الموضوع: الدراسة في اوكرانيا وروسيا

بص رايى تخليك فى المانيا او فرنسا
(افضل المانيا)
الهندسة فيها 3 سنين بس(الدراسة باللغة الالمانية)
الدراسة مجانية الف يورو فى التيرم
بس اعتقد عشان تعيش هناك محتاج تقريبا الف يورو شهرى
بس على ما اعتقد السنة الجديدة بدأت عندهم
بس اهلك موافقين على السفر

شوف ياباشا انا هقولك على الصح عشان أنا درست فى أوكرانيا سنة 2005 .. بالنسبة لمصاريف الجامعة كانت أيامها ب 1500 دولار شاملة التامين الصحى والسكن ، لكن طبعا الاكل ومصاريف الجامعة والانتقالات عليك . السكن فى الغالب زبالة زى بيوت الطلبة فى الجامعات والاسوء أنه بيبقى مليان طلبة سوريين وأكراد وصنين . وكل واحد منهم جاى من بلده بعادات وافكار منيلة بنيلة . ومفيش حد واضح فيهم . منهم اللى أبوه بيبعتله فلوس وهو مقضيها وسط البنات اللى بيضحكوا عليه والديسكوهات . ومنهم اللى شغال فى مطاعم شاورما او حرامى أو مهرب ويسرقك ويبيعك فى أى فرصة تجبله فلوس فيك . ولكن حقيقة وليست كلام كتب أن اللى بيتقى الله وبيركز فى الهدف التعليمى اللى هو جاى عشانه فربنا بيوفقه وبيوقفله اللى يساعده .
الدراسة بتبقى بالروسى واول سنة بتدرس فى جامعة تمهيدية بتعلمك الروسى . أوكرانيا جميلة جدا وبناتها اجمل . شعبها معظمهم حرامية ومرتشين ونصابين بس فى المجمل فى كتير منهم بردوا مثقفين ومبدعين والفن والنحت هو اجمل شى عندهم . بعد ما تخلص دراستك هتبقى أستاذ فى التحدث باللغة الروسية وده ممكن يخدمك انك تشتغل مترجم فى السياحة
تحياتى لك وأرجو ان أكون قد أفدتك