هل تويوتا كورولا 2015 افضل ولا رينو فلوانس 2015 افضل؟ و ليه؟
و هل جربت العربيتان او واحده منهم؟
عرض للطباعة
هل تويوتا كورولا 2015 افضل ولا رينو فلوانس 2015 افضل؟ و ليه؟
و هل جربت العربيتان او واحده منهم؟
شوف الموضوع دا ممكن يفيدك
http://www.nilemotors.net/Nile/41706...s-corolla.html
وانا اختياري الكورولا
كنت محتار زيك بالظبط، واستخرت الله في الكورولا والحمدلله العربيه ممتازه
استخير ربنا واسأل ملاك السيارتين (انا عملت كده)
رأيي انا
لو معاك تجيب كورولا تاني فئة اللي ب190 الف و معاك تصرف على قطع غيارها الاغلى من الفلوانس , فتوكل على الله هي احسن عربية في الفئة دي بلا منازع , ما ظهرش فيها مشاكل و فيها ESP :)))))))
لو ما يهمكش الESP و ما يهمكش ظهور بعض المشاكل اللي بتتحل , و يهمك الاوبشن الاكتر و قطع الغيار الارخص يبقى هات الفلوينس
لو ميزانيتك اقل من كده , يبقى الفلوانس , العربية فنيا كويسة جدا , ماعدا بعض عيوب الصناعة اللي ظهرت في دفعة ما و لحد دلوقت مافيش تأكيد انها هاتظهر تاني , بعضها استدعى تغيير الموتور في الضمان و بعضها استدعى تغيير قطمة الدركسيون في الضمان برده , و كأوبشن هي الاعلى في الفئة دي حتى بالمقارنة بالكورولا
لو ما يهمكش الاوبشن خااااااااااااالص لكن يهمك اعادة البيع و يهمك عربية مافيهاش مشاكل , يبقى كورولا اول فئة
دي مقارنة سريعة في فئة 190 ألف , و لو فيها حاجة فايتاني فأكيد محمد هاني هايظهر يصحح لي :)
الفئة اللي ب188
الكورولا هاتاخد منها ايه مش في الفلوينس ؟
1- ESP
2- TRC
4- Sport MODE
8- حساسات ركن امامية
9- ركن اتوماتيكي Auto Park
الفلوينس هاتديك ايه مش في الكورولا ؟
1-راديو سي دي 8 سماعات مقابل 6 في الكورولا
2- ستة ايرباج مقابل اتنين في الكورولا
3- Smart Entry
4- Start engine
5- حساس ضوء
6- حساس مطر
7- فتحة سقف
8- فتحة تكييف خلفية
9- فرش جلد
10 - مسند رأس الرباعى الضبط
11- ستائر خلفية و جانبية
12- زينون ذو ظبط افقي و رأسي اتوماتيكي و بخاخات تنظيف
13- فوانيس امامية عدسات
14- مخرج 12 فولت خلفي
15- عدادات ديجيتال
16- distant lightning function
17- غلق سنتر العربية بمجرد التحرك لسرعة 10 كم/ساعة
18- قطع غيار ارخص نسبيا
كورولا
تصحيح للمشاركة السابقة
اقتباس:
ماعدا بعض عيوب الصناعة اللي ظهرت في دفعة ما و لحد دلوقت مافيش تأكيد انها مش هاتظهر تاني
كورلااااااااااااااااااااا ااااااااااااا بدون تردد الفئه التانيه بصرف النظر عن الاوبشن التويوتا عربيه اعتماديه وكفاءة عاليه وانيقه جدا بالاضافه انك هتشترى راحه بالك مع التويوتا وكمان حاجه مهمه جدا سهوله اعاده البيع والمحافظه على قيمتها وسعرها لدرجه ان التجار بتقول التويوتا فلوسها فى شنطتها
ما أنت لو سألت السؤال ده في قسم فلوانس .. الناس حتقول فلوانس بدون منازع .
رأيي الشخصي .. الاتنين حلوين .. وكل عربية ليها مميزات وليها عيوب لأن الكمال لله وحده .. شوفي أنت عاوزة أيه ومرتاحة لأيه في الركوبة وقبل القرار النهائي لابد من الاستخارة اللي حتحدد الاختيار والأنسب ليكي بشكل كبير .
هو قطع غيار الكورولا ارخص من الفلونس ولا ايه
كورولا بدون تردد
وفي رأيي الخاص.. ابعد عن السيارات الأوروبية إذا كنت عايز عربية تسعفك وقت الزنقة ( يعتمد عليها ).. وكمان لما تحب تبيعها تلاقي 1000 مين عايز يشتري ... وكمان تلاقي فلوسك راجعالك
باختصار.. ليه التويوتا والياباني عموما سعر إعادة البيع بتاعها عالي
أكيد ليه أسبابه
...
