العربية بتبطل ع السلانسيه

**midozx** · 22-07-2014 05:16 PM

معايا مشكلة من ساعه ما اشتريت العربية ومش عارف سبب التبطيل على السلانسيه
من غير اى سبب تقوم فصله (شكك انه حساس اي جي ار ) بعد ما شفت موضوع بيتكلم عن الحساس
وساعات العربية وانا مسافر مشوار طويل تجى تتخنق وهيا فيه بنزين واسمع صوت جاى من وراء
زى زنه ابطل العربية وادور تشتغل ادوس فرامل تتخنق معايا ومش بتمشى حتى لو جبت اخر بدال البنزين دى ممكن تكون (اعراض طرامبه بنزين) واكشف عنه ازاى واتاكد انه هيا ؟

الماتور الايكوتك 2000 cc اتوماتيك

**hagagatc** · 23-07-2014 04:00 AM

هل لمبه الاعطال منوره

**midozx** · 23-07-2014 04:42 AM

المشاركة الأصلية كتبت بواسطة hagagatc

هل لمبه الاعطال منوره

لا

**midozx** · 23-07-2014 04:49 AM

مستنى رد خبراء الاوبل اوحد ينورنى بحل المشكله لانى مش عايزها تفتح معايا

**thug** · 23-07-2014 05:45 AM

هو ممكن كذا حاجه ......ملخص المشكله دي ان مفيش هوا وبنبزين كافي بيوصل للموتور في حاله السلانسيه
وده ممكن يكون ضخ ضعيف من طلمبه البنزين
او ممكن تزود شويه البيك بتاع الهوا عشان يدخلك بنزين زياده شويه
أو ان حساس الأيدل بايظ وخانق اوى البنزين وبرده يعملك الركه دي في السلانيه
واخيرا ممكن الكونترول اللى منظم الليله دي بيخرف

نصيحتي بقه خلي الميكانيكي يعليلك شوويه البنزين اللى داخل للموتور (الهواء والبنزين ) .......لو مظبطتش خلي نفس المكينيكي يفكلك خرطوم الراجع للتانك ( ويطفي العربيه ويجيب ازازه فاضيه عشان البنزين مايقعش عالموتور وهو سخن ) ويفك الخرطوم ويحط الإزازه مكان الخرطوم وبعدين تدور العربيه وشوف سرعه تدفق البنزين اللى راجع للتانك لو سريع يبقي طلمبه البنزين كويسه ولو مفيش راجع أو ضعيف ....خلي نفس الميكانيكي ينضفلك دوره البنزين بمسدس الهوا ...ولو مفيش راجع برده يبقي غير طلمبه البنزين

**hagagatc** · 23-07-2014 10:10 AM

المشاركة الأصلية كتبت بواسطة thug

هو ممكن كذا حاجه ......ملخص المشكله دي ان مفيش هوا وبنبزين كافي بيوصل للموتور في حاله السلانسيه
وده ممكن يكون ضخ ضعيف من طلمبه البنزين
او ممكن تزود شويه البيك بتاع الهوا عشان يدخلك بنزين زياده شويه
أو ان حساس الأيدل بايظ وخانق اوى البنزين وبرده يعملك الركه دي في السلانيه
واخيرا ممكن الكونترول اللى منظم الليله دي بيخرف

نصيحتي بقه خلي الميكانيكي يعليلك شوويه البنزين اللى داخل للموتور (الهواء والبنزين ) .......لو مظبطتش خلي نفس المكينيكي يفكلك خرطوم الراجع للتانك ( ويطفي العربيه ويجيب ازازه فاضيه عشان البنزين مايقعش عالموتور وهو سخن ) ويفك الخرطوم ويحط الإزازه مكان الخرطوم وبعدين تدور العربيه وشوف سرعه تدفق البنزين اللى راجع للتانك لو سريع يبقي طلمبه البنزين كويسه ولو مفيش راجع أو ضعيف ....خلي نفس الميكانيكي ينضفلك دوره البنزين بمسدس الهوا ...ولو مفيش راجع برده يبقي غير طلمبه البنزين

٢٠٠٠ سي سي ايكو تك مفيهوش بيك هوا دا بيكون في الكربيراتير
الليله كلها من الكمبيوتر العربيه هو الي بيزود ويقلل بنزين علي حسبب قرايات الحساسات

**hagagatc** · 23-07-2014 10:17 AM

لو صوت ونه حاسه جاي من تحت الكنبه الخلفيه ده صوت طرمبه البنزين بس بيظهر لما التانك يكون فيه ٢٠ لتر او ااقل
ولو زاد بعد كده علي تفويله كامله مثلا ممكن تكون وساخه في الفلتر المهم المفروض تراجع فلتر البنزين يكون مسدود وهو الي عامل كل المشاكل دي وبرضه اكشف علي ضغط الطرمبه هو الي حيبين
اتاكد العمه بتاعت الهوا راكبه كويس ميكونش فيها قطع مثلا

**midozx** · 23-07-2014 03:03 PM

المشاركة الأصلية كتبت بواسطة hagagatc

لو صوت ونه حاسه جاي من تحت الكنبه الخلفيه ده صوت طرمبه البنزين بس بيظهر لما التانك يكون فيه ٢٠ لتر او ااقل
ولو زاد بعد كده علي تفويله كامله مثلا ممكن تكون وساخه في الفلتر المهم المفروض تراجع فلتر البنزين يكون مسدود وهو الي عامل كل المشاكل دي وبرضه اكشف علي ضغط الطرمبه هو الي حيبين
اتاكد العمه بتاعت الهوا راكبه كويس ميكونش فيها قطع مثلا

ايوة دة الا بيحصل بس الصوت دة اما بيظهر العربية بتتخنق ومش بتمشى غير اما ابطل وادور واحس انى بدال البنزين بينزل كله ومفيش مشى بالعربية ياعنى العزم فى الهواء
وع فكره انا مغير فلتر بنزين جديد
هكشف على ضغط الطرمبه بقا لانى شكك فيه
بالنسبه للعمه راكبه كويس ومفيش اى قطع

**midozx** · 23-07-2014 07:45 PM

السؤال معايا هل حساس اي جي ار لو مش نظيف يعمل معايا كده ؟

**midozx** · 24-07-2014 03:37 AM

فين خبراء الاوبل فين فادى باشا بجد محتاج حد يرد عليه لانى بخاف العربيه تعمله معايا

الموضوع: العربية بتبطل ع السلانسيه

LinkBack

أدوات الموضوع

عرض

-

-

-

-

المواضيع المتشابهه

العربية بتبطل على السلانسيه مع تشغيل التكييف

العربيه بتبطل على السلانسيه

العربية بتبطل فى السلانسيه

العربية بتبطل على السلانسيه!!

العربية بتبطل علي السلانسيه والتكييف شغال

الكلمات الدلالية لهذا الموضوع

المفضلات

المفضلات

ضوابط المشاركة