اقصی سرعة !!
امال 260 دي ايه ؟!
عرض للطباعة
اقصی سرعة !!
امال 260 دي ايه ؟!
السلام عليكم انا اخوكم فى المنتدى وناوى اشترى الاوكتافيا 2015 بس يا جماعة بعد اذنكم انا عايز اعرف هل الموتور القديم ال1600 حد جربه مع ال2015 وهل الموتور ضعيف بالنسبة للسيارة والسحب عامل ايه؟
سلام عليكم.. عايز اسأل حضراتكم سؤالين:
1- هو لو لا قدر الله بطارية العربية نامت.. هفتح العربية ازاي !! لان الريموت ساعتها مش هيشتغل.. ومش لاقي مكان للمفتاح من برة ؟؟
2- هل ينفع فوانيس الهاي لاين تتركب في الفئة التانية؟!
1-بالنسبة للمفتاح ... قي غطاء بلاستيك امتداد مقبض الباب بتشيله هتلاقي تحتيه مكان دخول المفتاح ودا فيديو للطريقة
https://www.youtube.com/watch?v=s-D3ffthu-E
2- اما بالنسبة للفوانيس الهايلاين للاسف ماتنفعش لاي فئة سواء اولى او تانية الفيش اللي جيه من الضفيرة مختلفة
تمام يا ا/اسلام
شكرا ليك..
السلام عليكم انا لسة مشترك جديد فى المنتدى ونفسى اعرف ايه رايكم فى a7 2015
فى موضوع السحب والارتفاع عن الارض وهى محملة و نشفان العفشة .... ارجوكم افيدونى افادكم الله لانى عايز اشتريها الفئة التانية ان شاء الله .... ولكم جزيل الشكر
يا ريت ياجماعة انا فارق معايا جدآ موضوع الارتفاع عن الارض انتو عرفين شوارعنا الجميلة اهل التجربة يا ريت.
مكتوب في البروشور ١٤٠ مم و ده تقريبآ قليل قوي. ارجو الرد
العربية عالية عن الارض ومفيش مشاكل من نااحية الارتفاع
السلام عليكم ورحمة الله
بحمد الله و من فضله استلمت سكودا a7 2015 الفئة الثانية موكا
ويشرفنى كثيرا ان انضم لكم عضوا جديدا يستفيد منكم ومن خبراتكم القيمة
م/ هشام على قنديل
انا ماعنديش العربية بس سمعت انها مريحة
مريحة الحمد لله
عندي استفسار
هيا الفئة التانية فيها سنكون بارك خلفي ولا لأ
و بصراحة انا محتار بينها وبين السبورتاج الفئة التانية
افيدوني
من افضل الاماكن لتركيب فرش جلد ل ال a7 جينز كار ومكانه
شارع زهير صبري خلف حى متفرع من شارع الطيران مدينة نصر
بصراحة جينز كار ممتازين فعلا
انا فرشت العربية جلد عندهم حاجة ممتازة ما شاء الله
فيها سنسور بارك بس مش في الاكصدام في الفبرة السودة الي تحت
هي ال1600 منها نفس موتور وفتيس الفانتزيا
اخوانى الكرام انا بقدم على شراء سياره سكودا اوكتافيا 2015 اليجانس هاى لاين الموتور الجديد 1600 سى سى ومتخوف جدا من سحب السياره والتسارع بتاعه رجاء الى جربها يقولنا اخبارها ايه مع الموتور ده ثانيا هى فعلا فيه درج ثلاجه ولا كلام وخالص رجاء الرد عليه والى عنده معلومه يوضحه وشكرا
اولا ربنا يهديك للصالح ان شاء الله
بخصوص الدرج هو بصراحه بيشتغل مع التكيف يطلع هواء ساقع زي اللي بيطلع من فتحات التكيف وفي مؤشر زي اللي على الهوايه بتاعه التكيف علشان تتحكم فى تدفق الهواء "انا معرقش العربيات التانيه نظامها ازاى" بس بمعني انه هيحافظ علي البروده بس معتقدش يسقع الحاجه
بخصوص السحب العربيه الحمد لله سحبها حلو وتسارعها جميل
يا شباب هو ما فيش جروب على الفيس لسكواد اوكتافيا a7 على الفيس بوك ولا ايه
يا جماعه ما فيش جروب a7 على الفيس
مركز صيانه الدائري لازم يولعوا فيه عدد الفنيين قليل جدا بطئ
السلام عليكم انا اشتريت حامل للسقف بس بتاغ اوكتافيا انا معايا 2008 بس ممتاز جدا لانو مخصص للاسكودا الاوكتافيا وبيتسبت في مكان المسمار اللي موجود في السقف لما تفتح الباب حتلاقي مكان فتحة مسمار والحامل بيجي بالمسامير علي قد فتحة المسمار بالظبط بس كان غالي كان تقريبا بي 450 انا مش فاكر اوي علشان جايبو من سنتسن بس شلت علية حاجات كتير اوي سرير مفكوك ومراتب ودولاب مفكوك بصراحة عملي جداز انا جبتو من شارع دمشق المحل يبقي علي شمالك لو انت جاي من ناحية روكسي تقريبا اخر محل
لا استطيع ان أتخيل كيف تصل سيارة مثل اوكتافيا A7 2016 بكل هذه الامكانيات المتواضعة جدا لهذه الأسعار الجنونية
هذه هي ملاحظاتي بعد تجربتي الشخصية المؤلمة مع السيارة والتي لم استطيع تحملها أكثر من عشرة أشهر مؤلمة:
1) موتور عفي عليه الزمن ولا يجوز أن يوضع في سيارة بهذا الحجم وهذه الفئة السعرية
2)عفشة لا تصلح إلا لجرار زراعي علي احسن تقدير
3)كم غير عادي من عيوب الصناعة (تم تغير كومبريسور وقاعدة موتور قبل اول 1000) بالإضافة شك مستمر في تلف المساعدين الخلفيين.
