الكورولا عربية جميلة اوى... وولله من ساعة ما جبتها بقيت افرح بالمشاوير رغم انى بسوق من سنين وكنت باشيل هم اى مشوار.... لكن بعد الكورولا الموضوع اختلف معايا تماما.

العربية شيك اوى ورغم انها معاي بقالها تقريبا 8 شهور... الا انى بحب جدا الوقت اللى بانزل فيه من العربية علشان افتح الجراج... ووانا راجع تانى علشان اسوق العربية ادخلها فى الكام خطوة دول بقعد ابص على العربية والنور وسحبة الفوانيس وشياكة الجنب ... باحمد ربنا انه وفقنى للاختيار ده.... ربنا يحفظها ليا ويحميها يارب من عيون الناس..

اللى عايز اقوله: فى ناس بتدور على عربية ترتاح فى سوافتها... الكورولا 2014 عربية تخليك تحب سواقتها...