تمام كده .. ده نظام الوكيل مش اكتر .. شكرا يا باشا
عرض للطباعة
اعتقد اللي بيحصل دة لعب موزعين علشان يحطو أوفر برايس
يا تري الناس اللي حاجزة العربية حد منهم استلم
اول تسليمات هتبقي علي نصف الشهر او بعديه بأسبوع
مهندس في التوكيل قال لي انهم مش هيجيبو ال ١٤٠٠ تاني
وكل الدفعات اللي جاية ١٦٠٠
الموضوع سيتم تثبيته ان شاء الله عن قريب
http://www.nilemotors.net/Nile/438664-a.html
تحياتى بالتوفيق
للجميع
م / احمد سيد
منسق قسم سكودا
السلام عليكم....
يا جماعة انا حاجز a7 سودا الفئة التانية من شهر 7 قبل العيد عند اباظة الى فى التجمع و للاسف لحد دلوقتى مستلمتهاش...... كنت فاكر ان معارض اباظة محترمين فى التعامل و فى مصدقية و خصوصا ان اول ما تعملت مع بتاع المبيعات عند ادفع فلوس الحجز قالى بعد العيد علطول هتستلم العربية و احنا صرحه جدا مع العملاء و بنسلم فى مواعدنا و مش بنحب اسلوب لوى الدراع و مبنعملش اوفر برايش عشان احنا موزع معتمد لسكودا .... و قعد ساعة ينفخلى فى المكان.... فتوكلت على اله و حجزت.... من العيد لحد دلوقتى مستلمتهاش و كل شوية يكلمونى يوقولى موصلتش بس احنا ممكن نجبهالك بوفر برايس 8 الف جنية ,,, و بعديها بيومين قالولى و من اسبوعين كلمونى و قالولى العربية وصلت بس اللون مش موجود... ممكن نجبهالك بس اوفر برايس 10 الف جنية :)
يا جماعة لو حد يعرف معرض محترم اتعامل معاه و تكون عنده العربية بسعرها .. اكون شاكر....
ولا اشوف عربية تانية و اريح دماغى !!
مش هتعرف تجيبها اليومين دول الا بأوفر برايس لو عايز من غير أوفر لازم تحجز توكيل فقط مش من عند موزعين
يا باشا انا حصل معايا نفس الى حصل معاك مرتين مره مع علاء الدين ومره مع المصرية ، وفوتوا عليا فرصة الحجز فى لتوكيل فى اخر دفعة اللى المفروض تستلم الاسبوع الجاى ، اول لما كان بيجى ميعاد التسليم يقولى اوفر او خد فلوسك او استنى من غير تحديد ميعاد، المرتين خدت فلوسى واتعلمت ان الحجز الوحيد المضمون فى التوكيل وعلى فكرة الحجز فى التوكيل هيفتح اخر الاسبوع بس معرفش اليوم تحديدآ
يا باشا مش هيديهالوا من غير أوفر برايس ما دام عنده ئل يدفع أوفر يبقي خلاص
انا أتعلم فيا كده كنت حاجز اصلا بأوفر برايس ب ١٧ ومره واحده كلموني وعايزين يخدموني يعني ههه وقالولي في واحد منفذش في عربيته تعالي دلوقتي لو عايزها روحت لقيتم بيقولو لولي ب ١٩ قلتلهم يعاني انتوا عايزين تبيع ولي بأوفر علي الأوفر قلتلهم خلاص انا انا هستني لما تيجي ئل انا حاجتها وبصراحه واحد صاحبي الله يكرمه قلي ان حجز للتوكيل فتح فرحت حجزت
وربنا يحرمنا بقي في الاستلام
للأسف الشديد البلد دلوقتي بقيت سايبة التجار الجشعين دول يستغلوا الموقف ويزودوا زي ما هما عايزين
انا طلع عيني وعين اللي جابوني قبل العيد عشان اوصل لسعر جيد ولكن في النهاية جبتها علي 219 عشان التوكيل اصلا الحجز فيه مقفول دلوقتي واللي سمعته ان العربية وصلت لـ 223
ربنا معاك
انا اتعاملت مع توكيل القطامية ناس محترمين جدا كان ميعاد التسليم 23 يونيو وكلمونى قالولى المركب اتاخرت اسبوع بعد اسبوع قالولى تعالى استلم العربية والاسعار عندم زى ماهيا بدون اى زيادة اللى اختلف فقط الحجز بقى 60 يوم بدل من 30 يوم وخصوصا استاّذ محمد صلاح راجل محترم جدا وكلامة مهذب جداا
الناس لو صبرت شوية محدش من التجار هيعرف يبيع بالاوفربرايس
المشكلة ان الموزعين حيبقى عندهم برضو بعد وصول الدفعة الجديدة لأنهم حاجزين هما كمان. وبالتالي حيفضل الطلب أكتر من العرض ويطلبوا زيادة.
ومش عارف ليه اظن ان التوكيلات بيعملوا كدة لمكسب خفى بينهم وبين الموزعين من ناحية، وعلشان يحسس الناس بزيادة الطلب على العربية من ناحية تانية
طبيعي هيبقي في عجز لفترة وبعدين لما الناس تستلم الدنيا هتظبط
استفسار لمالكى السيارة ، العفشة بتاعت العربية عاملة ايه؟؟ الكلام كتير وانا حاجز وقلقت من اللى سمعته ياريت اسمع رايكوا فى عفشة العربية
سؤال العربية كانت موجودة بكميات كبيرة من فترة فئة ال1400 التربو وفعلا كنت بشوفها عند القرش وسمير ريان بكميات كبرة اكثر من 25 عربية شوفتهم عند سمير ريان فى مخزنه وكذلك الرواد وانا شاريها من الرواد فهل كل دول تم بيعهم ولم يتبقى منهم شئ واصبحت غير موجودة غريبة واصبحت لا تنتج انا كلامى طبعا على ال1400 التربو فما تفسير بيع كل الكميات ديه بالرغم من خوف الناس