الموضوع: i 10 club

كنت عايز اعرف الجنط 14 كويس معاك وايه اخباره ؟؟ فارق
انا سايبها بكوتشتها زي ماهي وكنت عايز اغير واجنط و هل لو غيرت الجنط هغير كوتشات برده ع نفس المقاس ؟؟

المشاركة الأصلية كتبت بواسطة mohamed_ayman

يا جماعه ممكن استشارة

انا عايز اجيب i10 لزوجتى
معروض علي واحدة 2012 ماشية 38 الف رشة جنب.
70 الف كويس وللا كتيير .. انا شايف السعر مبالغ فيه وللا ايه رايكوا

راشه جنب بابين والرفرف ولا عتب وقايم كمان ؟

المشاركة الأصلية كتبت بواسطة محمد بلال

ايه اخبار الاوبشن الداخلى ووسائل الامان بها واخبار التكييف فيها فى ظل موتور 1200 سى سى

هيا 1100 cc

المشاركة الأصلية كتبت بواسطة beam28

انا معايا الآي تن موديل 2010 الاتوماتيك نصف كماليات بقالها حوالي اربع سنين ونصف عاملة حوالي 80 الف كيلومتر.
انطباعي عنها بعد هذه المدة كالأتي:

العربية في المجمل ناعمة وكويسة سهلة القيادة بالذات داخل المدينة وفي الزحمة.
التسارع معقول ولو مشغل التكيف ومحمل بيبقى ضغيف وبتضطر تعمل كيك داون كتير عشان تجمع.
مافيش مشاكل واجهتني جسيمة وعمرها ماعملت اي حركة ندالة واعتماديتها عالية.
التكيف اداؤه مش عاجبني من يوم ماجبت العربية واحنا عندنا الماتريكس كان تكيفها تلاجة (ودلوقتي باظ الكمبريسور كمان).

نيجي للعيوب بقى اللي ظهرت:

عند عشرين الف كيلومتر علبة الدركسيون باظت وغيرتها في الضمان
دلوفتي عند التمانين علبة الدركسيون باظت تاني وعايزة تتغير المرة دي برة الضمان وعاملة 2500 جم
التوكيل قالي ان كمان فيه حاجة اسمها قطمة الدركسيون عايزة تتغير ودي تمنها 3500 جم
المفاجأة بقى ان الكمبريسور بتاع التكيف كمان عايز يتغير لأنه بيعمل صوت خشن وده تمنه 5000 جم

يعني العربية عايزة حداشر الف جنيه عشان اصلح حاجات المفروض انها تستحمل شوية العربية ماكملتش حتى ال 100 الف كيلو. وانا قيادتي معتدلة ومش بتاع جري بس للأمانة التكيف بشغله على طول صيف وشتا واحتمال يكون ده السبب ان الكمبريسور باظ.

غالبا كده العربية جابت آخرها وإن شاء الله هابيعها وكفاية عليها كده الفترة اللي فاتت كتر خيرها.

أي استفسارات انا في الخدمة.

'طب ايه الاعراض بتاعة علبة الدريكسيون؟ اصلي مش حاسس باي حاجة غريبة غير ان مع الملفات الدريكسيون مش بيرد لوحده انت بترجعه بنفسك وكنت بظبط زوايا الفني قاللي علبة الدريكسيون تعبانة هل الكلام دة صحظ