ياريت كل اللى معاه العربية الاى تن يشترك معانا باى حاجه تقابله حلوة او وحشة ونتناقش فيها مع بعض
عرض للطباعة
ياريت كل اللى معاه العربية الاى تن يشترك معانا باى حاجه تقابله حلوة او وحشة ونتناقش فيها مع بعض
انا معايا i 10 كوردى 2008 مغير لها الكاوتش بتاعها والجنط 15 وجاهز لاى استفسار
Shedoz رايك ايه فى السياره
يوجد ضرضرة معايا مع الغيار الاول بعد العربية متسخن بس مش على طول حد قبلته المشكلة دى
فكرة ممتازة وياريت يبقي جروب للعربية زي الجيتز
ما عملين كده
وبصراحة اي سؤال عن العربية بخش الجروب
انا معايا واحدة 2013 اوتوماتيك
هي عربية حلوة و تكييفها جميل
بس سؤال انا ساكن في المقطم اعمل لها صيانات فين؟
محدش عنده عيوب يطرحها ونحلها مع بعض
هبدا بنفسي التكييف الهوا بتاعه ساقع جدا لكن مبيغطيش العربية كلها غير لما يكون على 3او 4 حد قبلته المشكلة دى
يا عم لو ركبت افيو هتبوس ايدك وش و ظهر عيل تكييف ال اي تن
انا معايا اي ١٠ سعودي ٢٠١٣ عند ١٠ الاف كيلو و انا مسافر على طريق سريع للاسف المكيف حصل في عطل في مروحه المكيف بقى سرعه ٤ كانها ١ و نص كدا طبعا مشيت الضهر في جو حر جدا و كنت بموت لكن التوكيل صلح العطل مجانا
اللي فهمتو من التوكيل لعدم تكرار المشكله
١ - متطفيش العربيه و المكيف شغال ... طفي المكيف الاول
١ لو ماشي فوق ٨٠ و مش مشغل المكيف و عايز تشغلو لازم تهدي السرعه لتحت ٨٠ مش فاهم ليه
طبعا انا مركيب جنوط ١٤ و ممتازه على العربيه و شاشه بكاميره و بلوتوث و نظام ملاحه مصابيح ليد امامي قالبها مرسيدس
و اي استفسار انا فالخدمه
انا معايا واحدة 2013 انا شاريها مستعملة بس كانت عاملة حادثة و اتصلحت في الرفرف و الشاسيه الشمال قدام
فيها رجة علي سرعة 100 هل لو ركبت نط 14 ممكن تظبط شوية
عربيه جميله:tumb:
كمية الزيت مع تغيير الفلتر كام لتر ومن غير الفلتر كام لتر لان بقيس الزيت لقيته فوق العلامة بشوية
دوروا باسم hyundai i10 egypt club علي الفيسبوك
مجموعه حلوه مشتركين فيه و انا معاهم
و جاهز برضه لاي استفسار بخصوص العربيه
اخبار الجنط ايه
منشف العربيه و لا لا
و هل طلع لك بلالين
و كل ال i10 هندي بالمناسبه مفيش كوري
يعني ايه ضرضرة
التكيف بيسحب من قوه و عزم المتور
و فوق ال 80 بيبقي المتور محمل و ال rpm عالي
ففتح التكيف علي السرعه دي بيسبب ضغط مفاجي علي المتور و الكمبروسور
و ممكن صور للمصابيح الليد الامامي جبتهم منين
جرب ترصص الاول
المفروض مع الفلتر 3 لتر
معرفش من غيره كام
الكاسيت المعفن اللى نازل فيها حد عارفله مكان توكيل ولا ضمانه اد ايه
حد باظ معاه الكاسيت؟؟
الكاسيت كل شوية يهيس ده غير ان فى اجزاء ساحت من الشمس بالرغم من ان العربية بقالها 6 شهور ومعظم الوقت واقفة ومتغطية!!!!
انا معايا الآي تن موديل 2010 الاتوماتيك نصف كماليات بقالها حوالي اربع سنين ونصف عاملة حوالي 80 الف كيلومتر.
انطباعي عنها بعد هذه المدة كالأتي:
العربية في المجمل ناعمة وكويسة سهلة القيادة بالذات داخل المدينة وفي الزحمة.
التسارع معقول ولو مشغل التكيف ومحمل بيبقى ضغيف وبتضطر تعمل كيك داون كتير عشان تجمع.
