الموضوع: Seat Toledo بعض الاستفسارت لمن يمتلكها

الف شكر احمد باشا

ياجماعة عايزين رد من حد معاة العربية

العربيه معايه الفئه التانيه اتومتك من غير سينسور ركن ، لغايه دلوقتى ١٠٠٠ كيلو الحمد لله سحبها كويس فتيسها ناعم عفشه ناعمه كنت مستلمها جنت ١٧ بس بصراحه تعبلى دماغى فى الحفر و المطبات كان بيرزع و كنت كانى ماشى على قشر بيض ريحت دماغى و غيرتو ب ١٦ مريحنى جدا جدا ( البلد ديه مش بتاعه ١٧ تماما ) عربيه وسعه تافيلها من الداخل قيم تكيفها جبلى برد لمده ٣ ايام و سحبها مع التكييف حلو

مشاءالله, انت كدا طمنتني بس سؤال غيرت الجنط من خلال الوكيل ولا جنط مش سيات اصلا, وفعلا هو في حد اقصي وقت لعمل الصيانة بمعني اول 5000كم او 3 شهور ايهما اقرب وكل 10000كم او 6 شهور ايهما اقرب عشان انا مش فاهم الموضوع دا

انا كنت جيابها من اوتو ميشو و هو الى غيرلى الجنط ( ناس محترمه ) الجنط الاصلى بتاعها ، بالنسبه للصيانه بصراحه انا مش متاكد لسه هسال

الف شكر يا باشا علي الرد وربنا يبركلك فيها
بس الفئة الثانية بتنزل اصلا بالجنط 16 يعني هو معملش حاجة ولا اية

كان مدهالى بجنط ١٧ وانا استغربت ، قلتلوا بس (انا اعرف ان ١٧ فى شوارعنا مستفزه غيرهولى ب ١٦! ) قلى ( استلم العربيه و اسبوع وعدى عليا و هغيرهولاك ) و بصراحه قلت اجرب لو عجبنى اكلموا و اقولوا انى مش عايز ال١٦ ، بس لما جربتوا بقيت محسس على الارض و لما بلبس حفره صغيره فى الارض بيرزع و لو بعدى قضيب مترو بيرزع لازم امشى بيه براحه ، اومال لو لبست بيه حفره و لا بلاعه على سرعه عليه اه الى هيحصل ، و غيرته بال١٦ و بصراحه فرق جدا جدا جدا و مريحنى جدا ( شورعنا مش بتاعت ١٧/٤٠ .

المشاركة الأصلية كتبت بواسطة heladl

كان مدهالى بجنط ١٧ وانا استغربت ، قلتلوا بس (انا اعرف ان ١٧ فى شوارعنا مستفزه غيرهولى ب ١٦! ) قلى ( استلم العربيه و اسبوع وعدى عليا و هغيرهولاك ) و بصراحه قلت اجرب لو عجبنى اكلموا و اقولوا انى مش عايز ال١٦ ، بس لما جربتوا بقيت محسس على الارض و لما بلبس حفره صغيره فى الارض بيرزع و لو بعدى قضيب مترو بيرزع لازم امشى بيه براحه ، اومال لو لبست بيه حفره و لا بلاعه على سرعه عليه اه الى هيحصل ، و غيرته بال١٦ و بصراحه فرق جدا جدا جدا و مريحنى جدا ( شورعنا مش بتاعت ١٧/٤٠ .

الفئة التانية بتنزل بجنط ١٦ لو فعلا انت استلمتها بجنط ١٧ يبقى كان مبدله مع عربية تانية الفئة التالتة

انا اشتريت الهاى لاين من شهر ونصف ممتازه جدا وكان معايا هوندا سيتى 2007 1300 سى سى اوتوماتك بصراحه مفيش مقارنه العربيه فيها نسبه امان عاليه ودا اهم شىء لان حياتك غاليه وتكييف وبارك سنسور وانت راكب العربيه مبتحسش باى دوشه بره وبصراحه مش هاتحس ان ناقصك حاجه ولعلمك سلسه جدا على السرعه البطيئه داخل القاهره وطبعا دا رايى وربنا يوفقك