ألف مبروك وربنا يديك خيرها ويكفيك شرها
عرض للطباعة
[QUOTE=Waseem.Elbialy;3875864146]السلام عليكم
الحمد لله ربنا كرمني واشتريت a7 الفئة التانية فضي
بس كان عندي سؤال يا جماعة هل في حد جرب يفرش عربيته فرش جلد للكراسي والارضية كمان ( اللي بتتطلب فك كل الصالون وتركيبه تاني) لآني بصراحة نفسي اركب فرش جلد ارضية وكراسي بس ناس كتير محذراني وبيقولولي ده هيبقى وحش والكراسي هتزيق فياريت لو حد يعرف مكان يكون فيه صنايعي ضيف ويكون فرش عربيته بنفسه
وشكرا جزيلا للرد مقدما
السلام عليكم
انا معايا الهاي لاين
و ركبت فرش جلد و ارضية عند جينز كار
بصراحة ممتازين
باركولي .. انهاردة رخصت العربية .. اوكتافيا a7 الفئة التانية .. لون موكا
لو ممكن حد من الاصدقاء الملاك يقولي امتى اول مرة للصيانة يعني بعد كام كيلو ، ولو ممكن جدول الصيانة وتكلفة كل صيانة
معلش استحملوا اخوكم
معلش عايز استفسر من حضراتكم
دلوقتي العربية في المعارض تقريبا كلها ب 223 الف للفئة التانية
ولما كلمت ارتوك قالي 214 الف !!
هو فرق السعر ده جي منين انا مش فاهم!!
ارتوك بتحجز العربية ب 1500 دولار وتقريبا سعرها شامل الحجز 28600 دولار للفئة التانية
وطبعا ده نتيجة الهبل في اسعار الدولار ما بين السوق الرسمي والسماسرة، وطبعا لما حضرتك ح تحاول تشتري دولار حتلاقيه - اذا لاقيته - بسعر 7.9 جنيه يعني العربية ح تعمل تقريبا 225940 وده طبعا استهبال من الوكيل بالتعاون مع الموزعين وممكن بعض الناس تعتبره شفافية في التعامل
وعلى فكره اسعار سكودا زادت يوم الاربعاء اللي فات 14/01/2015 بمبلغ من 6000 الى 7000 جنيه يعني العربية تجاري بقت بحوالي 220000 وده طبعا معناه ان السعر للمشتري ح يكون في حدود 228000.
هو ازاي الواحد يقدر يعرف اذا كانت العربية a7 2014 ولا a7 2015 ؟!؟!؟!
ال ١٦٠٠ كلها ٢٠١٥
انا باذن الله هستلم الاوكتافيا الفئة التانية علی اخر الاسبوع ان شاء الله
ايه نصايح حضراتكم ليا عند الاستلام !؟
يا اخونا انا محتار جدا اشترى a7 ولا لا الناس كلها بتقول انها اوحش من الفانتازيا من ناحيه الثبات والكفاءه انا فى حيره رهيبه وبسبب الموضوع ده انا بفكر اشترى باسات لان فعلا انا من اهم الحاجات عندى الثبات
ما المشكله بتاعت الفتيس ديه هتجننينى بصراحه انا لو لطمنت من القصه الفتيس ديه هعتمد على طول وكل ما اروح اى محل عربيات يقولى بلاش خليك فى a7 ده غير كل ايلى فى السوق ٢٠١٤ وبيبعوه ٢٠١٥ لان الشكل متغير تماما الجديد يا اخونا ارجو النصيحه فعلا انا هتجنن والله ده بالضافه ايلى يقولك ٥٠٨ :fdsa::fdsa:
اول حاجة تبص
على كل العربية كويس .. و بعدين جرب العربية امشى بيها و شغل الباركينج سنسورز و الفوجات و التكييف .. ..بيجى مع العربية استبن طاسة و عدة و غطا مسامير و حامل ميديا و دواسات موكيت و الكتالوج و الضمان و مفتاح سبير .. ده اللى التوكيل بيسلمهم و اقرا المعوذتين وربنا يحفظك
مقارنة الباسات و 508 ماشى لكن نحط معاهم الأوكتافيا ما ينفعش.