مافيش مشاكل واجهتني جسيمة وعمرها ماعملت اي حركة ندالة واعتماديتها عالية.
التكيف اداؤه مش عاجبني من يوم ماجبت العربية واحنا عندنا الماتريكس كان تكيفها تلاجة (ودلوقتي باظ الكمبريسور كمان).
نيجي للعيوب بقى اللي ظهرت:
عند عشرين الف كيلومتر علبة الدركسيون باظت وغيرتها في الضمان
دلوفتي عند التمانين علبة الدركسيون باظت تاني وعايزة تتغير المرة دي برة الضمان وعاملة 2500 جم
التوكيل قالي ان كمان فيه حاجة اسمها قطمة الدركسيون عايزة تتغير ودي تمنها 3500 جم
المفاجأة بقى ان الكمبريسور بتاع التكيف كمان عايز يتغير لأنه بيعمل صوت خشن وده تمنه 5000 جم
يعني العربية عايزة حداشر الف جنيه عشان اصلح حاجات المفروض انها تستحمل شوية العربية ماكملتش حتى ال 100 الف كيلو. وانا قيادتي معتدلة ومش بتاع جري بس للأمانة التكيف بشغله على طول صيف وشتا واحتمال يكون ده السبب ان الكمبريسور باظ.
غالبا كده العربية جابت آخرها وإن شاء الله هابيعها وكفاية عليها كده الفترة اللي فاتت كتر خيرها.
أي استفسارات انا في الخدمة.
انا الكاسيت عندي كان جولدي
و لما استلمت العربيه الضمان بتاعه و المانوال كانوا في الطبلون
لو مخدتهمش كلم التوكيل يديك اسم و عنوان توكيل الكاسيت
ما شاء الله و ربنا يبارك لك فيها
انا مختلف معاك في انها ناعمه و ان التكيف علي قده
بس الله اعلم هل دي في الشكل القديم و غيروها و لا لا
بالنسبه للعيوب كان الله في عونك
حوار علبه الدريكسيون ده منتشر في اغلب الهيونداي و ناس اشتكت منه في الماتريكس و الالنترا
واضح ان المورد بتاعهم تعبان
و للاسف اللي انت بتقوله ده هو اكبر عيب لل i10 و هو ان ملهاش قطع غيار بره التوكيل و لازم تلجا اليه و طبعا اسعاره شمط
عموما حاول تسال علي حاجات البيكانتو الشكل القديم المفروض انها نسخه ال i10 و المفروض ميكانيكيا الاتنين واحد
هما تقريبا كل سنه بيغيروا نوع الكاسيت
عموما انصحك بتغييره هو و السماعات المعفنه اللي راكبه
انا عملت كده و الفرق كبييييير
2014 الكاسيت القذر ده
صوت زبااااالة
بيهيس كتيييير جدا تدوس على زرار يعملك حاجة تانية بتاعة زرار تانى وكل الزراير كده
الجديد بقى ان لقيت حتت فى الوش ساحت من الشمس
العربية زيرو مكملتش 6 شهور ومبتتحركش كتير اصلا واغلب الوقت متغطية
هو فعلا حله التغيير بس بعد لما اعملهم فضيحة الاول واخد حقى
تم بيع الاى تن والحمد لله
يارب الصفحة تفضل شغالة
السلام عليكم ورحمة الله وبركاته
انا ان شاء الله يوم الخميس هجيب هيونداي i10 2015 الحمد لله :ask:
ممكن انضم معاكم عشان انا دي اول عربيه ليا:post:
من ناحيه قويه و تستحمل
فهي قويه وتستحمل جدا جدا
انا شخصيا ممرمط العربيه
مشكلتها فعلا في قطع الغيار و انها مش متوفره خارج التوكيل عشان هي هندي
و معتقدش باي حال من الاحوال ان الجيلي هتكون احسن في النقطه خصوصا و انهم نفس التوكيل
بس الاكيد ان ال i10 اعتماديه اكتر
العربيه اللي افضل من ال i10 فعلا هي البيكانتو و دي معروفه
و مؤخرا دخلت السويفت و الميراج في اللعبه بس دول لسه جداد و ان كان عيبهم هي نفس عيب ال i10 لكنهم اكتر تجهيزا و امانا و سعرا طبعا