اختيارين موفقين بس كل واحدة في فئتها السعرية يعني ايه
يعني لو معاكي ١٩٠ الف هاتي كورولا بدون تفكير لكن لو معكيش يكفي يبقي فلوانس
أ. تامر كفى ووفى .. بس ليا تعليق على حته سعر قطع الغيار .. الكورولا الجديدة تعتبر في السوق أحدِث بكتير من الفلوانس ، حتى مع الفيس ليفت للفلوانس ٧٠٪ من العربية واحد تقريبا الإختلاف في الإكصدام الأمامي والشبكة والفاونيس العدسات وطبعا الموتور والفتيس. فطبيعي إن قطع الغيار للكورولا تكون غالية بالنسبة للفلوانس وطبعا هتقل مع الوقت أكتروأكتر وهتتوفر عند التجار خارج التوكيل. طبعا ملاك الكورولا عارفين الموضوع ده أكتر مني ويقدرو يقولو أسعار قطع الغيار كانت بتقل إزاي مع مرو الوقت.
احب اضيف قوة الموتور لصالح الكورولا بفرق ملحوظاقتباس:
المشاركة الأصلية كتبت بواسطة تامر.محمد
قوة التكييف اصالح الكورولا برغم وجود فتحات تكييف خلفية في الفلوانس
الغلوانس 8 سماعات و لكن جودة الصوت في ااكورولا اعلي بفرق ملحوظ رغم انها 6 سماعات
الكورولا الاستبن بتاعها جنط سبور بنفس المقاس بعكس الفلوانس
مسند الراس رباعي الضبط بتاع الفلوانس مبقاش ينزل بقالو كذا دفعة
ااكورولا فيها امكانية وجود تابلوه لونين .
في اانهاية هي باكيدج و الاختيار للارتياح و انا ارتحت في ااكورولا و راضي و الحمد لله
الفلوانس المذكورة هاي لاين .. فأظن المسند الرباعي موجود حاليا في الهاي لاين بس .. والله أعلماقتباس:
المشاركة الأصلية كتبت بواسطة mohamed.hany
مسند الرأس الرباعي كان بينزل من الفئة اللي قبل الهاي لاين اللي بفتحة سقف في الدفعات السابقة لكن دلوقتي شالوه خالص و مبقاش ينزلاقتباس:
المشاركة الأصلية كتبت بواسطة ahmed_m_ashraf
كورولا
الكورولا عربية جميلة اوى... وولله من ساعة ما جبتها بقيت افرح بالمشاوير رغم انى بسوق من سنين وكنت باشيل هم اى مشوار.... لكن بعد الكورولا الموضوع اختلف معايا تماما.
العربية شيك اوى ورغم انها معاي بقالها تقريبا 8 شهور... الا انى بحب جدا الوقت اللى بانزل فيه من العربية علشان افتح الجراج... ووانا راجع تانى علشان اسوق العربية ادخلها فى الكام خطوة دول بقعد ابص على العربية والنور وسحبة الفوانيس وشياكة الجنب ... باحمد ربنا انه وفقنى للاختيار ده.... ربنا يحفظها ليا ويحميها يارب من عيون الناس..
اللى عايز اقوله: فى ناس بتدور على عربية ترتاح فى سوافتها... الكورولا 2014 عربية تخليك تحب سواقتها...
+11111اقتباس:
المشاركة الأصلية كتبت بواسطة maxidizer
لخصت اللي عايز اقوله، الله ينور ربنا يحفظهالك ولنا جميعا
الكورولا للاعتمادية واعادة البيع طبعا
الفليونس ارخص واعادة بيع خاسرة
بصفتك جربت مع ملاك الفلوانس فاكيد كلامك صح فيما يخص الفنيات دياقتباس:
المشاركة الأصلية كتبت بواسطة mohamed.hany
بس المسند الرباعي ما بقاش ينزل في ام 188 فعلا ؟؟
بالنسبة لحتة التابلوه اللونين , الصراحة التابلوه الاسود كله من وجهة نظري مش حلو خالص و الاسود في بيج فارق عنه كتير اوي
رأي برضو ان البيج احلي بس هي ازواقاقتباس:
المشاركة الأصلية كتبت بواسطة تامر.محمد
اقتباس:
المشاركة الأصلية كتبت بواسطة maxidizer
أستااااااااااااااااذ
بصراحة... العربية تستاهل... ربنا يباركلك فيها
...
فرأي الكورولا
هل الفلوانس الفئة هاي لاين (188 الف جنيه ) مو 2104 هل يوجد بها .....جزء ابانوس بعرض التابلوه.....ام لا ؟؟؟؟؟
لأاقتباس:
المشاركة الأصلية كتبت بواسطة Abu Reem
بغض النظر عن موضوع الكماليات اهم حاجة في العربية الموتور والفتيس الي هما المخ والعضلات دول تمام نبص بعد كدة على الكماليات لانك لو دخلت في دوامة تصليح في عربية زيرو والقصة دي مش سهلة وهاتمرمنط وهاتبقى عامل زي توفيق الدقن في فيلم البحث عن فضيحة
طبعا التويوتا في جميع عربياتها -بغض النظر عن اي عيوب تانية ثانوية - الات جر ولا كلمة
وللاسف الرينو عندها تكة في الموضوع ده سواء في الموتور الي بياكل زيت او الغتيس الي بينتش
والمثل بيقولك الباب الي يجيلك منه الريح سده واستريح
الموتور اللي بياكل زيت , حصل و فيه تكة فعلا و ان كانت مش مع كل الناس ...