4)عزل سيء مقارنة بمثيلاتها في مثل هذه الفئة
5)sound system أقل ما يقال عنه أنه تم تجميعه في العتبة!!!!!!!
6)الميزة الوحيدة من وجهة نظري كانت مستوي الثبات علي الطريق لكن في مثل هذه الفئات الثبات ليس ميزة بل عنصر أساسي مسلم به
.
المجمل عن هذه السيارة انها شكل جميل يحمل موتور ضعيف ويسير علي عفشة عجوزة متهالكة ويتم البيع والتسويق للسيارة اعتمادا علي تاريخها وسمعتها التي كانت جيدة في الماضي و يتم عرض كميات قليلة في السوق مع رفع الأسعار بشكل جنوني وعشوائي (منطق الشئ النادر مرغوب )
.
ملحوظة : تم زيادة السعر الرسمي للسيارة(الفئة الثانية ) حوالي30000 جنيه في أقل من عام بدون أي تطوير أو إضافة ملحوظة في السيارة في عملية اعتبرها أن شخصيا وضع يستحق التحقيق الفوري من الجهات المسؤلة وجهاز حماية المستهلك.
...
باركولي يا جماعه انا جبت الفئة الأولي بس فيه استفسار هل ممكن اغير جنوط الفئه الأولي بجنوط اخري مع دع الفرق في حد جرب يعمل كده افدوني افادكم الله
السلام عليكم
في اي اخبار عن smart link او mirror link لموديلات ٢٠١٥ و ٢٠١٦
مع العلم انو برا بينزيل من اول ٢٠١٤
و علي البوليرو والكلومبوس
يا ريت لو حد يفدنا
كنت عايز اسأل على الموتور سحبه عامل ايه بيجمع بسرعة ولا تقيل ؟
الصراحة كنت عايز اجيب سيات ليون 2016 و لقيت نازل فيها موتور 1.6 MPI بعد البحث لقيت انه موتور الاوكتافيا a7 الـ 110 حصان ...
فأيه رأي الملاك فهذا الموتور و الفتيس الـ 6 سرعات ؟؟
انا اشتريت ايه 7 اول فئه جديده 2016 و لاحظت لما اعمل اي مشوار بحط ايدي علي الكبوت بلاحظ انه سخن و بعد حوالي 15 ساعه لسه دافي بتفتح الكبوت بصيت لاقيت ان الكبوت مفيهوش عازل و علي الصاج علي طول السؤاال هو ده طبيعي في عربيه تمنها 238000 جنيه و هل حد عنو حبره يقولي هل ده اثر علي البويه عنده و لا لأ و هل الشكوي في حماية المستهلك هتفيد في حاجه و لا حماية المستهلك بيحمو التوكيلات مش المستهلاك و حاجه كمان ضيقتني جدا المريات الجانبية من اسواء و ارخص المواد المستخدمه فيها و الكلاكس فرده واحده و مفيش مسند يد للسائق و محدش يقولي دي كماليات للعربية لان دي اساسيات عربيه و ليه مسترخصين كده مع ان العربيثه مش رخيصه معلش يا جماعة دي اول تجاربي مع الأكتافيا و بصراحة و من غير زعل العربيه دي احنا طلعين بيها السما علي الفاضي العربيه فعلا رديئه و التوكيل بيستهبل و بيسترخص و بيشيل حاجات اساسيه في العربيع يعني لما العازل ده ياثر في البويه و في التكييف اكيد ساعتها محدش هيفدني للأسف انا اشتريت العربيه دي و بصراحه مش مقتنع بيه دلوقتي مع ان الكل كان بيقولي ان العربيه رائعه انا كنت راكب بيجو 508 قبليها علي طول بس بصراحه برقبتها طبعا و ارجو من اصحاب الخبره في اوكتافيا يقولولي الصح لو انا بكلم غلط
حماية المستهلك ملهوش دعوة بالموضوع الحقيقة.
الحاجات اللى حضرتك قايلها التوكيل كان قايل انها موجودة وشالها ولا هى كدة......لأ هى كدة. يبقى حماية المستهلك برة القصة خالص.
ده مش عيب صناعة. ده عيب الوكيل للأسف اللى مسترخص ومغلى العربية اكتر بكتير من ثمنها.
تقبل تحياتى