الدعم بتاع vw ممتاز بخصوص مشاكل الفتيس، لكن الشكل الجديد إللى نزل برة تحفة وأحلى كتير من الموجود عندنا. لو تعرف تتابع حينزل امتى.
ال508 ممتازة برضو والتعديل الجديد فى الشكل الفيس ليفت حلو برضو ورأيى أحلى من القديم بكتير.
لازم حضرتك تحدد الاحتياجات الأول
سلام عليكم انا لسه مستلم عربيتي قريب a7 1600 مكملتش 2000 كم
بس لاحظت حاجة حصلت معايا مرتين معرفش ده طبيعي ولا لآ
العربية نتشت معايا مرتين وهي بتنقل من التاني للتالت كأنك زي العربيات المانيوال شيلت رجلك مرة واحدة من عالدبرياج
يا ترى الحكاية دي طبيعية وانا اللي بيتهيقلي ولا فعلا في حاجة ولازم اخد بالي تاني اذا كانت هتتكرر ولا لآ
وساعات برضو العربية لو طالع مطلع تقيل بتتأخر لحد 3500 rpm عشان تنقل من التاني للتالت او التالت للرابع
غير كده بصراحة العربية كويسة جدا معايا
اسماعيل البدرى
ربنا كرمنى بالهاى لاين فيرانى
لاحظت فى المنتدى كلام على طقم لوك ممكن اعرف هو ايه وكمان اعرف ان فى رشاش للفانوس الامامى بس مش عارف اشغله
أسعار قطع غيار سكودا أوكتافيا a7 حصريا
فانوس أمامي 1200 جم
فانوس خلفي 975 جم
إكصدام أمامي 2100 جم
إكصدام خلفي 1700 جم
تيل فرامل أمامي 660 جم
تيل فرامل خلفي 380 جم
سير كاتينه ( طقم بليه وسير) 1200 جم
مساعد امامي واحد 950 جم
مساعد خلفي واحد 600 جم
طنابير امامي (طقم) 1000 جم
طنابير خلفي (طقم) 900 جم
زجاج أمامي 1500 جم
زجاج خلفي 1200 جم
مرايه جانبيه يمين 3500 جم
مرايه جانبيه شمال 6200 جم الى فيها تعتيم العاديه ب 3500
كوفر المرايا ب 350
فلتر زيت 60 جم
فلتر هواء 185 جم
فلتر تكيف 180 جم
سعر اول صيانه 450 جنيه عن 7500 كيلو وبيبقى فى خصم مصنعيه بس لازم يكون الضمان معاك
الزيت تقريبا ب 400 وقلتر الزيت ب 60
بتاخد 5 لتر الا ربع بالتقريب
الصيانه التانيه عند 15000 الف
زيت موتور + فلتر زيت+ تربيط عفشه+تغير فلتر هواء
السعر فى حدود 900 بس مش متاكد
انا كنت عايز اعرف هيا العربيه فيها asr و esb ولا لا وكنت عايز اعرف اخبار الثبات بتاعها ايه
سلام عليكم
النهاردة كنت مسافر بني سويف عالطريق الصحراوي الشرقي وقلت فرصة اجرب اشد بالعربية
للي ميعرفش طريق الصحراوي الشرقي كله مطالع ومنازل
المهم العربية سواء كان الطريق صاعد او ستوي مكانتش بتزود عن 185 او 190 الا ببطء شديد
لكن لو على منزل جابت 210 ومرضيتش ازود لآن الطريق كان زحمة
يا ترى هل هو ده الطبيعي ولا العربية معايا كانت مكتومة شوية ؟
شكرا
يا اخونا هو ايه الفرق بين العربيه a7 وال spurb