الصيانة خارج التوكيل و المفروض اعمل ايه و لتوكيل اسعارهم خيالية و العربية عيوبها كتير

**theblackpirate** · 29-07-2014 02:20 PM

حضرتك جبت التيل ب300 جنيه منين عشان فى التوكيل دلوقتى بالتركيب 650 جنيه وغيرت التيل فى الضمان ولالا

**د/ عمرو فاروق** · 29-07-2014 02:40 PM

الاخ العزيز تحيه طيبه وبعد انا مش بنصحك انك تخرج خارج الضمان بسبب مبلغ ده لان العربيه وعن تجربه من ناس قريبين ممكن يحصل مشكله كبيره زى الماتور او الفتيس سعتها المبلغ حيببقى صعب اما التغيرات موجودة فى الكتب ونصيحه تستعوض ربنا وتروح تعمل الصيانه ومش تقول انك غيرت حاجه برة ودى نصيحه

**RamiAbbas** · 29-07-2014 11:25 PM

المشاركة الأصلية كتبت بواسطة theblackpirate

حضرتك جبت التيل ب300 جنيه منين عشان فى التوكيل دلوقتى بالتركيب 650 جنيه وغيرت التيل فى الضمان ولالا

انا غيرت في التوكيل 3 مرات من ابو 650 جنية مرتين على حسابي و اخر مرة غيروا التيل و الطنابير في الضمان و كان معاهم الكاليبر بتاع الفرامل .. طقم فرامل كامل و مرتين خارج التوكيل
خارج التوكيل بيكون تيل تويوتا كورولا تمنه 150 و باعمل الطنابير خراطة ب 40 جنية و الميكانيكي بياخد 50 جنية تركيب يعني كله 240 جنية ... التيل بتاع التوكيل بيكمل ال 8 الاف بالعافية التيل اللي بره واحد قعد معايا 10 الاف و التاني 12 الف كيلو

**RamiAbbas** · 29-07-2014 11:28 PM

المشاركة الأصلية كتبت بواسطة د/ عمرو فاروق

الاخ العزيز تحيه طيبه وبعد انا مش بنصحك انك تخرج خارج الضمان بسبب مبلغ ده لان العربيه وعن تجربه من ناس قريبين ممكن يحصل مشكله كبيره زى الماتور او الفتيس سعتها المبلغ حيببقى صعب اما التغيرات موجودة فى الكتب ونصيحه تستعوض ربنا وتروح تعمل الصيانه ومش تقول انك غيرت حاجه برة ودى نصيحه

انا حاليا ما فيش 1000 جنية حتى معايا ممكن اعملها المرة الجاية او اول ما تيجي فلوس طالما الموضوع ممكن يكبر اوي كده ... و احنا في مصر بيتنصب علينا غصب عننا و بالعافية و مالناش حق لا بقانون و لا بأي حاجة .

**theblackpirate** · 30-07-2014 02:52 AM

المشاركة الأصلية كتبت بواسطة ramiabbas

انا غيرت في التوكيل 3 مرات من ابو 650 جنية مرتين على حسابي و اخر مرة غيروا التيل و الطنابير في الضمان و كان معاهم الكاليبر بتاع الفرامل .. طقم فرامل كامل و مرتين خارج التوكيل
خارج التوكيل بيكون تيل تويوتا كورولا تمنه 150 و باعمل الطنابير خراطة ب 40 جنية و الميكانيكي بياخد 50 جنية تركيب يعني كله 240 جنية ... التيل بتاع التوكيل بيكمل ال 8 الاف بالعافية التيل اللي بره واحد قعد معايا 10 الاف و التاني 12 الف كيلو

طب سؤال اخير انت بتعمل الطنابير خراطه عشان تظبطها على التيل بتاع التويوتا ولا بتعمله خراطه عشان بيكون فيها مشاكل
وكنت بتعمل الصيانه لما بتغير التيل فين عشان لو اوتو ايجبت كاتوا هيغيره فى الضمان

**RamiAbbas** · 30-07-2014 07:33 PM

المشاركة الأصلية كتبت بواسطة theblackpirate

طب سؤال اخير انت بتعمل الطنابير خراطه عشان تظبطها على التيل بتاع التويوتا ولا بتعمله خراطه عشان بيكون فيها مشاكل
وكنت بتعمل الصيانه لما بتغير التيل فين عشان لو اوتو ايجبت كاتوا هيغيره فى الضمان

الخراطة بتكون عشان يعدل الوش بتاع الطنابير و يخليه عدل عشان التيل الجديد ما يتاكلش بسرعه
ممكن ما تعملهاش لو حابب او لو الطنابير كويسة و مش محتاجة
التيل بتاع التويوتا الميكانيكي بيقص حته صغيرة من الدراع اللي بيمسكه عشان يبات في مكانه مش اكتر لكن مافيش فيه اي نوع من المشاكل ظهرت معايا
و الصيانة انا باعملها في اسكندرية كنت باعمل في اسكندرية الهندسية بس عندهم الصيانة زي الزفت العربية بتدخل زي ما بتطلع ما بيعملوش حاجة فيها دخلت بفانوس في لمبة محروقة طلعت زي ما هي
و اخر كام مرة عملت في مرعي بتاع سموحه في اسكندرية كان احسن شوية بس معاملة الناس هناك شيئ مقزز لدرجة تحسسك انك رايح تاخد منهم صدقة مش تعمل صيانة لعربيتك بفلوسك و اسلوب مستفز جدا و العربية بتاخد في الصيانة عندهم 4 ساعات على الأقل ... و التيل و الطنابير غيرتهم في الضمان مرة واحدة و ده طبعا بعد ما تيل من ابو 650 جنية اتاكل بعد 6 الاف كيلو و بوظ النطابير خالص رحت عملت شكوى في الشركة الياباني راحوا باعتين للشركة في مصر و هما كلموني و تابعوا معايا و بعد اكتر من شهر كامل مكالمات و العيب من عندك مش من عندنا و تهديد من ناحيتي اني هاكلم الشركة الياباني تاني قالوا انهم هيغيروا طقم الفرامل كله كنوع من "اقعد ساكت و ما تقرفناش تاني" و لما اتصلت بيهم و قلت على نفس العيب اللي ظهر في التيل و الطنابير الجديدة اللي لسه راكبه قالولي بالحرف "انت ليك عندنا ضمان عليهم 3 الاف كيلو بعد كده مالناش دعوة" .