزل في سكودا في مصر بعد موتور a5 1.6 102 hp 148 nm 8v

شكرا علي الاهتمام وعلي كل الردود السابقة
بعد البحث والسؤال وعمل test drive احب اوضح الاتي

مبدئيا الموتور 2 كامة 16 صباب و 105 حصان وعزم 155 نيوتن
بعد عمل test drive للفئة الثانية جنوط 16 العربية سلسة جدا, تجميع العربية علي Auto معقول وعلي manual ممتاز ,الفتيس ليس DSG, التكيف تمام, العربية ثابتة جدا علي الارض حتي 140كم( مجربتش اكتر من كدا).
الفرامل (Anti-Lock Braking system (ABS و (Anti- Slip Regulation (ASR وهي ممتازة عن تجربة.
لاجراء Test Drive من خلال About Seat Egypt وعمل Test Drive Request.
العربية انتشرت جدا في الفترة الاخيرة (خلال شهر رمضان تحديدا) قطع الغيار متوفرة في التوكيل وتم ذكر اسعار بعض قطع الغيار سابقا سعر الصيانة يتراوح بين 600 الي 700جنيها حتي صيانة ال 25,000كم اول صيانة بعد 5000كم وبعد ذلك كل 10,000كم.
الوكيل هو شركة كيان
سعر اعلي فئة هو 170,000 جنيها بعد الخصم مع العلم ان الجنط ال17 يحتاج حرص في السواقة من النقر والمطبات ومن يريد العربية اعلي فئة بدون الجنظ ال17 وبجنط 16 يمكن ذلك من خلال Auto misho شارع الثورة- مصر الجديدة (في حالة توافر الجنظ ال16 لدية)
بالنسبة المقارنة مع سكودا ربيد العربيتين نفس المواصفات(الموتور-الفتيس-العفشة-التابلوه-الوزن-الارتفاع, ومن الدخل(نفس الخامات المستخدمة)-نفس مساحة الشنطة, تم التصنيع في نفس المصنع في التشيك(مصنع سكودا) الاختلاف في الشكل الخارجي فقط وبعض الاضافات(انا بتكلم علي اعلي فئة) مثل التوليدو يوجد بها isofix child seat ودي تقنية لحماية الطفل(مكان يتم تثبيت كرسي الطفل بة) والجنط 17 وبالنسبة للربيد زجاج ملون-الجنوط 15.

وان شاء الله سوف اوفيكم بتقرير كامل بعد استلام العربية باذن الله

كلامك مظبوط 153 نيوتن
Test Drive في كيان العبور
السرعة في طريق الساحل

مفيش حاجة اسمها اديها كام فالمية عشان لو اديتها 100% يبقي بي ام والمرسيدس يخدوا كام
هي عربية ممتاز كفشة وراحة وفرامل وتكييف والوسع مقبول ومتعة سواقة اما بالنسبة للسحب هي كويسة بس دي بتختلف من واحد لواحد مع العلم هي نسخة من الجيتا الشكل القديم بس بالمقارنة مع باقي العربيات النفس رنج الفلوس فهي الافضل باستثناء الربيد لانها نفس العربية بس شكل التوليدو احلي ودا بالنسبالي هي بس فقيرة من الداخل الي حد ما وممكن اكون متحيز للسيات لاني بركب سيات من اكتر من 12 سنة وبحترم العربيات دي جدا بس هي للاسف مش واخدا حقها في مصر في التسويق ودا كان بسبب الوكيل القديم smg كان يفتقر فن التعامل مع العملاء وارضائهم وايضا كان ضعيف في الجانب الفني وعدم الشفافية مع العملاء ودا من وجهة نظري ونامل ان شركة كيان تحسن الصورة وان شاء الله بعد الاستلام والتجربة بشكل افضل سوف اوفيكم بتقرير كامل