الموضوع: Seat Toledo بعض الاستفسارت لمن يمتلكها

المشاركة الأصلية كتبت بواسطة heladl

كان مدهالى بجنط ١٧ وانا استغربت ، قلتلوا بس (انا اعرف ان ١٧ فى شوارعنا مستفزه غيرهولى ب ١٦! ) قلى ( استلم العربيه و اسبوع وعدى عليا و هغيرهولاك ) و بصراحه قلت اجرب لو عجبنى اكلموا و اقولوا انى مش عايز ال١٦ ، بس لما جربتوا بقيت محسس على الارض و لما بلبس حفره صغيره فى الارض بيرزع و لو بعدى قضيب مترو بيرزع لازم امشى بيه براحه ، اومال لو لبست بيه حفره و لا بلاعه على سرعه عليه اه الى هيحصل ، و غيرته بال١٦ و بصراحه فرق جدا جدا جدا و مريحنى جدا ( شورعنا مش بتاعت ١٧/٤٠ .

الفئة التانية بتنزل بجنط ١٦ لو فعلا انت استلمتها بجنط ١٧ يبقى كان مبدله مع عربية تانية الفئة التالتة

المشاركة الأصلية كتبت بواسطة shockoprinz

السلام عليكم
انا عايز اقول اني بعد شهر من قيادة السيارة انا يعني مش مبسوط قوي أسألوني ليه اقولكم العربية وانا ماشي يها علي السلانسية في اي حته مكسرة الجلد اللي في الباب بيزيق والعزل مش قد كدة وصوت الكوتش علي الطريق واضح جدا في الكابينة وصوتها عالي وبسمع زي صوت غرغرة من الماتور او الفتيس بصراحة مش ناعمة في المشي خالص انا معايا الفئة اولي اوتوماتيك وعامل بها 1800 كيلو مش عارف هو انا كد مستعجل في الحكم عليها ولا ايه

موضوع التزييق دا فعلا مستفز شوية

المشاركة الأصلية كتبت بواسطة shockoprinz

السلام عليكم
انا عايز اقول اني بعد شهر من قيادة السيارة انا يعني مش مبسوط قوي أسألوني ليه اقولكم العربية وانا ماشي يها علي السلانسية في اي حته مكسرة الجلد اللي في الباب بيزيق والعزل مش قد كدة وصوت الكوتش علي الطريق واضح جدا في الكابينة وصوتها عالي وبسمع زي صوت غرغرة من الماتور او الفتيس بصراحة مش ناعمة في المشي خالص انا معايا الفئة اولي اوتوماتيك وعامل بها 1800 كيلو مش عارف هو انا كد مستعجل في الحكم عليها ولا ايه

صوت التزييق فعلا مستفز شوية

انا معايا العربية الفئة 3 عاملة 8000 كم ... الصوت بتاع كاوتش الباب دة كان موجود و رحت للصيانة قبل ال 1000 كم راح رش سبراي على الكاوتش و من وقتها مسمعتش الصوت تاني..
الجنط 17 في شوارع مصر اكييد مش احسن حاجة...و لو ينفع اغيرو ب جنط 16 اصلي و ادفع فرق هعمل كدة بس ميكونش بيأسر على الثبات ولا الاتزان بتاع العربية..يرييت حد يفيدني

المشاركة الأصلية كتبت بواسطة مينا ظريف

انا معايا العربية الفئة 3 عاملة 8000 كم ... الصوت بتاع كاوتش الباب دة كان موجود و رحت للصيانة قبل ال 1000 كم راح رش سبراي على الكاوتش و من وقتها مسمعتش الصوت تاني..
الجنط 17 في شوارع مصر اكييد مش احسن حاجة...و لو ينفع اغيرو ب جنط 16 اصلي و ادفع فرق هعمل كدة بس ميكونش بيأسر على الثبات ولا الاتزان بتاع العربية..يرييت حد يفيدني

ما فيش منه اي مشاكل .. بس تركبه حسب تعليمات المصنع r16 215/45

طيب ايه اخبار العربيه معاك يا استاذ مينا الموتور و العفشه بعيد عن الجنط
و ايه اخبار الوكيل و الصيانات و قطع الغيار و كده
انا عايز اشتريها و هاتجنن مش لاقيها في الشارع خالص ولا في المعارض اللي حواليا و نفسي الناس اللي اشترتها تكلمني عنها و تعرفني ايه اخبارها معاهم
انا كله بيقولي ما تجيبهاش و انا راكب دماغي

انا بس اللي مضايقني ان القسم هنا نشاطه ضعيف خالص بالنسبه لباقي الاقسام و حتي ملاك.العربيه مفيش تقرير حقيقي الواحد يقيم منه العربيه ده حتي اليوتيوب و المواقع الاجنبي الكلام فيها كله واحد
انا عايز اجيبها علي اخر السنه برضه بس قلقان الصراحه من الحاجات اللي الناس مخوفاني منها