الموضوع: ليه الناس بتدبس نفسها

المشاركة الأصلية كتبت بواسطة bedo84

يا جماعه صلوا علي النبي عليه الصلاة والسلام

اولا سبب متابعتي للعربيه أنها كانت من ضمن المقارنات ال بعملها علشان أوصل لعربيه كويسه وبصراحة كنت متحمس آوي أني أركبها بس لقيت معظم الناس عمالا تشتكي فقلت ابعد عنها وجبت اللوجان الحمد لله وماشيه معايا كويس وهيا عربيه متورها مش ناعم زي الكوري والياباني وتكنولوجي قديم عن الصني علشان كدا كنت بقولكوا نفسي اركب الصني والتغاضي عن ال بسمعه لغاية مواجد زميلي في الشغل خوفني جداً لانه كان معاه مالك ليها في نفس البيت وعمال يشكيلوا منها وقالوا انه ندمان آوي انه وقع مع العربيه دي فأنا من متابعي منتدي نيسان شغف بالعربيه رغم أني اشتريت الحمد لله اللوجان من 6 شهور بس وكان لازم اعبر عن رأي وأقول ال في نفسي،، يا جماعه انا عمري مدخلت منتدي لأي ماركة عربيات ولو 128 حتي لقيت ال كاتب كارثه وال كاتب مصيبه جديده في النيو صني وال فرحان ان الشركه اتحولت للنيابة ،، لو هيا شركه محترمه ليه مستدعتش كل العربيات ال فيها عيوب وتصلحها علي حسابها وتحترم الناس ،، لأكن مستنيين ال يتقلب وال يموت وال وال ،،،

ما علينا ملاكها والناس ال كتبوا الردود دي أكيد العربيه معملتش معاهم مشاكل او عملت ومعاهم فلوس يصلحوا ووقت يشتكوا لكن أحب أقول الناس دي اما واحد يحصلوا كارثه لازم يتضامنوا معاه لغاية مياخد حقه مش يجي يعرض مصيبته بالصور والناس تقولوا دا عيب فردي والعربيه زي اللفل حط نفسك مكانه هتنتقل فورا من صف المدافعين لصف المهاجمين عال عربيه بس سعتها هيجرحك آوي ال ميقفش جنبك ،،، وربنا يسلمنا جميعا والسلام عليكم

اللهم صلي وسلم عليك يانبي
ياسيدي الفاضل ربنا يباركلك في اللوجان وانا سوقت العربيتين - لوجان ونيوصني - وعاوز اقول لحضرتك وبدون اي تجني لامجال للمقارنة اصلا بين العربيتين . وعاوز اسأل حضرتك سؤال هو انت متخيل ان النيوصني لو كانت كارثة وبتسبب في حوادث وبتموت صاحبها كان الملاك سكتوا عليها عالميا ؟ العربية بتباع في كل مكان تقريبا في العالم في امريكا بموتور 1.6 وفتيس cvt باسم versa وفي اليابان نفسها باسم latio .. حضرتك متخيل ان الشركة كانت حتترحم لو كان في عيوب صناعة تؤدي لحوادث ؟ كانت اترحمت فورد وتويوتا ولكزس وفولكس وشيفروليه قبلها في موديلات اعلى بكتير من الصني ..