الموضوع: مشكله مزمنه لاوبل كورسا 2007

السلام عليكم و رحمه الله و بركاته

يا رجاله العربيه دى حتجننننننى
مع انى بحبها و بحترمها جدا بس مشكلتى غريبه

دلوقتى العربيه تيجى تدور الصبح , تدور مع اول تكه علىطول , سواء الجو حر ولا سقعه ... و تمشى زى الفل و سحب رهيب (الطبيعى بتاعها)

يوصل بس مؤشر الحراره لقبل النص بشويه كده

- الاقى العربيه بتنتش عل السرعات الخفيفه بتكراار و بتروح مع دوسه البنزين و ترجع تانى, لحد ميقل تكرارها شويه ............ و ده مش علطوول ( دى المشكله بقى مش بعرف اوريها للميكانيكى)

-الاقى الار بى ام بيعلى ل 1.5 و يثبت عليه و صوت المكنه يعلى برده طبعا و بعد شويه ينزل تانى لوحده برده و ملوش علاقه بدوستى عل بنزين ولا حاله السلانسيه , ف كل الاوضاع بيعلى 1.5 عن المطلوب منه سواء كان ف السلانسيه او وانا جايب غيار ....... و برده مش عل طول على حسب مزاجها

- لما امشى بالعربيه شويه و ابطلها , ساعات تدور علطول و ساعات لازم زقه عشان تدور او اسيبها نص ساعه , مع انى بسمع صوت المارش و البطاريه زى الفل و بكلكس و صوت الكلاكس عالى


انا بقى على حس الكلام ده :

1-غيرت بوجيهات و اسلاكهم
2-غيرت زيت و فلتره
3-غيرت فلتر هواء
4-فلتر بنزين ( وانا بغيره شفت ضغط الطلمبه الميكانيكى قال تمام )
5-نظفت البوابه و حساس الايدل ( كل حاجه بكيماوياتها و بعديها رشه wd40 )


انا الصراحه غلب حمارى و مش عارف اعمل ايه و مش عايز البس فلوس منغير لازمه فقولت اسال عتاوله الاوبل هنا يمكن حد يقدر يساعدنى

ف انتظار المدددد ........ و كل سنه و انتم طيبين

مشكلتك مشكله طرمبه البنزين انا بتسخن مش بتعرف تضخ بنزين حلو غير الرداخ بتاعها هتعرف الفرق ومليش دعوة بضغط الي ميكانيكي شافهولك
تاني خاجه المكله ديه بتحصل بردو اما الموبينه بتاعت العربيه تسخن بس اعتقد عندك الاسبراتير والموبينه الكتروني تسئل بئا حد من الاعضاء المشكلتين دول ملهملش تالت