الموضوع: حاجه غريبف في السرعه و الار بي ام

المشاركة الأصلية كتبت بواسطة magdy_momo

دلوقتي يا جماعه انا لسه شاري عربيه اكسيل
المهم انا حاسس ان العربيه مكتومه اوي واضح ان صاحبها مكنش بيجري بيها
هي العربيه 1500
دلوقتي حاسس ان في حجات مش طبيعيه فيها
لما اجي افصل الارب ام بيوصل لغايه شرطه الاحمر
لكن مثلا لما اجي احرق علي غيار الاقي الاربام مش عايز يعدي الاربعه مهما عملت
حتي و انا مسافر
اقصي سرعه للعربيه 140 و الاربام علي 4 برده مش عايزه تزود خالص عن كده
و لا الاربي ام و لا السرعه
مش عارف ده ايه يكون السبب
انا حاسس ان الموضوع ملغبط بس مش عارف اظبطه عن كده

طبعاً انا اعتقد ان العربية دي لو موديل 1998 حتكون كاربيتراتير صح ؟؟
فلو كدا روح لميكانيكي نضيف يشفلك البكات بتاعت البنزين و يظبطلك الكربراتير و يشفلك الفلتر و لو مفيش حاجة فيهم و هم 10/10 بلاش تقرص علي العربية في الاول جامد ( علشان هي مخنوقة مش متعوده علي المشي بالطريقة دي فاهمني )
الحاجة الثانية ممكن يكون طقم البوجيهات مكربن ( فيه كربون عليه عايز تنظيف او تغير ) برده بص عليه عند الميكانيكي
و برده راجع علي طقم الكهربا الابلاتين و الكندنسر و الاسبراتير شوف ايه النظام بتعاعهم
راجع الاشياء الي انا قلتهالك و ان شاء الله كل حيبقي تمام
وربنا يوفقك

المشاركة الأصلية كتبت بواسطة magdy_momo

اه هي العربيه موديل 93
و ان شاء الله هراجع علي العربيه و اوافيكم بالنتيجه
و بالمناسبه انا حطيت زيت موبيل 1 اللي هو 96 جنيه ده
هو كده الزيت كويس و لا ايه

طبعاً موبيل 1 من الزيوت المحترمة

على فكرة دة بالظبت نفس الاعراض الى فى عربيتى ومش لاقلها حل جالانت 91 الفين سى سى

بس العربية قديمة مكنش المفروض تحطلها زيت تخليقي

اعتقد لو المتور لسة بحالتة يبقا عادى نحطلة تخليقى صح كدة ولا اية

معلش يا جماعة انا لي سؤال ايه الفرق بين الزيت المعدني و التخليقي ( انا عارف ان في دا و دا في السوق و لكن لا اعرف الفرق و مين احسن و ايه المميزات و العيوب للاثنين ممكن من فضلكم ؟؟؟ )