بخصوص النغمة السايدة فى المنتدى عن سوء النيو صنى والنقد المستمر ، خليكوا منصفين

**hakoool** · 20-07-2014 10:34 PM

فى البداية ارجو من اى واحد مركبش العربية وجربها عدم الرد على الموضوع من الاساس
عشان فى كام عضو معروفين بالاسم لا ركبوا العربية ولا يعرفوها ومتخصصين فى انهم يردوا على اى موضوع على المنتدى بكلام مستفز وشتيمة فى العربية
فى الاول لازم نبقى فاهمين ان العربية من فئة سيارات المدينة ومن السيارات الصغيرة من نيسان يعنى لما نقارنها نقارنها بسيارة من نفس الفئة ونفس السعر
العربية بقالها اكتر من سنة مع العبد لله واى حد عايز يشترى عربية ويسألنى عليها مش بعلق غير على مشكلة تيل الفرامل لان تقريبا مفيش حاجة تانية اتكلم عليها ورغم كدا تقريبا كل اللى سألنى عليها جابها وجربها ومبسوط من اداءها وانا عن نفسى بالنسبة لتيل الفرامل غيروهولى مرتين مع الطنابير تبع الضمان يعنى مدفعتش جنيه
وللعلم رداءة خامة التيل مع التأكل مبتأثرش على كفائة الفرامل باى شكل من الاشكال
بالنسبة للصاج الحمد لله مع المحافظة عمره ما هيحصله حاجة ولاقدر الله فى حالة الحوادث الكبيرة كلنا عارفين انها مش هتفرق وربنا يحفظنا جميعا
بالنسبة للثبات دى راجعة لأسلوب القيادة فى المنحنيات اللى بيعرف يسوق اكيد مش هيبقى عنده الشكوى دى واكيد العربيات الالمانى هتبقى افضل
فياريت لو فيه شكاوى فردية من اى حاجة نعرف الناس تتصرف ازاى بدل ما نعمم المشكلة ونشتم فى العربية ونكره الناس فيها واكيد فيه شركات كبيرة منزلة عربيات بأخطاء اكبر بكتير من مشكلة تيل الفرامل وبتتحل المشكلة والعربية ببتباع وتنتشر زى ما الصنى بقت منتشرة فى كل حتة واكيد اللى بيشتروها مش سارقين الفلوس دى عشان يرموها فى عربية متستاهلش

**daliag** · 20-07-2014 11:14 PM

شكراا للافاده

**ibrahimsaad** · 21-07-2014 12:15 AM

انا معايا العربيه والحمد لله

وملاحظ كم الهجوم عليها المبالغ فيه وبصراحه بطلت ارد او ادافع عنها ولن ادافع عنها واللى عايز يكتب يكتب وانصح كل من لديه السياره ولم يعانى من مشاكلها الا يرد او يدافع عنها ويلتزم الصمت واللى عايز يشترى يشترى واللى مش عايز هو حر احنا مش مندوبين عن الشركه ولايهمنا اكثر من ان الخدمه تكون كويسه

ياريت ملاك العربيه مايخدوش الكلام بحساسيه وايضا ياريت من يهاجم ايضا يكون عنده موضوعيه

**medo-312** · 21-07-2014 12:17 AM

أحسن حاجة لما نلاقى موضوع للجماعة دول سيبوهم يرنوا ويكلموا نفسهم انا اخدت القرار ده وياريت أي حد من ملاك العربية ومقتنع بيها يتجاهل المواضيع دي ولا كأنها موجودة أصلا .. كل إللي بيدافع بيستفزوه والردود تزيد والموضوع بالتالي يفضل في الصفحة الأولى للمنتدى والإدارة مشكورة توقف العضو اللي هما بيستفزوه وده اللي هما عايزينه بالظبط
.. ياريت تكون المعلومة وصلت

**medokassem** · 21-07-2014 01:15 AM

طب العربيه النيو صني
لما تيجي تدورها تسمع تكتكته المارش ومش راضيه تدور
تروح تجبلها بطاريه ومش راضيه تدور
والغريب شاشه المعلومات اللي في العدادات من تحت مع اول سنه في الكونتاك بتنور بعد كده بتطفي حتي لما تحاول تجرب كان العربيه مش واصلها كهربا مع العلم تم شراء بطاريه جديده ونفس العيب ياتري حد عنده فكره من ملاك العربيه ممكن يكون ايه او عملتها مع اي حد ؟؟

**medo-312** · 21-07-2014 02:24 AM

المشاركة الأصلية كتبت بواسطة medokassem

طب العربيه النيو صني
لما تيجي تدورها تسمع تكتكته المارش ومش راضيه تدور
تروح تجبلها بطاريه ومش راضيه تدور
والغريب شاشه المعلومات اللي في العدادات من تحت مع اول سنه في الكونتاك بتنور بعد كده بتطفي حتي لما تحاول تجرب كان العربيه مش واصلها كهربا مع العلم تم شراء بطاريه جديده ونفس العيب ياتري حد عنده فكره من ملاك العربيه ممكن يكون ايه او عملتها مع اي حد ؟؟

روح التوكيل خليهم يفحصوا العربية أو شوف كهربائي سيارات كويس يبص على الدينامو

**medokassem** · 21-07-2014 02:58 AM

المشاركة الأصلية كتبت بواسطة medo-312

روح التوكيل خليهم يفحصوا العربية أو شوف كهربائي سيارات كويس يبص على الدينامو

مظنش ان دينمو خالص ممكن تكون حاجه ملمسه جوه في الكهربا ممكن الكنترول يونت فيه مشكله مش عارف والله هي مش عربيتي الحمد لله بس اتسحولت مع صاحبها 6 ساعات انها تدور مرضتش في الاهر ونش جيه شالها عل توكيل عدل
ممكن يكون فيوز يارب تبقي حاجه هبله

**hugan** · 21-07-2014 03:01 AM

ومع ذلك العربيه محققه نسبه عاليه في المبيعات والانتشار

**hakoool** · 21-07-2014 03:27 AM

المشاركة الأصلية كتبت بواسطة hunting_eagle

مش من حقك تقول مين يرد ومين لأ

اللي عايز يقول حاجة يقولها

لان اللى مركبش العربية كلامه فعلا ملوش لازمة غير انه استفزاز لملاك السيارة

-

الموضوع: بخصوص النغمة السايدة فى المنتدى عن سوء النيو صنى والنقد المستمر ، خليكوا منصفين

LinkBack

أدوات الموضوع

عرض

-

-

المواضيع المتشابهه

خليكوا فاكرين ما تنسوش

الكلمات الدلالية لهذا الموضوع

المفضلات

المفضلات

ضوابط المشاركة