اما نتشة الفتيس فدي مش في الفتيس ده , الا ان كان نتش و انا ماعرفش , بقى لي شوية مش متابع :)))
اعتقد النتشة كانت في الموديلات السابقة لفلوانس في الفتيس العادي مش الفتيس الcvt الموجود حالياً في فلوانس وكرولا
كلام سليم مفيش نتشة خالص يمكن يكون قصده عاي الرجة اللي بتحصل و خانه التعبير ؟اقتباس:
المشاركة الأصلية كتبت بواسطة bassem.naguib
ممكن .... بس النتيجة واحدةاقتباس:
المشاركة الأصلية كتبت بواسطة mohamed.hany
في الفئة دي الكورولا ثم سيراتو الجديدة وانا موش برشح الفلوانس
انت تقريبا قريت كل المقارنات بين العربيات دي و مش عارف اوصل لقرار ... ارجو المساعداقتباس:
المشاركة الأصلية كتبت بواسطة Adnfalcon
مفاجئه اخر الاسعار في بلد الجنان اللي احنا والحمد لله عايشين فيها
اولا سكودا جاتلهم الحاله وبيعلو كل اسبوع ٥ الف جنيه
- امبشن تاني فئه ٢٤٣ الف
-اليجانس اعلى فئه ٢٨٣ الف اه والله
بالنسبه للكورولا نطت بردو
- فل اوبشن ب٢٠٠ الف
-هاي لين ب ٢٢٧ الف :Ka_che1[1]:
اما بقي الفلونس
E3 ب١٧٤٥٠٠
E3s ب ١٨٣٥٠٠
وبعدين ١٩٤ و ٢٠٥ بس بالطلب
حسبي الله ونعم الوكيل في الدولار والجنيه
انا كان نفسي فالاوكتافيا بس كده كده هما اتجننو عالاخر طاب ماركب انسنجيا احسن اهو الماني بتاع بلدو.
والكرولا كتير عليها قىي ٢٢٧ في الهاي وانا مش فارق معايا ال رير كاميرا والا التاتش سكرين بالنسبه للفرش الجلد بيركب في التوكيل عالهاي لاين عادي.
فرق العشر الاف جنيه بين فئتين الفلونس عشان فتحت سقف و سنسور مش منطقي ولو هانقارن بين كورولا و فلوينس يبقي بين ١٧٤ و ٢٠٠ الف.
انا ممكن لحد ٢٠٠٠ بس هل بوجد حد عندو راي محايد وقاطع مع علم اني فاهم كويس فرق الاوبشن في الينو و فرق السافتي والتقفيل فل الكورولا
علفكره الاسعار دي بعد العيد علطول و من الوكيل و مو ٢٠١٦
بص انا كنت محتار زيك كدا وسالت الناس المحترمه الي موجودين هنا ....اقتباس:
المشاركة الأصلية كتبت بواسطة Cybercrash_m
كنت بفاضل بينها وبين الوكتافيا بس الاوكتافيا لا طبعا توكيلها مشاكل والكلام عنها كتير
لحد ما واحد ركلت معاه ix 35 بصراحه عجبتني جدا .....وشكلي كده هروحلها مع اني مقلق من الكوري بس الناس الي ركبتها شكرت جدا فيها
مش عارف رايكوا ايه
اللى مركبش تويوتا كورولا مركبش عربية
مجربتش الكورولا
بس ليه تجربه سيئه مع فلوانس بعد ١٥٠٠ كيلو بخريت زيت وزدت زيت
المهم كل شويه تبخر زيت
لحد ما التوكيل وافق علي تبديل السياره باخري جديده بعد التاكد من وجود عيب فني يحتاج لوقت طويل في الصيانه
تقيمي للفلوانس بعد ٦٠٠٠ كيلو و ٨ شهور
١- السياره ثابته جداا وفاخمه وخامات ممتازه وشكلها جميل
٢-استهلاك البنزين كويس وسواقتها ممتعه وعاليه عن الارض
٣-الطاره تحكم في مثبت ومحدد السرعه فقط
٤-خلف الطاره تحكم في الميديا بصراحه تخنق
٥-صوت الموتور عالي السحب ضعيف
٦- عندي عمود دريكسيون عاوز يتغير بعد ٢٠٠٠ كيلو
٧-الكاسيت والتكييف بعيد شويه مش قريب للاستخدام بسهوله
٨-مينفعش تتصل من الطاره لازم من الكاسيت ومش سهل حوار يعني
٩-اكبر مشكله زيت الماتور اللي كل ١٥٠٠ عاوز نزودها
اخيراااا- راي وبكل صراحه وبعد اللي شوفته التوكيل محترم بس السياره مش اعتماديه